შვედეთი მზად არის გახდეს მსოფლიოში პირველი ქვეყანა, რომელიც სრულად იტყვის უარს ნავთობსა და გაზზე. შვედეთის პრემიერ-მინისტრის სტეფან ლოფენის განცხადებით, ბავშვები არატოქსიკურ გარემოში უნდა გაიზარდონ. „სახიფათო ნივთიერებებისგან გათავისუფლება და იდეა, რომ გარემოს დაბინძურებისთვის დამნაშავე უნდა დაისაჯოს - ჩვენი პოლიტიკის შემადგენელი ნაწილია“, - განაცხადა ლოფენმა. მისი თქმით, მთავრობამ უნდა განიხილოს ბიუჯეტი, რომელიც 1 მილიარდი დოლარის ოდენობის ხარჯებს ითვალისწინებს «მწვანე ინფრასტრუქტურის» – მზის პანელებისა და ქარის ელექტროსადგურების მოსაწყობად. შვედეთი ასევე დამატებითი სახსრების გამოყოფას გეგმავს ელექტროენერგიის საცავების შესაქმნელად და ეკოლოგიურად სუფთა ტრანსპორტის შესაძენად. გარდა ამისა, შვედეთის ბიუჯეტში გათვალისწინებული იქნება ხარჯები, რომელიც ქვეყნის გარეთ ეკოლოგიური პროექტების რეალიზაციისთვის გამოიყოფა. ამჟამად შვედეთი ორი-მესამედი ალტერნატიული ენერგეტიკით უზრუნველყოფს ქვეყნის მოთხოვნებს.