მთავრობის დღევანდელ სხდომაზე კიდევ ერთი პროექტი დამტკიცდა. აღნიშნული პროექტი, სხდომაზე ინფრასტრუქტურისა და რეგიონული განვითარების სამინისტროს მიერ იყო ინიცირებული. აღნიშნული პროექტი ჯანდაცვის სამინისტროსთან ერთობლიობაში განხორციელდება და ის 81 ამბულატორიული დაწესებულებისა და გადაუდებელი სამედიცინო დაწესებულების ცენტრის მშენებლობას გულისხმობს. ეს დაწესებულებები საქართველოს სოფლებში აშენდება, 60 ადგილს მოიცავს და მთავარი პრიორიტეტი კონფლიქტისპირა და საზღვრისპირა რეგიონებშიც მსგავსი დაწესებულების აშენება იქნება. ჯანდაცვის მინისტრის, დავით სერგეენკოს განცხადებით, საქართველოს 60 რეგიონის მუნიციპალიტეტებს დავალებული ჰქონდათ მოეწოდებინათ რეგიონებში არსებული მდგომარეობის შესახებ ინფორმაცია. „ საზღვრისპირა და პოტენციური კონფლიქტის არეებში დამატებითი 20 ამბულატორიის აშენება იგეგმება. ყველაზე უფრო სუსტი წერტილი, სადაც არის პაციენტების დიდი ნაკადი, ცხინვალის რეგიონია“, - განაცხადა მინისტრმა და აღნიშნა, რომ აღნიშნულ რეგიონში, გადაუდებელი სამედიცინო დაწესებულების ცენტრი აშენდება.