დღეს და ხვალ ფოთსა და ზუგდიდში "ნატახტარის" ლუდის ფესტივალი გაიმართება. ღონისძიება ფოთის ცენტრალურ პარკსა და ზუგდიდის ცენტრალურ მოედანზე 17:00 საათზე დაიწყება. ფესტივალში მონაწილეობას მიიღებენ ანსამბლები - Strong Men, Agora Lifeband, დავით ილურიძის ბენდი, Latino Boys, REGGEYON, "ზარები", Evening Project, The goblins, "ნალი", Natural Born Lovers (ft Poul) და "ფრანი". ბენდების გამოსვლებს შორის შესვენების დროს სხვადასხვა სახის თამაშები და ლუდის სმაში შეჯიბრებები გაიმართება. გამარჯვებულებს საჩუქრად უფასო ლუდი გადაეცემათ. საგანგებოდ გაწყობილ ლიმონათის კუთხეში ბავშვების გართობაზე ანიმატორები იზრუნებენ. ფესტივალზე წარმოდგენილი იქნება კომპანიის ხუთი ბრენდი – "ნატახტარი", "მთიელი", "კაიზერი", "კოზელი" და "ეფესი". ლუდის ფესტივალის გამო ზუგდიდში მთავარი გამზირი გადაკეთილია, რის გამოც საცობებია და მძღოლებს შემოვლითი გზით სარგებლობა უწევთ.  ტრასაზე მოძრაობას საპატრულო პოლიცია არეგულირებს.