ხობის მუნიციპალიტეტის გამგებლის მოადგილემ როსტომ კილასონიამ „ქართული ოცნების“ მხარდამჭერთა რიგები დატოვა და „დემოკრატიული მოძრაობა - ერთიანი საქართველოს“ შეურთდა. ამის სესახებ მან ნინო ბურჯანაძის საარჩევნო შტაბის ხელმძღვანელ ზამირა ღადუასთან ერთად გამართულ ბრიფინგზე განაცხადა. კილასონიას თქმით, მან ეს გადაწყვეტილება სხვადასხვა მიზეზების გამო მიიღო. „ვთვლი, რომ პრეზიდენტობის ერთადერთი კანდიდატი, რომელიც წერტილს დაუსვამს მახინჯ კოჰაბიტაციას ეს არის ნინო ბურჯანაზე. ამასთან, საპარლამენტო არჩევნების შემდეგ მქონდა მოლოდინი, რომ ერთხელ და სამუდამოდ სამართლიანობა აღდგებოდა და წერტილი დაესმებოდა „ნაციონალური მოძრაობის“ ტერორს და ზეწოლას საკუთარი მოსახლეობის მიმართ. „ქართულმა ოცნებამ“ თავისი უნიათობით და მოუქნელობით ხელი შეუწყო „ნაციონალური მოძრაობის“ რეაბილიტაციას“, - განაცხადა როსტომ კილასონიამ დემოკრატიული ჩართულობის ზუგდიდის ოფისში. მისვე განმარტებით, ის ამ დრომდე დაკავებულ თანამდებობაზე რჩება და ჩევულ რჟიმში აგრძელებს მუშაობას. ცნობისთვის, როსტომ კილასონია ხობის მუნიციპალიტეტის გამგებლის მოადგილედ 2012 წლის საპარლამენტო არჩევნების შემდეგ დაინიშნა.