9 სულიანი ოჯახი, რომლებსაც ბინიდან გამოსახლება ემუქრებათ, სამეგრელო-ზემო სვანეთის საოლქო პროკურატურასთან საპროტესტო აქციას მართავენ. აფხაზეთიდან დევნილი მაკა გვარამიას თქმით, მათ ქუჯის ქუჩაზე ერთ ოახიანი ბინა 20 წლის წინ შეიძინეს. წელიწადნახევრის წინ კი ძველმა მეპატრონემ თაღლითური გზით, ვინმე როლანდ შონიას დახმარებით ბინა ისევ თავის სახელზე გადაიფორმა. დაზარალებულების განმარტებით, ბინის შიდა აზომვითი ნახაზი, რომელიც ძველმა მეპატრონემ საჯარო რეესტრში წარადგინა, გაყალბებული იყო, რადგან მათივე განცხადებით აზომვითი ნახაზი, მათ მეზობლად მდებარე, სხვა ბინას გაუკეთდა. დაზარალებულების განცხადებით, აღნიშნულ საქმეზე სისიხლის სამართლის საქმე ო აღძრული, თუმცა ძიება მოულოდნელად შეწყდა. გვარამიების ოჯახის წევრები ეჭვობენ, რომ აღნიშნულ საქმეში სამეგრელო-ზემო სვანეთის მთავარი პროკურორი ვალერიანე იოსავაა გარეული, რადგან ოლქის პროკური და საქმეში გარეული შონია ახლობლები არიან. „რატომ და სად უნდა წავიდეთ? ვის გამო უნდა წავიდეთ, იოსავასი და შონიას გამო? იოსავამ გამოაგზავნა ბინის დაცლაზე განცხადება, რომელიც ერთი თვეა დადგინდა. გუშინ უბნის რწმუნებული მოვიდა და მეუბნება, რომ ბინა ხვალ 11 საათზე უნდა დავცალო. ოთხი მცირე წლოვანი ბავშვი გვყავს, სად უნდა წავიდეთ?!“, - აცხადებს მაკა გვარამია. დაზარალებული მზია გვარამია და მისი უფლებების დამცველი ადვოკატი თანდილა ჯოლოგუა, ზუგდიდის პროკურატურის საზოგადოებასთან ურთიერთობის სამსახურის უფროსს დღესვე შეხვდნენ, როლისგანაც გარკვეული დაპირებები მიიღეს. „დაგვპირდნენ, რომ ბინიდან გამოსახლება შეჩერებული იქნება. ასევე გვითხრეს, რომ სასამართლოსთვის სამოქალაო წესით მიგვემართა. ასევე, დაგვპირდნენ, რომ ორშაბათს საქმის მასალებს გადმოგვცემენ. ამის შემდეგ ჩვენ რესპუბლიკის მთავარ პროკურორს განცხადებით მივმართავთ“, აცხადებს თანდილა ჯოლოგუა. სამეგრელო-ზემო სვანეთის საოლქო პროკურატურაში ზემოაღნიშნულ საქმეზე კომენტარს არ აკეთებენ. დაზარალებული გვარამიების ოჯახის წევრები საოლქო პროკურატურასთან ამ დრომდე რჩებიან. პროკურატურასთან საპროტესტო აქციის დაწყებამდე ადვოკატმა თანდილა ჯოლოგუამ აღრნიშნულ საკითხზე პრესკომფერენციაც გამართა.