ТОЧКИ СОПРИКОСНОВЕНИЯ
აღდგენილი საცურაო აუზი სოხუმში - წყლის სპორტის სახეობების განვითარების პერსპექტივა (ფოტო)
სოხუმში საცურაო აუზის აღდგენა დაიწყო. ქალაქის ადმინისტრაციამ ობიექტი კომპანია „აკვასტროინვესტს“ ჯერ კიდევ 2008 წელს გადასცა, იმ პირობით, რომ სამშენებლო სამუშაოები 2011 წელს დასრულდებოდა. თუმცა, ამ დრომდე, აღნიშნულ ტერიტორიაზე მხოლოდ კლუბ - რესტორანი „დემი“ მოქმედებს, რომელიც ობიექტის ინფრასტრუქტურის ნაწილია.   

კომპანიის დირექტორის ომარ სანგულიას თქმით, ამ დროის განმავლობაში აღდგენითი - სარემონტო სამუშაოები არ შეწყვეტილა.

„ჩვენ ვგეგმავდით მიმდინარე წლის ბოლოს დაგვესრულებინა სამუშაოები. თუმცა, ექსპერტიზის შემდეგ, ქალაქის ადმინისტრაციას 3 თვით ვთხოვეთ გადავადება. ვფიქრობ, მარტის პირველი რიცხვებისთვის გაიხსნება აუზი“,- თქვა მან.

აუზზე მიმდინარე სამშენებლო სამუშაოების დათვალიერების შემდეგ სოხუმის ახლად დანიშნულმა მერმა კან კვარჩიამ განაცხადა, რომ ახალ სეზონს ქალაქი აღდგენილი აუზით შეხვდება.

„პირმა, რომელმაც ჩაიბარა ობიექტი, უნდა უზრუნველყოს მისი მოვლა და აუზის შენახვის ყველა ხარჯი აიღოს საკუთარ თავზე, გარდა ამისა, ქირავნობის გადასახადებიც სპორტის კომიტეტში გადაირიცხება“, - ამბობს კვარჩია.

მისი თქმით, სადრენაჟო სამუშაოები უკვე დასრულებულია, ამ ეტაპზე აუზის მოპირკეთება მიმდინარეობს.

ტრიათლონში ყველაზე პრესტიჟული "IronMan-ის" სტატუსის მფლობელი აფხაზი სპორტსმენი ბორის ბარციცი თვლის, რომ წყლის სპორტის სახეობებს აფხაზეთში დიდი პოტენციალი აქვს.

„ჩვენი ფედერაციის ბაზაზე შეიქმნება ცურვის წრეები, რომლებიც არა მარტო სპორტული უნარების განვითარებას შეუწყობს ხელს, არამედ იმ ადამიანებს დაეხმარება, ვისაც ჯანმრთელობის მდგომარეობიდან გამომდინარე, ცურვა აუცილებლად სჭირდება“, - თვლის ბარციცი.

მან აღნიშნა, რომ ცურვა ასევე შევა სპორტის სხვადასხვა სახეობით დაკავებული სპორტსმენების მომზადების გეგმაში.

მან გაიხსენა, რომ ომამდე სოხუმში ძალიან პოპულარული იყო წყალბურთი. არსებობდა გუნდები, რომლებიც რესპუბლიკურ შეჯიბრებებში მონაწილეობდნენ. მისივე ინფორმაციით, აუზი ორ ნაწილად გაიყოფა. 50 მეტრიან ბილიკებზე სპორტსმენები ივარჯიშებენ, ხოლო 25 მეტრიანზე ყველა დანარჩენი, ვინც აუზზე ივლის.

სოხუმის აუზის აღდგენაზე 20 მილიონ რუბლამდე დაიხარჯება.

1992 წლამდე  აფხაზეთში 2 სპორტული აუზი იყო, სოხუმსა და ტყვარჩელში, რომლებიც 1992 – 93 წლების კონფლიქტის შედეგად განადგურდა.

მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 12 °C
img
სოხუმი 10 °C
img
ფოთი 12 °C
img
მესტია 0 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.