ТОЧКИ СОПРИКОСНОВЕНИЯ
სოხუმელი მკერავის მიერ აფხაზურ სამოსში გამოწყობილი თოჯინები (ფოტო, აუდიო)
სოხუმში, მაკა კოჩალ - იფას სახელოსნოში, ბავშვებისა და მოზრდილებისთვის ტანსაცმელს უკვე ხუთი წელია ამზადებენ, თუმცა ბოლო პერიოდში მკერავს ახალი გატაცება აქვს - ის თოჯინებისთვის მინიატურულ სამოსს კერავს. ქსოვილი სამკერვალოში, რომელიც შეკვეთებს ვერ აუდის, ყოველთვის მოიძებნება. თოჯინებს, ჩვეულებრივ, მაღაზიებში ყიდულობს და შემდეგ მოსავს. საბოლოოდ კი ვიტრინაზე განთავსებული ლამაზად გამოწყობილი თოჯინები, მის ატელიესაც კარგ რეკლამას უწევენ."თავდაპირველად, როდესაც ჩვენ ატელიე გავხსენით, მხოლოდ ეროვნულ ტანსაცმელს ვკერავდით. ამით მას შემდეგ დავინტერესდით,, რაც ერთმა ახალგაზრდა ქალმა თოჯინებისთვის შეგვიკვეთა ტანსაცმელი. ამ უკანასკნელს სურდა ტურისტებისთვის მიმზიდველი სუვენირები შეექმნა და გაეყიდა. ჯერ უარი ვქვით ამ შემოთავაზებაზე, თუმცა, ბოლოს დავთანხმდით. მინდა გითხრათ, რომ ეს გაცილებით ძნელია, ვიდრე დიდი ზომის ტანსაცმლის კერვა", - ამბობს ატელიეს მფლობელი.მაკას სამედიცინო განათლება აქვს, თუმცა, მას შემდეგ რაც კერვა დაიწყო, თავს უფრო დიზაინერად მიიჩნევს, ხოლო სამედიცინო ცოდნას, ოჯახსა და ნათესავებს ახმარს. იმასაც ამბობს, რომ თოჯინებით არც ბავშვობაში უთამაშია, ძირითადად, ჩაქუჩი და ლურსმანი ეჭირა ხოლმე. ხუმრობს, რომ ბავშვობის დანაკლისს ახლა ინაზღაურებს. მისი თქმით, თავის ნამუშევრებს ძნელად ელევა. ურჩევნია გააჩუქოს, ან ატელიეში დატოვოს, როგორც კოლექციის და ინტერიერის დეკორის ნაწილი."ყველაფერი იმით დაიწყო, რომ შეკვეთის შემდეგ მორჩენილი ქსოვილის გადაგდება მენანებოდა და ვაგროვებდი - გამომადგა კიდეც. თარგებს ვამზადებ, შემდეგ ქსოვილს ვჭრი და ვკერავ და აი ასეთი კაბები გამოდის. სანამ შევკერავთ, სამოსს ვრთავთ ხოლმე სხვდასხვა დეტალით. გამოდის, რომ გატაცება, პროფესიის ნაწილი გახდა", - ამბობს დიზაინერი.ქორწილების, საბავშვო ზეიმები, გამოსაშვები საღამოები - სამკერვალოში კლიენტების ნაკლებობას არ უჩივიან. მაკა თვლის, რომ მისი სამუშაო საინტერესო და მოთხოვნადია. აღნიშნავს, რომ ბოლო წლებში განსაკუთრებულ ინტერესს აფხაზური ტრადიციული სამოსი იწვევს. აქედან გამომდინარე, ტანსაცმლის ისტორიის სწავლაც უწევს, რომ დეტალების შექმნისას შეცდომა არ დაუშვას.

მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.

ფოტოები: მაკა კოჩალ-იფას ფეისბუქ გვერდი

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 17 °C
img
ფოთი 15 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.