დღეს ზუგდიდში „ამომრჩეველთა ლიგის“ რეგიონული ოფისი ოფიციალურად დაფუძნდა. „ამომრჩეველთა ლიგა“ 1 აგვისტოს ჩათვლით  სიების დაზუსტების მიზნით „კარდაკარის“ ალტერნატიულ პროგრამას იწყებს. ოფისის პრეზენტაციას „ამომრჩეველთა ლიგის“ დამფუძნებელი კოკა გუნცაძე ესწრებოდა. "ამომრჩეველთა ლიგა" არასამეწარმეო იურიდიული პირის ორგანიზაციულ-სამართლებრივი ფორმით იფუნქციონირებს, არ გააჩნია პოლიტიკური და საარჩევნო მიზნები და იგი მოწოდებულია, ხელი შეუწყოს საზოგადოების აქტიურობას საარჩევნო გარემოს გაჯანსაღებისთვის ბრძოლაში. ზუგდიდში „ამომრჩეველთა ლიგის“ ხელმძღვანელად დავით სორდია დაინიშნა. ”არჩევანის უფლებას ვერავინ ვერ წაგვართმევს და რაც უფრო მეტნი ვიქნებით ერთად ამ უფლების დასაცავად, მით უფრო მალე მივაღწევთ იმ მიზანს, რომელსაც ყველანი ვეტრფით - ჩვენი ქვეყნის თავისუფლებას და ჩვენი ქვეყნის აღმავლობას. ამიტომ ბუნებრივია, რომ ყველანი უნდა გავერთიანდეთ ამ უფლების დასაცავად და ამ უფლების მოსაპოვებლად. ყველანი უნდა გავერთიანდეთ ამომრჩეველთა უფლებების დასაცავად“ აცხადებს კოკა გუნცაძე.