ზუგდიდში, დემოკრატიული ჩართულობის ცენტრში აფხაზეთის ავტონომიური რესპუბლიკის კონსტიტუციაში შესატანი ცვლილებების განხილვა დღეს, 4 ნოემბერს გაიმართა. პროექტის განსახილველად აფხაზეთის ავტონომიური რესპუბლიკის უმაღლესი საბჭოს თავმჯდომარე გია გვაზავა და მისი მოადგილეები იმყოფებოდნენ. მათ გამოჩენას დარბაზში მყოფი რამდენიმე დევნილი ხმაურით შეხვდა. შეკრებილებს შორის ურთიერთ დაპირისპირება რამდენიმე წუთს გაგარძელდა, რის შემდეგაც დენილებმა დარბაზი დატოვეს. "დევნილთა სამოქალაქო მოძრაობის" თავმჯდომარემ თეონა ქარდავამ, აფხაზეთის უმაღლესი საბჭო და მინისტრთა კაბინეტი კორუმპირებულობაში დაადანაშაულა დ მათ სავარძლებზე ჩაბღაუჭებული, ჟანგმოდებული მთავრობა უწოდა. ქარდავას განცხადებით ისინი აფხაზეთის მთავრობის ხელმძღვანელის ვახტანგ ყოლბაიას გადაყენებას და აფხაზეთის დეპუპატთა საბჭოს განახლებას მოითხოვენ. გია გვაზავამ მედიასთან საუბარში აღნიშნა, რომ დევნილთა უმეტესობა სხავაგვარად ფიქრობს თუმცა ის ნაწილი ვინც პროტესტი გამოთქვა ყურადღებას ითხოვს და საჭიროა მეტი ურთიერთობა და ყურადღება მათდამი ყველა იმ სტრუქტურის მხრიდან, რომელიც საქართველოში არსებობს. აქვე გვაზავამ აფხაზეთის ავტონომიური რესპუბლიკის კონსტიტუციაში შესატან ცვლილებებზე ისაუბრა და განაცხადა, რომ კონსტიტუციაში შესატანად 27 ცვლილება მზადდება მათ შორის ცვლილებები შეეხება აფხაზეთის მინისტრთა საბჭოს წევრების დანიშვნის საკითხს. აღნიშნული ცვლილება აფხაზეთის ავტონომიური რესპუბლიკის კონსტიტუციის საქართველოს კონსტიტუციასთან შესაბამისობაში მოყვანასაც გულისხმობს, – განაცხადა მედიასთან საუბარში გვაზავამ. ცვლილებებზე მსჯელობა რამდენიმე ქალაქში შედგება და მასში მონაწილეობას დევნილი საზოგადოება მიიღებს. ზუგდიდში ცვლილებების განხილვას რამდენიმე დევნილი და აფხაზეთის მთავრობის ადგილობრივი წარმომადგენლობა დაესწრო.