ზუგდიდის მუნიციპალიტეტის გამგეობის საჯარო მოხელეები, გამგეობის სამსახურები, საგანგებო სიტუაციების უფროსი და მოადგილე, სამხედრო გაწვევის თანამშრომლები და სოფლის რწმუნებულები ღვთისმშობლობასთან და ჯვართამაღლებასთან დაკავშირებით ფულად დახმარებას მიიღებენ. ამის შესახებ გადაწყვეტილება დღეს, 10 სექტემებერს საკრებულოს სხდომაზე ერთხმად იქნა მიღებული. როგორც სხდომაზე საკრებულოს საფინანსო კომისიის თავმჯდომარე ბესიკ გაბუნიამ განმარტა, „გამგეობის მოთხოვნაში აღნიშნულია, რომ სამსახურის მთავარ სპეციალისტებზე და უფროსებზე ხელფასს გატოლებული ფულადი დახმარება გაიცეს, ხოლო სამსახურის სპეციალიტებზე ხელფასის 70%.“ საკრებულომ ფულადი დახმარების არათანაბარად გაცემაზე უარი თქვა და გამგეობას ნება დართო, ყველა თანამშრომლებზე ხელფასს გათანაბრებული ფულადი დახმარება გასცეს. ცნობისთვის, ზუგდიდის გამგეობა, დღესასწაულებთან დაკავშირებით, ფულად დახმარებას წელს უკვე მეოთხედ გასცემს.