დავით ყიფიანის სახელობის თასის გათამაშებაზე საფეხბურთო კლუბმა ზუგდიდის „ზუგდიდი“ საქართველოს მოქმედ ჩემპიონს გორის „დილას“ უმასპინძლა. დღევანდელი მატჩი გორის "დილას" გამარჯვებით - 0:1 დამთავრდა. მიუხედავად ამისა, ს/კ "ზუგდიდმა" მეოთხედფინალში თამაშის უფლება მოიპოვა. პირველი მატჩი "ზუგდიდმა" გორში მასპინძელი გუნდი 1:2 დაამარცხა. "ზუგდიდმა" ორი მატჩის ჯამში, სტუმრად გატანილი ორი გოლის წყალობით თასის მეოთხედ ფინალში გააღწია. „აქცენტი ადგილობრივ და 1997- 1998 წელს დაბადებულ ახალგაზრდა ფეხბურთელებზე გავაკეთეთ და პროგრესიც სახეზეა. ამ ბავშვებს ცოტა გამოცდილება უნდათ და ისინი მზად იქნებიან მაღალ დონეზე ითამაშონ. სატურნირო ცხრილში ბოლო ადგილზე ვართ, მაგრამ მე მჯერა და მწამს, რომ ყველაფერი გამოკეთდება“, - თქვა რადიო „ათინათთან“ საუბარში კლუბის ხელმძღვანელმა გელა ინალიშვილმა. 1/4 ფინალის საგზურები თბილისის "დინამომ", ქუთაისის "ტოპრედომ", ქობულეთის "შუქურამ", "სამტრედიამ", "ვიტ ჯორჯიამ", ბოლნისის "სიონმა" და "ზუგდიდმა" მოიპოვეს.