მთავარი პროკურორის არჩილ კბილაშვილის განაცხადებით გამოძიების  შედეგად დადგინადა, რომ   2011 წლის ოქტომბერში, თავდაცვის მინისტრმა ბაჩანა ახალაიამ, გაერთიანებული შტაბის უფროს გიორგი კალანდაძესთან და მეოთხე ბრიგადის მეთაურ ზურაბ შამათავასთან ერთად , მინისტრის სამუშაო კაბინეტში ფიზიკური და სიტყვიერი შეურაცხყოფა მიაყენეს 6 სამხედრო მოსამსახურეს. მისივე განცხადებით, ახალაიამ ერთ-ერთ სამხედროს დანის ტარი თავში ჩაარტყა. "გუშინ და დღეს დილით გატარებული ღონისძიებების შედეგად დაკავებულნი არიან: ბაჩანა ახალაია, ზურაბ შამათავა და გიორგი კალანდაძე, სწორედ სისხლის სამართლის 333-ე მუხლის შესაბამისად. მათ ბრალი კანონით გათვალისწინებულ ვადაში წარედგინებათ. ვინაიდან დაკავებული პირების მიმართ დიდი საზოგადოებრივი ინტერესი არსებობს, მოწმეთა ჩვენებები, რომლებიც დანაშაულის ჩადენაში ამხელენ აღნიშნულ პირებს, უახლოეს საათებში გასაჯაროვდება. მათი ჩვენებები განთავსდება იუსტიციის სამინისტროს ოფიციალურ ვებ-გვერდზე. გარდა ამისა, დღეის მდგომარეობით, პროკურატურაში მრავალი განცხადებააა მრავალი ეპიზოდის შესახებ, რომელშიც მხილებული არიან დაკავებული პირები, თუმცა დაკავების საფუძველი გახდა ის, რაც მე მოგახსენეთ. სხვა ფაქტებზე მიმდინარეობს გამოძიება და დეტალებს ეტაპობრივად გაცნობებთ", - განაცხადა არჩილ კბილაშვილმა. ამ დრომდე დაკავებულ პირთაგან მოწმის სახით მხოლოდ ბაჩანა ახალაიაა დაკითხული.