ოთხი დევნილი უკვე მეორე დღეა აფხაზეთის მთავრობის სამეგრელო-ზემო სვანეთის წარმომადგენლობაში შიმშილობის აქციას განაგრძობს. მათი მოთხოვნა უცვლელი რჩება, მოშიმშილეები: რამაზ არონია, ქეთევან ჯობავა, სვეტა გოლანდია და მზია ყოლბაია აფხაზეთის უმაღლესი საბჭოსგან საკონსტიტუციო ცვლილებდან იმ მუხლის ამოღებას ითხოვენ რომლის თანახმად, პრეზიდენტს აფხაზეთის მინისტრთა საბჭოს ხელმძღვანელის წარდგენის უფლება ერთმევა. „ჩვენ შემოგიერთდებიან თბილისიდანაც. იქაც პროტესტის უკიდურეს ზომას შიმშილობას უზენაესი საბჭოს შენობასთან მიმართავენ,“-აცხდებს ქეთევან ჯობავა. მისივე თქმით აფხაზეთის საბჭოდან მოშიმშილეებს დეპუტატი თამაზ ხუბუა გამოეხმაურა, რომელმაც სოლიდარობა გამოუცხადა მათ და დაპირდა რომ ზუგდიდში მათთან შესახვედრად ხვალ ჩამოვა. რადიო „ათინათის“ კითხვაზე შეესაბამება თუ არა სიმართლეს გავრცელებული ინფორმაცია იმის შესახებ, რომ აღნიშნული საკონსტიტუციო ცვლილების გაპროტესტება “ქართული ოცნების” პოლიტსაბჭოს წევრ დავით ფაცაციას მიერ არის დაკვეთილი, ქეთევან ჯობავამ უპასუხა, რომ ეს სიცრუეა. „ჩვენ დევნილებს იმდენი ჭკუა გვყოფნის, რომ ვიცოდეთ რა არის ჩვენთვის უკეთესი, ფაცაცია არაფერ შუაშუა,“-აღნიშნა ქეთევან ჯობავამ.