ზუგდიდის მუნიციპალიტეტის სოფელ რიყიდან სასმელი წყლის მილების თვითნებურად ამოღების ფაქტთან დაკავშირებით, „საერთაშორისო გამჭვირვალობა - საქართველომ“ რეგიონული განვითარებისა და ინფრასტრუქტურის მინისტრს წერილით მიმართავა. „საკითხის მნიშვნელობიდან გამომდინარე, რეგიონული განვითარებისა და ინფრასტრუქტურის სამინისტროს კომპეტენციის ფარგლებში გთხოვთ უზრუნველყოთ, სოფელ რიყის მოსახლეობისთვის წყალმომარაგების სისტემის მომარაგება, რადგან სავარაუდოდ დამნაშავეთა დადგენა და მათი პასუხისმგებლობის დაყენება სოფელ რიყის მოსახლეობის ნაწილის წყალმომარაგების პრობლემას ვერ მოაგვარებს. ბოლო 9 თვის განმავლობაში რიყეში მცხოვრები 150 ოჯახი სასმელ წყალს ასეული მეტრით დაშორებული წყაროდან ეზიდება. მოშლილია სარწყავი სისტემაც, რაც პრაქტიკულად შემოსავლის გარეშე ტოვებს მოსახლეობას“, - ნათქვამია სამინისტროსთვის გაგზავნილ წერილში. „საერთაშორისო გამჭვირვალობა - საქართველოს“ წერილში ასევე საუბარია  ზუგდიდის გამგებლის მოვალეობის შემსრულებლის ედიშერ თლორაიას განცხადებაზე, რომელიც მან ერთ-ერთ შეხვედრაზე გააკეთა.  თოლორაიას განცხადებით, წყლის მილების ამოღება და სარგებლობა რიყის მოსახლეობის სურვილი იყო. თუმცა, როგორც  „საერთაშორისო გამჭვირვალობა - საქართველოს“ წერილშია ნათქვამი, მოსახლეობასთან საუბრის შემდეგ დადგინდა, რომ რყის მოსახლეობა ითხოვდა არა ოლორი-რუხის მაგისტრალის მილების ამოღებას, არამედ იმ მილებისა, რომელიც გალის რაიონიდან ზუგდიდს მიეწოდებოდა წყალი. მოსახლეობის ინფორმაციით, აღნიშნული მილები უკვე ათეული წლებია მწყობრიდანაა  გამოსული. ზუგდიდის რაიონული პროკურატურის წერილის თანახმად, რომელიც „გამჭვირვალობამ“ მიიღო, ნათქვამია, რომ სოფელ რიყიდან წყლის მილების ამოღების ფაქტზე გამოძიება მიმდინარეობს და მტკიცებულებების შეჯერების შემდეგ დაზუსტდება კვალიფიკაცია. ცნობისთვის, სოფელ რიყიდან სასმელი წყლის მილები გასული წლის დეკემბერში. ჯერ-ჯერობით დაუდგენელმა პირებმა, თვითნებურად ამოიღეს.