ლეიბორისტული პარტიის ლიდერის, შალვა ნათელაშვილის ხელმძღვანელობით, ამ წუთებში პარტიის მხარდამჭერებმა რუსთაველის გამზირი პარლამენტის შენობასთან გადაკეტეს. “მილიარდელმა პრემიერმა არნახულად მოატყუა მთელი საქართველო. შევიდა რა დანაშაულებრივ გარიგებაში ნაცმოძრაობასთან, მათთთან ერთად გაიყო პირველი-მეორე ადგილები. ის უარს აცხადებს დასაბუთებული მოთხოვნაზე, ხელახლა გადაითვალოს ფალსიფიცირებული ბიულტენები” – განაცხადა მან. მისივე თქმით, საარჩევნო ბიულეტენები პირდაპირ ღაღადებენ რა მოხდა 27 ოქტომბერს. ,,წარმოგიდგინეთ სოფ. ნატანების ოქმი, სადაც მივიღე 507 ხმა და მეორე, ხელახლა დაწერილ ოქმში დამიტოვეს 7 ხმა. არჩევნები მასობრივად გაყალბდა. პრემიერმა ერთი კვირით ადრე ჩაატარა ბრიფინგი, რასაც უყურა მთელმა მსოფლიომ და წინასწარ გამომიცხადა 2 %, როგორც ,,ცრუს” და ,,მატყუარას”; თავის კანდიდატს გამოუცხდა 60-70 %, დავით ბაქრაძეს _ მეორე ადგილი. Eეს სქემა გაიგზავნა ყველა საუბნო საარჩევნო კომისიიის თავმჯდომარესთან, ფულის კონვერტებთან ერთად და ისინი პირდაპირ კალკულატორზე ანგარიშით უწერდნენ ნათელაშვილს 2,5 %, 60-70 –ს _ მარგველაშვილს, 20%-ს ბაქრაძეზე, 10-ს _ბურჯანაძეს~, –განაცხადა ლეიბორისტების ლიდერმა. მისი თქმით, გარიგება დაიწყო მრავალი თვით ადრე, მასში შუამავლებად, სამწუხაროდ, მონაწილეობდნენ, პოლონეთის საგარეო საქმეთა მინისტრი სიკორსკი და შვედეთის საგარეო საქმეთა მინისტრი ბილდტი, რომლებიც არჩევნებამდე ერთი კვირით ადრე ჩამოვიდნენ კიდეც თბილისში. ამ დროისათვის აქციაში რამდენიმე ათეული ადამიანი მონაწილეობს.