დღეს, 9 აგვისტოს „სამოქალაქო მონიტორინგისა და კვლევების ცენტრმა“ ზუგდიდში ასოციაცია "ათინათის" სააქტო დარბაზში, მუნიციპალიტეტის ადგილობრივი თვითმმართველობის ორგანოთა საქმიანობის მონიტორინგის შუალედური ანგარიში წარმოადგინა. ანგარიში მომზადებულია ასოციაცია “ათინათისა”, და “სამოქალაქო მონიტორინგისა და კვლევების ცენტრის” კოალიციური პროექტის “საზოგადოების ჩართულობა დემოკრატიული თვითმმართველობისათვის” ფარგლებში. პირველი შუალედურ  ანგარიშში მიმოხილული იყო ზუგდიდის მუნიციპალიტეტის გამგეობის მიერ 2013 წელს „საავტომობილო ტრანსპორტის მომსახურების“ შესყიდვების მიზნით გამარტივებული ელექტრონული ტენდერები და 2006-2013 წლებში ზუგდიდის მუნიციპალიტეტის საკრებულოს, გამგეობისა და სამეგრელო-ზემო სვანეთის სამხარეო ადმინისტრაციის თანამშრომელთა ქვეყნის შიგნითა და ქვეყნის გარეთ მივლინებების საკითხი. „სამოქალაქო მონიტორინგისა და კვლევების ცენტრის“ წარმომადგენელმა ნუგზარ გაბელიამ აღნიშნა, რომ ორგანიზაციის მიერ მუნიციპალიტეტის გამგეობას გარკვეული რეკომენდაციები გაეწია, რომ გამგეობის მიერ დაფინანსდეს, ის პროექტები, რომლებიც წარმოადგენს მის ექსკლუზიურ უფლებამოსილებას. მისივე თქმით ის თანხები, რომლებიც საჯარო სამსახურში მივლინებისთვის გაიცა აუცილებლად უნდა იყოს დასაბუთებული და შედეგის მომტანი,რადგან მუნიციპალიტეტის მაცხოვრებლების მიერ გადასახადებისთვის  გახარჯული თანხა უნდა იძლეოდეს მაღალ სოციალურ ეფექტს.