სამოქალაქო მონიტორინგისა და კვლევის ცენტრმა ზუგდიდის მუნიციპალიტეტში არსებული წინასაარჩევნო გარემოს მოკვლევის შედეგები წარმოადგინა. როგორც განვითარებისა და დემოკრატიის ცენტრის კოორდინატორმა გურამ ჩიხლაძემ აღნიშნა, კვლევამ აჩვენა, რომ წინასარჩევნო პერიოდი მშვიდ გარემოში მიმდინარეობს და ამასთან არ გამოვლენილა მედიაზე ზეწოლის ფაქტები. მისივე განმარტებით, ოპოზიციური პარტიის შტაბის წარმომადგენლები გარკვევულ ხარვეზებზე საუბრობენ, თუმცა, როგორც ჩიხლაძემ განაცხადა, პარტიებმა ამის დამადასტურებელი ფაქტების წარმოდგენა ვერ შეძლეს. გარკვეული სახის პროცედურულ დარღვევებზე ისაუბრა სამოქალაქო მონიტორინგისა და კვლევების ცენტრის წარმომადგენელმა იასონ შეროზიამ. როგორც შეროზია განმარტავს, ზუგდიდის საკრებულოს #88 განკარგულების თანახმად, რომელიც „საქართველოს საარჩევნო კოდექსის“ საფუძველზე იქნა გაცემული, ქალაქის ტერიტორიაზე გარდა კანონით განსაზღრული ადგილებისა, საარჩევნო სუბიექტების სარეკლამო პლაკატების განთავსება აკრძალულია. თუმცა, მისივე თქმით, ამ შემთხვევაში საარჩვენო პლაკატები შენობა ნაგებობის ფასადებზეა გაკრული. „ მიგვაჩნია, რომ ამაზე ზუგდიდის გამგეობის ა.ა.ი.პ "ზუგდიდის კეთილმოწყობის ცენტრმა" უნდა იზრუნოს და ჩვენი რეკომენდაცია იქნება ა.ი.პ-იმ არა არჩევენბის შემდეგ იზრუნოს ამაზე არამედ იმავდროულად, როგროც კი ეს დარღვევები დაფიქსირდება“,-აღნიშნავს ჩიხლაძე. მონიტორინგის ცენტრის წარმომადგენელი იასონ შეროზიას თქმით დარღვევა დაფიქსირდა, ზუგდიდში პრაიმერისის ჩატარების დღეს,როცა სხვადასხვა სახით ხელისშეშლის მცდელობას ქონდა ადგილი. მათივე განმარტებით, ასევე დარღვევები დაფიქსირდა გიორგი მარველაშვილისა და დავით ბაქრაძის ხალხთან შეხვედრის დროს, როცა შეხვედრაზე საჯარო მოხელეები იმყოფებოდნენ. "პარტიების საარჩევნო შტაბის წარმომადგენლები მიიჩნევენ, რომ საუბნო საარჩევნო კომისიის წარმომადგენლები არაინ არაპროფესიონალები, ამიტომ არჩევნების დღეს პროცედურულ დარღვევებს ექნება ადგილი.ჩვენ ამაზე ახლა ვერ ვისაუბრებთ, ყველაფერი არცევნების დღეს გამოჩნდება", - ამბობს იასონ შეროზია. სამოქალაქო მონიტორინგისა და კვლევის ცენტრში აცხადებენ, რომ ისინი 27 ოქტომბრის არცევნებს აქტიურად დააკვირდებიან და ასევე ითანამშრომლებენ მედია ორგანიზეციებთან.