ზუგდიდში „ქართული ოცნების“ საპრეზიდენტო კანდიდატის, გიორგი მარგველაშვილის საარჩევნო შტაბი გაიხსნა . შტაბის გახსნას საპარლამენტო უმრავლესობეის წევრები, ზაქარია ქუცნაშვილი, ეკა ბესელია, გიგა ბუკია, გიორგი ჩიქოვანი და ელისო ჩაფიძე ესწრებოდნენ. გიორგი მარგველაშვილის ზუგდიდის საარჩევნო შტაბის ხელმძღვანელის პოსტზე ზაქარია ქუცნაშვილმა ზურაბ ჩიქავა წარადგინა. საპარლამენტო უმრავლესობის წევრები საზოგადოების წინაშე სიტყვით წასდგნენ. საპარლამენტო ფრაქცია „ქართული ოცნების“ თავმჯდომარემ ზაქარია ქუცნაშვილმა აღნიშნა, რომ ზუგდიდელებმა და სამეგრელომ უნდა დაამტკიცონ,  რომ ყოველთვის სამართლიანობის სადარაჯოზე იდგნენ. „თუ სადმე სიმართლე და სამართლიანობა სჭირდება ქვეყანას, პირველ რიგში ზუგდიდს და ზუგდიდელებს სჭირდებათ,-„ აღნიშნა ქუცნაშვილმა და დასძინა, რომ დროა წერტილი დაესვას კოჰაბიტაციას, რომლის გამოც მათ ხშირად სამართლიანად საყვედურობენ. მან საზოგადოებას მოუწოდა რომ 27 ოქტომბერს გიორგი მარგველაშვილს დაუჭირონ მხარი. „სამეგრელომ განსაუთრებული როლი უნდა შეასრულოს საპრეზიდენტო არჩევნებში. მე დარწმუნებული ვარ რომ ზუგდიდის მოსახლეობა ძალას მოიკრებს, უარს იტყვის ძალადობაზე და გიორგი მარგველაშვილი გახდება ზუგდიდელების რჩეული",- აღნიშნა ეკა ბესელიამ. „ქართული ოცნების“ საარჩევნო შტაბთან შეკრებილი მოქალაქეები  საპრეზიდენტო კანდიდატის გამოსვლის მოსასმენად, საარჩევნო გეგმის გასაცნობად და მის მხარდასაჭერად იყო შეკრებილი, თუმცა მარგველაშვილი შტაბის გახსნას არ დასწრებია.