ТОЧКИ СОПРИКОСНОВЕНИЯ
საერთაშორისო პროგრამები გალის რაიონის მოსახლეობის მხარდასაჭერად
გალის რაიონში ამოქმედდება პროგრამა, რომელიც სოფლის მოსახლეობის სოციალურ - ეკონომიკური გაძლიერებისკენ არის მიმართული.

„უკვე ხვალინდელი დღიდან დავიწყებთ დამტკიცებული პროგრამების განხორციელებას და გრანტის მიმღებთა მხარდაჭერას. მათ არა მხოლოდ აღჭურვილობით უზრუნველვყოფთ, არამედ, ტექნიკურ დახმარებასაც გავუწევთ“, -  განაცხადა სოფლისა და სოფლის მეურნეობის განვითარების ევროპის სამეზობლო პროგრამის (ENPARD) მენეჯერმა ფედერიკა დისპენზამ პროექტის პრეზენტაციისას.

გალის რაიონში პროექტს კურირებს „მოძრაობა შიმშილის წინააღმდეგ“. ორგანიზაციის სოხუმის ოფისის ხელმძღვანელის ერვინ ბლაუს თქმით, ისინი გალის რაიონში უკვე წელიწადნახევარია მუშაობენ გაეროს განვითარების ორგანიზაციასთან ერთად.

„პროგრამის მიზანია, ადგილობრივი საინიციატივო ჯგუფების შექმნა, რომლებიც მოახდენენ არსებული პრობლემების იდენტიფიცირებას და გადაწყვეტენ, თუ რა პროგრამები უფრო სჭირდება გალის რაიონს“, - აღნიშნა მან.

ადგილობრივი მოსახლეობის წარმომადგენლები აქტიურად იყვნენ ჩართულები პროგრამის შემუშავებაში. შედეგად, შემოსული წინადადებებიდან საინიციატივო ჯგუფმა, რომელშიც ადგილობრივი ადმინისტრაციის წევრები და საზოგადოებრივი აქტივისტები გაერთიანდნენ, 18 სოციალური და 25 კომერციული პროექტი შერჩია. მათ განსახორცილებლად 270 ათასი დოლარი გამოიყო, თუმცა ბენეფიციარებმა, დამატებით, მიღებული გრანტის 30 %  ოდენობის თანხა საკუთარი ბიუჯეტიდან უნდა დაფარონ. 

დამტკიცებული პროექტების დიდი ნაწილი მიმართულია რეგიონისთვის ტრადიციული სასოფლო - სამეურნეო კულტურების წარმოების ხელშესაწყობად, მათ შორის, თხილის, ჟოლოს, ლურჯი მოცვის. პროექტში ცალკე ადგილი ეთმობა სიმინდის ზეთის წარმოებას.

პროექტების ნაწილი ადგილობრივი მოსახლეობის შემოქმედებითი  პოტენციალის განვითარებასაც ითვალისწინებს, მათ შორის, მუსიკალური სტუდიის შექმნას გალში და საბავშვო - გასართობი მოედნის მოწყობას სოფელ ჭუბურხინჯში.

აღნიშნულ წინადადებას მხარს უჭერს ადგილობრივი რაიონული ადმინისტრაცია. მისი ხელმძღვანელის თემურ ნადარაიას თქმით, ისინი უშუალოდ იყვნენ ჩართულები პროექტების შემუშავების პროცესში.

ევროკავშირისა და გაეროს განვითარების პროგრამა აფხაზეთში 2017 წელს დაიწყო და 2021 წლამდე გაგრძელდება. 


მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების განსახლება იგეგმება, ამის შესახებ „აფხაზური პორტალი“ იუწყება.
28 / მარტი 2024
ზუგდიდის მერიამ მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების თავშესაფარში ან ვეტერინარულ კლინიკაში განთავსებაზე 25 806 ლარის ტენდერი გამოაცხადა.
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 20 °C
img
სოხუმი 17 °C
img
ფოთი 17 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.