შინაგან საქმეთა სამინისტრო მიმდინარე წლის 7 თვის დანაშაულის სტატისტიკას აქვეყნებს. მონაცემები ქვეყნის მასშტაბით კრიმინოგენურ მდგომარეობას ასახავს. სტატისტიკური მონაცემებით, 2013 წელს, წინა წლის ანალოგიურ პერიოდთან შედარებით, ქვეყნის მასშტაბით დანაშაულ,მა 4 ათას 126 ერთეულით იკლო, ხოლო დანაშაულის გახსნის მაჩვენებელი გაორმაგებულია. 2013 წლის შვიდი თვის მონაცემები 2012 წლის ანალოგიურ პერიოდთან შედარებით ასეთია: ქვეყნის მასშტაბით, 2012 წელს სულ 20 ათას 716 დანაშაული მოხდა ხოლო 2013 წელს 16 ათას 590. დანაშაულის შემცირების გარდა, სამინისტროს მონაცემებით, გაზრდილია დანაშაულის გახსნის სტატისტიკა. თუ 2012 წელს დანაშაულის მთლიანი რაოდენობიდან მხოლოდ 4 ათას 781 გაიხსნა, 2013 წელს გახსნილი დანაშაულებების რაოდენობამ 8 ათას 840 შეადგინა. პროცენტულად კი ციფრები, გახსნის თვალსაზრისით, 53 მთელ 3 მეათედ პროცენტს შეადგენს 2013 წელს, ხოლო 2012 წელს გახსნის პროცენტული მაჩვენებელი 30 მთელი 2 მეათედი პროცენტი იყო.