ზუგდიდში ეკოლოგიური კულტურის ამაღლების მიზნით პროექტი ხორცილდება. ასოცოაცია „დეასთან“ არსებული ინტეგრირებული ახალგაზრდული კლუბის პროექტი „ახალგაზრდობა-გარემოს დაცვისთვის“ პრეზენტაცია დღეს, 7 ნოემბერს გაიმართა. პროექტი მიზნად ისახავს მოქალაქეობრივი პასუხისმგებლობის ამაღლებას გარემოს დაცვის საკითხში ასევე საინფორმაციო-საგანმანათლებლო საქმიანობებში ახალგაზრდების ჩართულობას და ეკოლოგიურად ორიენტირებულ პრაქტიკულ ღონისძიებებში მათ მონაწილეობას. აღნიშნული პროექტის ფარგლებში ზუგდიდის მუნიციპალიტეტის 15 თემში ახალგაზრდული „ეკოლოგიური დაზვერვის ჯგუფები“ შეიქმნება, რომელიც აქტიურად იმუშავებს მოსახლეობაში ეკოლოგიური კულტურის დანერგვის ხელშემწყობისთვის. ასევე, ადგილობრივი თვითმმართველობის წინაშე სოფლებში სპეციალურად გამოყოფილი ნაგავსაყრელების მოწყობის და საყოფაცხოვრებო ნარჩენების ორგანიზებული გატანის საკითხის პრეფერენციისთვის. პრეზენტაციას ფინანსურ მხარდაჭერას სპორტისა და ახალგაზრდოების საქმეთა სამინისტროს ბავშვთა და ახალგაზრდობის ფონდი უწევს. ფონდის დირექტორის ირაკლი ჟოჟოლიანის განცხდებით პროექტი მნიშვნელოვანია, იმისთვის, რომ ახალგაზრდებმა შეძლონ მომავალში ძლიერი ეკოლოგიური სახელმწიფოს შექმნა. პროექტის კოორდინატორის ირაკლი ჯიქიას თქმით, გარემოს დაცვა ახალგაზრდობისთვის პრიორიტეტია და პროცესში ბევრი ახალგაზრდა უნდა ჩაერთოს.