არასამთავრობო ორგანიზაცია „დევნილი ქალები საკუთარი უფლებებისთვის" წარმომადგენელი ნონა უბილავა საქართველოს ლტოლვილთა და განსახლების მინისტრ დავით დარახველიძის სამართლებრივ პასუხისგებაში მიცემის მოთხოვნით ხელმოწერების შეგროვებას იწყებს. დღეს, 7 ოქტომბერს გამართულ ბრიფინგზე ნონა უბილავამ დევნილთა და განსახლების მინისტრი დავით დარახველიძე, დევნილთა ხელახალი რეგისტრაციის პროცესის არასწორად წარმართვაში და დევნილი მოსახლეობისთვის ფინანსური ზარალის მიყენებაში დაადანაშაულა. მისი თქმით, „გალის მოსახლეობას სიცოცხლის ფასად უჯდება ხელახალი რეგისტრაციის გავლა.“ მან ამის ერთ-ერთ მაგალითად, სამი დღის წინ ხურჩა-ნაბაკევის ე.წ საზღვართან გარდაცვლილი 68 წლის მამაკაცი, ვაინა ბაღიშვილი მოიყვანა. "ბაღიშვილი რეგისტრაციიდან ბრუნდებოდა, როცა სროლის ხმა გაიგო მას უთხრეს, რომ რუსები მოდიოდნენ რის შედეგადაც იგი ადგილზე გულის შეტევით გარდაიცვალა", -ამბობს ნონა უბილავა. ნონა უბილავას ინფორმაციით, ამ დროსთვის 100-მდე დევნილის ყალბი მოწმობაა ამოღებული, რაც წელიწადში დახლოებით 25 000-ლარის ოდენობის ეკონომიას უდრის. მისივე თქმით, სახელმწიფომ კი ამ თანხის ასანაზღაურებლად გალის მოსახლეობისგან 2 მილიონი ლარი ამოიღო. უბილავა ასევე აღნიშნავს, რომ დე-ფაქტო მთავრობამ ბიუჯეტი იმ ჯარიმების მეშვეობით, რომელსაც გალიდან გადმოსული მოსახლეობა საზღვარზე იხდის, 5 მილიონი რუბლით შეავსო. “მე ვითხოვ რომ ბატონი მინისტრის წინააღმდეგ იქნეს აღძრული სისხლის სამართლის საქმე 332-3 მუხლით, რაც თავისულების 11 წლამდე აღკვეთას ითვალსიწინებს. ვიანიადან ეს არის უკანონო და უსამართლო ქმედება, რომელიც დევნილთა სამინისტროსგან ხორცილედება დევნილების მიმართ“,-აღნიშნა უბილავამ. მან ასევე ლტოლვილთა და განსახლების სამინისტროს თანამშრომლები, რომლებიც რეგისტრაციის პროცესში არიან ჩართულები სახელფასო ანაზღაურების ორმაგი ოდენობით აღებაში დაადანაშაულა და აღნიშნა, რომ ეს კანონდარღვევაა.