27 ოქტომბერს პირობით ვადამდე 35 პატიმარი გათავისუფლდა, უახლოეს მომავალში კი საპატიმრო დაწესებულებებს დაახლოებით 300-მდე პატიმარი დატოვებს. ამის შესახებ სოზარ სუბარმა გუშინ გლდანის #18 სამკურანლო დაწესებულებაში სტუმრობის შემდეგ განაცხდა "ეს იმის დამსახურებაა, რომ ჩვენ მიდგომა შევცვალეთ. არსებობს რაღაც გარკვეული კრიტერიუმები, რომელთა დაკმაყოფილების შემთხვევაში პატიმრები სასჯელაღსრულების დაწესებულებებს დატოვებენ. რაც შეეხება პოლიტპატიმრებს, ეს საკითხი სასჯელაღსრულების მინისტრის კომპეტენციას სცდება და ამ საკითხზე პარლამენტი იმსჯელებს. ამნისტიაზე საკანონმდებლო ორგანო უკვე მუშაობს და არ მგონია, ეს აქტი ძალიან დაგვიანდეს. ამნისტია არ იქნება პანაცეა, თუმცა პირობით ვადამდე გათავისუფლების რეალური ამუშავებით, სასჯელთა შეკრებითობის პრინციპის გაუქმებით და ავადმყოფი პატიმრებისადმი მიდგომის შეცვლით, ჯამში, გათავისუფლება ფართომასშტაბიანი გამოვა და სასჯელაღსრულების დაწესებულებებიც განიტვირთება.”–აღნიშნა სოზარ სუბარმა. სასჯელაღსრულების, პრობაციისა და იურიდიული დახმარების საკითხთა მინისტრი სოზარ სუბარი სრულიად საქართველოს კათოლიკოს-პატრიარქთან,  უწმინდესთან და უნეტარესთან ილია მეორესთან ერთად #1 დაწესებულებას ესტუმრება.