სამეგრელო-ზემო სვანეთის საოლქო პროკურატურის გადაწყვეტილებას, გვარამიების 9 სულიანი ოჯახის ბინიდან გამოსახლების ორი დღით გადავადების შესახებ, ბინის ყოფილი მეპატრონის თეთრიკო აქუბარდიას ადვოკატი უკანონოს უწოდებს. აფხაზეთიდან დევნილი გვარამიების 9 სულინ ოჯახთან ბინის საკუთრების გამო დავაში მყოფმა თეთრიკო აქუბარდიამ და მისმა ადვოკატმა როლანდ შონიამ გვარამიების ბრალდებებს განცხადებით უპასუხეს. როლანდ შონია აცხადებს, გვარამიები სამეგრელოს მაჟორიტარ როლანდ ახალაიასა და რაიონულ პროკურორ დიმიტრი ხვიტიასთან ნათესაური კავშირის გამოყენებით წლების მანძილზე უკანონოდ ცხოვრობენ აქუბარდიას კუთვნილ ბინაში. „დიტო ხვიტია აქტიურად ერეოდა საკითხში და გვაიძულებდა გვარამიების სასარგებლო თანხად 5 000 დოლოარად მიგვეყიდა ეს ბინა.“-აღნიშნავს როლანდ შონია.მან ასევე განაცხადა, რომ ახალი მთავრობის პირობებში საქმის ხელახალი განხილვის შემდეგ გვარამიების ბინიდან გამოსახლება დღეს უნდა მომხდარიყო, რასაც ხელი ხვიტიამ შეუშალა. ადვოკატი როლანდ შონია პროკურორ დიმიტრი ხვიტიას წინაარმდეგ პროკურატურაში განცხადების შეტანას აპირებს. ცნობისთვის, გუშინ, 23 აგვისტოს სამეგრელო -ზემო სვანეთის საოლქო პროკურატურასთან, აფხაზეთიდან დევნილიმა, 9 სულიანი გვარამიების ოჯახმა საპროტესტო აქცია გამართა. გვარამიების ოჯახს ბინიდან გამოსახლება ემუქრებათ. მათი განმარტებით, ქუჯის ქუჩაზე ერთ ოახიანი ბინა 20 წლის წინ შეიძინეს. წელიწადნახევრის წინ კი ძველმა მეპატრონემ თაღლითური გზით, როლანდ შონიას დახმარებით ბინა ისევ თავის სახელზე გადაიფორმა.