საქართველოს ოკუპირებული ტერიტორიებიდან იძულებით გადაადგილებულ პირთა, ხელახალი რეგისტრაციისათვის ზუგდიდში ხუთი შესაბამისი პუნქტი ამოქმედდება. განსახლების და ლტოლვილთა სამინისტროს სამეგრელო-ზემო სვანეთის სამმართველოს ხელმძღვანელის განცხადებით, აღნიშნული 5 პუნქტიდან  ოთხი1 აგვისტოდან 14 სექტემბრამდე იფუნქციონირებს, ერთი კი 27 დეკემბრამდე, რეგისტრაციის დასრულებამდე დარჩება. მიისვე განმარტებით სარეგისტრაციო პუნქტები  ზუგდიდის მუნიციპალიტეტის გამგეობის შენობაში, საკრებულოში, ფაიფურში - ზუგდიდის დამოუკიდებელი უნივერსიტეტის და კომბინატში - შოთა მესხიას სასწავლო უნივერსიტეტების შენობებში განთავსედბა. „ ყველა იძულებით გადაადგილებული პირი პირადად უნდა გამოცხადდეს, ვინც 6 წელზე მეტი ასაკისაა, თუმცა ბავშვების მოსვლა ამ პუნქტებში არ არის სავალდებულო. დევნილებმა შესაბამისი მოწმობა და პირადობა უნდა წარმოადგინონ, არასრულწლოვანმა კი დაბადების მოწმობა“, - განაცხადა ირაკლი ქოჩუამ. მისი ინფორმაციით, ზუგდიდის მუნიციპალიტეტის მასშტაბით ოფიციალური მონაცემებით სულ 45 000-მდე იძულებით გადაადგილებული პირია, თუმცა ხელახალი რეგისტრაციის აუცილებლობა განაპირობა ეჭვმა, რომ ეს რიცხვი რეალობის შესაბამისი არ არის. ქოჩუამ ასევ აღნიშნა, რომ აუცილებელია დევნილები, რომლებიც საზღვარგარეთ იმყოფებიან   27 დეკემბრამდე საქართველოში ჩამოვიდნენ და რეგისტრაცია გაიარონ , წინაარმდეგ შემთხვევასი მათ დევნილის სტატუსი შეუჩერდებათ.