საპრეზიდენტო კანდიდატის დავით ბაქრაძის ზუგდიდში ჩამოსვლის დღეს, ნაციონალური მოძრაობის წევრები პროვოკაციაებს ელოდებიან. დავით ბაქრაძის საარჩევნო შტაბის ხელმძღვანელის ლაშა დამენიას თქმით, ზუგდიდში პროვოკაციებს „დაიცავი საქართველოს“ წევრი კახა მიქაია და არასამთვარობო ორგანიზაციის „ქალები მშვიდობისთვის“ ლიდერი ლალი ანთია გეგმავენ. „პროვოკაციები ასევე დაგეგმილია სოფლებში, საიდანაც ხალხი აპირებს ჩამოსვლას. ჩვენი ინფორმაციით ამ ხალხს სოფლის ცენტრებში დახვდებიან და იქ მოუწყობენ პროვოკაციებს. ჩვენ გავიგეთ, რომ ეს თბილისიდან არის მმართული. დაურეკეს რამდენიმე კაცს და დაავალეს, „მიხედეთ იქ სიტუაციასო“, - უთხრა რადიო „ათინათს“ ლაშა დამენიამ. მისივე თქმით, მოსალოდნელ პროვოკაციაზე წერილით უკვე მიმართეს სამართალდამცავ ორგანოებს. კახა მიქაია და ლალი ანთია ლაშა დამენიას ბრლადებებს უარყოფენ და ამბობენ, რომ მათ დავით ბაქრაძის ჩამოსვლასთან დაკავშირებით არანაირი გეგმები არ ააქვთ. „არ ვიცი რა დავიფიცო, არანაირ პროვოკაციას არ ვგეგმავთ, საერთოდ არ ვიცოდი, გუშინ გავიგე. ამ საღამოს თბილისში ვაპირებ წასვლას. თუმცა ლაშა დამენიას ვურჩევ არ გამომიწვიოს თორემ საოპერაციო მაგიდაზე, რომ ვიწვე ვერავინ გამაჩერებს“, - ამბობს ლალი ანთია. ცნობისთვის, დავით ბაქრაზეს ზუგდიდში, ხვალ 11 სექტემბერს ელოდებიან, სადაც დაახლოებით 3-4 ათასამდე პარტიულ აქტივს და ამომრჩერვლებს ელოდებიან.