კოალიცია “ქართული ოცნების” პრეზიდენტობის კანდიდატ გიორგი მარგველაშვილის განცხადებით, პრემიერ მინისტრ ბიძინა ივანიშვილის კომპეტენციაა, თუ ვინ შეცვლის მას პრემიერის პოსტზე. ამის შესახებ მარგელაშვილმა ბიძინა ივანიშვილის პოლიტიკიდან შესაძლო წასვლის საკითხის კომენტირებისას საჯარო ბიბლიოთეკაში განაცხადა. „საკითხი, თუ ვინ შეცვლის პრემიერმინისტრს, ეს არის თავიდან ბოლომდე ბიძინა ივანიშვილის კომპეტენცია. პრემიერის წასვლის კონკრეტულ თარიღს მე ვერ ვასახელებ, მაგრამ მაინტერესებს, როდის შეეჩვევა ქართული საზოგადოება ამას და რა რეაქცია ექნება აქედან გამომდინარე. რეაქცია გვექნება შემდეგი, რომ ყველაზე წონიანი პოლიტიკოსი არ მიდის პოლიტიკიდან, ის მიდის თანამდებობიდან და რა პასუხისმგებლობას იღებს ქართული საზოგადოება ქართული პოლიტიკური სპექტრი ამ სიტუაციაში, რანაირად გავაქტიურდებით ჩვენ ამ ფონზე“, - აცხადებს გიორგი მარგველაშვილი.