მსოფლიოს 158 ქვეყნისაგან შემდგარ ინდექსში საქართველო ყველაზე მშვიდობისმოყვარე სახელმწიფოების რეიტინგში 141-ე ადგილს იკავებს. აღნიშნული ინდექსი (2012 Global Peace Index) ცოტა ხნის წინ გამოქვეყნდა. დოკუმენტის ავტორების განმარტებით, რეიტინგის შედგენისას მათ დაახლოებით 23 ინდიკატორი გამოიყენეს. კრიტერიუმებს შორის არის ქვეყნის ურთიერთობა მეზობელ სახელმწიფოებთან, საგარეო ომებში დაღუპული ჯარისკაცების რაოდენობა, დევნილების რაოდენობა, ტერორისტული აქტების შესაძლებლობა, იარაღის ექსპორტისა და იმპორტის ოდენობა. აღსანიშნავია, რომ რეიტნგში რუსეთი 153-ე ადგილს, სომხეთი – 115-ე, აზერბაიჯანი – 132-ე, თურქეთი – 130-ე, ხოლო ირანი 128-ე ადგილს იკავებს. აშშ 88-ე ადგილზეა, ბოლო, 158-ე პოზიციას სომალი იკავებს. ინდექსის შექმნაში მონაწილეობა მშვიდობის ინსტიტუტისა და კონფლიქტების კვლევის სიდნეის უნივერსიტეტის წარმომადგენლებთან ერთად დამოუკიდებელმა სოციოლოგებმაც მიიღეს.