ამის შესახებ საქართველოს პრემიერ-მინისტრმა ბიძინა ივანიშვილმა თანაინვესტირების ფონდის პრეზენტაციაზე განაცხადა. "ისეთ გლობალურ პროექტებს, როგორიცაა ანაკლიის პორტი, ჩვენ პარალელურ რეჟიმში განვიხილავდით. თქვენ იცით, რომ საქართველო გახლავთ სატრანზიტო ქვეყანა და ჩვენ ეს ფუნქცია უნდა შევასრულოთ იდეალურად და საუკეთესოდ, ამისთვის უნდა აშენდეს პორტი, რომელსაც ექნება წელიწადში 110 მლნ ტონამდე გამტარიანობა. სამი პორტის ვარიანტი გვქონდა. ეს არის საუკეთესო, რომელიც იმუშავებს 12 თვის, 24 საათის განმავლობაში. ასეთი ფონდის დაფუძნებით პორტის მშენებლობა იქნება გაცილებით გაიოლებული. პორტებზე სულ საუბრობდა წინა ხელისუფლება, მაგრამ მისი არც პროექტი არსებობდა და არც ნორმალური დაფინანსების ვარიანტი, ჩვენ ეს ყველაფერი რეალობაში შეიძლება, მოვიყვანოთ. თქვენ იცით, რომ სააკაშვილის აკვიატებული იდეაა ლაზიკის პორტი, თუმცა როცა გავარჩიეთ სამი ვარიანტი, ლაზიკა გაცილებით აგებს ანაკლიის პორტთან. ეს არის სიმძლავრით რამდენჯერმე უფრო დიდი, ამავე დროს, ჩვენ არ გვიწევს ჭაობის ამოშრობა, რამაც შეიძლება, დიდი კატაკლიზმები გამოიწვიოს. ასეთი პორტის მშენებლობის დაწყებისთვის მიდის სერიოზული მზადება, დოკუმენტების დამუშავება მიმდინარეობს, უკვე ვმუშაობთ კონსორციუმის შეკვრაზე, პროექტის სტრუქტურირებასა და შესაბამისად, დაფინანსებაზე. ეს პროექტი შეიძლება, უმოკლედ დროში გახდეს ყველაზე დიდი პროექტი საქართველოში და ყველაზე რეალისტური", - განაცხადა ბიძინა ივანიშვილმა.