ТОЧКИ СОПРИКОСНОВЕНИЯ
სოხუმში ჩატარებული არჩევნები და მოსახლეობის აზრი კორონავირუსის საფრთხესთან დაკავშირებით
22 მარტს აფხაზეთში რიგგარეშე საპრეზიდენტო არჩევნები გაიმართა.  ასლან ბჟანია, რომელმაც ამომრჩევლების ხმათა 56,5% მიიღო პრეზიდენტი გახდა.

მსოფლიოში კორონავირუსის პანდემიის გამო, არჩევნებზე გაცილებით ნაკლები დამკვირვებელი ჩავიდა სოხუმში.

„არსებული სიტუაციის გამო, რესპუბლიკაში ჩვენგან მხოლოდ 8 დამკვირვებელი იყო. მნიშვნელოვანი დარღვევები არც ერთ უბანზე არ დაფიქსირებულა და არჩევნებმა მშვიდ ვითარებაში ჩაიარა“, - განაცხადა რუსეთის საელჩოს მრჩეველმა მაქსიმ ლიტვინოვმა.

იმასთან დაკავშირებით, თუ როგორ ემზადებიან აფხაზეთში Covid - 19 - ის პრევენციისთვის, არჩევნების შემდეგ გამართულ პრესკონფერენციაზე ახლად არჩეულმა პრეზიდენტმა ისაუბრა.

„ჩვენ მოვამზადეთ 4 სამედიცინო დაწესებულება, გარდა ამისა, საზღვარზე განვათავსეთ დისტანციური თერმომეტრი, შემოვიტანეთ მედიკამენტების გარკვეული რაოდენობა.  გარდა ამისა, უახლოეს დღეებში სოხუმში მრავალჯერადი პირბადეებს კერვას დაიწყებენ. ამ ეტაპზე ბევრია გაკეთებული, ამიტომ, ვფიქრობ, სიტუაცია კონტროლს დაექვემდებარება“, - განაცხადა ასლან ბჟანიამ.

ამ დღეებში დეფიციტად ქცეულ ნიღბებს სოხუმის მოდის სახლი შეკერავს, რომელსაც რამდენიმე ათასი პირბადე შეუკვეთეს. დიზაინერის ამინა გამისონიას თქმით, ისინი ყველა ღონეს იხმარენ, რომ, შეკვეთა დროულად შეასრულონ.

„ეს ნიღბები მრავალჯერადია, მათი გარეცხვა ცხელ წყალში შეიძლება, სარეცხის საპნით... ქსოვილს რაც შეეხება, ჩვენს საწყობებში არსებულ მარაგს ვიყენებთ, ასევე რუსეთშიც შევუკვეთეთ“, - განმარტა მან.

მოდის სახლის თანამშრომლები ჟანა და ალიონა ყვებიან, რომ შეკვეთების ნაკლებობას არც ადრე უჩიოდნენ, თუმცა, ახლა მზად არიან მთლიანად ამ საქმიანობაზე გადაერთონ და ამისთვის ძალ - ღონეს არ დაიშურებენ.

-         სამუშაო არც მანამდე გვაკლდა მაგრამ, როდესაც ქვეყანას მხარდაჭერა სჭირდება, ჩვენ მზად ვართ ეს გავაკეთოთ.

-         რაღაცას დავკარგავთ, თუმცა, ადამიანების ჯანმრთელობა და სიცოცხლე უფრო მნიშვნელოვანია. მე ორი შვილი მყავს, მათგან ერთი 9 წლისაა და ეს ყველაფერი ძალიან მაღელვებს.  ვფიქრობ, ყველამ უნდა აიღოს თავზე პასუხისმგებლობა.

მოდის სახლი 2-3 დღის განმავლობაში 20 ათასი პირბადის შეკერვას გეგმავს.

რამდენად სწორი იყო აფხაზეთში კორონავირუსის გავრცელების საფრთხის პირობებში არჩევნების ჩატარება, ამაზე მოსახლეობის აზრი იყოფა:

-- რა შუაშია აქ ვირუსი, არის რაღაც პოლიტიკური, ადამიანური საკითხები გადასაწყვეტი და ცხოვრება გრძელდება. ეს თუ ასეთი სტიქიაა, მოდით მაშინ ყველაფერი გავაჩეროთ.

- არა, რა თქმა უნდა არაა არჩევნებისთვის შესაფერისი დრო, რადგან ყველამ იცის, თუ რა ხდება მსოფლიოში კორონავირუსთან დაკავშირებით. დაუშვებელია ასეთი ხალხმრავლობა, როგორიც არჩევნებზე იყო.

-- სწორი გადაწყვეტილება მიიღეს, კორონავირუსი რა შუაშია. არჩევნები უნდა ჩატარებულიყო, ხალხს მოთმინების ფიალა აევსო.

--  სადმე რაიმე კერა, ან ეპიდაფეთქება იყო ჩვენთან? ასე რომ აგვეკრძალა არჩევნების ჩატარება. იყო რამე ან ახლა არის რამე?

უნდა აღინიშნოს, რომ არც საარჩევნო უბნებზე არჩევნების დღეს და არც მას შემდეგ,  მოქალაქეების დიდი ნაწილი ვირუსის პრევენციის ზომებს არ მიმართავს და პირბადეებს არ ატარებს.

თუმცა, 22 მარტს გამართული საპრეზიდენტო არჩევნების შემდეგ მთავარმა სანიტარულმა ექიმმა ლუდმილა სკორიკმა განაცხადა, რომ ხელისუფლებამ ვერ უზრუნველყო კორონავირუსის პრევენციის ზომების სათანადოდ გატარება, შესაბამისად სანიტარულ - ეპიდემიოლოგიური სამსახური იხსნის პასუხისმგებლობას მოსახლეობის უსაფრთხოებაზე.


მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.





























Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 225 ადამიანი მკურნალობს, მათგან 8 პაციენტის ჯანმრთელობის მდგომარეობა მძიმეა.
უწყებათაშორისი საკოორდინაციო საბჭოს ინფორმაციით, გასულ 24 საათში ჩატარებული 4964 ტესტირებიდან გამოვლენილია კორონავირუსის 110 ახალი შემთხვევა, აქედან სამეგრელო - ზემო სვანეთში მხოლოდ 4 დაფიქსირდა.
სოხუმმა კორონავირუსით ინფიცირების 108 ახალი შემთხვევა დაადასტურა.
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
დღის სიახლეები
18 / იანვარი 2021
"ჩვენ უკვე მივმართეთ ხელისუფლებას თხოვნით, გარდა ამისა, იგეგმება სპეციალური ანგარიშის გახსნა დაზარალებულთა დასახმარებლად", - ამის შესახებ გალის რაიონის ე.წ. ადმინისტრაციის ხელმძღვანელმა კონსტანტინე ფილიამ განაცხადა.
18 / იანვარი 2021
ეპიდვითარების გაუარესების გამო, აფხაზეთის სახელმწიფო უნივერსიტეტში საგამოცდო სესიები 25 იანვრამდე გადაიდო. ამის შესახებ
18 / იანვარი 2021
ზუგდიდის მუნიციპალიტეტის მასშტაბით ქალაქის ყველა და სოფლების სკოლების ნაწილში სასწავლო პროცესი დისტანციურ რეჟიმში განახლდა. ამის შესახებ რადიო "ათინათს" საგანმანათლებლო რესურსცენტრის ხელმძღვანელის მოვალეობის შემსრულებელმა მამუკა ბულიამ უთხრა.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 4 °C
img
სოხუმი 4 °C
img
ფოთი 5 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.