ТОЧКИ СОПРИКОСНОВЕНИЯ
კორონავირუსი და საგანგებო მდგომარეობა
აფხაზეთში კორონავირუსის პანდემიის გამო 28 მარტს საგანგებო მდგომარეობა ამოქმედდა. მთავრობის გადაწყვეტილებით, საზღვრები ჩაიკეტა უცხო ქვეყნის მოქალაქეებისა და მოქალაქეობის არ მქონე პირთათვის.

შესაბამის განკარგულებას პრეზიდენტის მოვალეობის შემსრულებელმა ვალერი ბგანბამ მოაწერა ხელი.  დაწესებული რეგულაციების თანახმად იკრძალება მიტინგების, მასობრივი, კულტურული და საზეიმო, მათ შორის ქორწილების, ასევე სპორტული ღონისძიებების ჩატარება. შეჩერებულია სატრენაჟორო დარბაზების, სტომატოლოგიური კლინიკების,  რესტორნების და კვების სხვა ობიექტების ფუნქციონირება.

ამავე რეგულაციებით, აიკრძალა საზოგადოებრივი ტრანსპორტის მოძრაობა, გამონაკლისს წარმოადგენს ტაქსი.  სკოლებსა და სკოლამდელ სააღმზრდელო დაწესებულებებში შეჩერებულია სასწავლო პროცესი.

კორონავირუსის ინფექციის გავრცელების პრევენციის მიზნით, მინისტრთა კაბინეტმა ჩამოაყალიბა ოპერატიული შტაბი, რომელიც უკვე ერთი კვირაა მოსახლეობას აწვდის ინფორმაციას მიმდინარე სიტუაციის შესახებ. „ამ ეტაპზე რესპუბლიკაში კორონავირუსით ინფიცირების შემთხვევები არ დადასტურებულა, გასული დღეს - ღამის განმავლობაში გამოიკვლიეს 9 ადამიანი, კორონავირუსი არცერთ მათგანს არ დაუდასტურდა, სოხუმის ინფექციურ საავადმყოფოს მიმართა 5 - მა ადამიანმა. ისინი გამოიკვლიეს, მათ მწვავე რესპირატორული დაავადებები დაუდგინდა, გუდაუთის ცენტრალურ რაიონულ საავდმყოფოში ჯერ არავინ შეუყვანიათ“, - განაცხადა ვალერი ბგანბამ.

მისივე თქმით, ამოქმედებულია ცხელი ხაზი, რომელზეც ბოლო 24 საათის განმავლობაში 200 - მდე ზარი შევიდა. ბგანბამ მოსახლეობას კიდევ ერთხელ მიმართა თხოვნით, დაიცვან საგანგებო რეჟიმით გათვალისწინებული წესები და საჭიროების გარეშე არ გავიდნენ სახლებიდან.

29 მარტიდან 20 აპრილის ჩათვლით აფხაზეთში შეჩერებულია სასტუმროებსა და სანატორიუმების დაჯავშნა, ტურისტული ჯგუფების მიღება და ექსკურსიების ჩატარება.

დღესდღეობით, სასტუმროებში, რომლებიც ჩვეულებრივ, მთელი წლის განმავლობაში მასპინძლობენ ტურისტებს, მხოლოდ 18 ადამიანია დაბინავებული, რომლებსაც ჯავშნის გახანგრძლივების უფლება არ ექნებათ.

„ამ ეტაპზე სასტუმროებსა და პანსიონატებში 400 ადგილია მომზადებული იმ მოქალაქეებისთვის, რომლებიც აფხაზეთში დაბრუნდებიან, მათ შორის, ყველაზე მეტი - 217 ნომერი, სოხუმის საკარანტინო ზონაშია, რომელიც სასტუმრო „აიტარშია“ მოწყობილი. მთავრობა  საკარანატინო პუნქტების აფხაზეთის ყველა რაიონში მოწყობას გეგმავს,  - თქვა ბგანბამ.

სოხუმის მერის მოვალეობის შემსრულებელმა კან კვარჩიამ მოქალაქეებსა და რესპუბლიკის მცხოვრებლებს მოუწოდა დაიცვან ყველა ზომა, იზრუნონ საკუთარ და გარშემომყოფების ჯანმრთელობაზე. „ჩვენ უნდა გვესმოდეს, რომ ახლა ყველაზე მთავარია თვითიზოლაცია. ეს არ ნიშნავს იმას, რომ მე პანიკისკენ მოგიწოდებთ, პანიკას არ უნდა ავყვეთ და ცივი გონებით ვიმოქმედოთ“  - განაცხადა მან.

მისი თქმით, მთავრობაში აცნობიერებენ, რომ სამედიცინო და ეკონომიკური რესურსი აფხაზეთში შეზღუდულია, განსაკუთრებით პანდემიის პირობებში, რომელმაც შესაძლოა წლევანდელი საკურორტო სეზონიც ჩაშალოს. თუმცა, ამავე განცხადებით, ახლა მათთვის მთავარია, რისკების მაქსიმალურად შემცირება და შეძლებისდაგვარად ინფექციის გავრცელების პრევენცია და შეკავება.

საგანგებო მდგომარეობა აფხაზეთში 28 აპრილის ჩათვლით იმოქმედებს.


მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.
Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
ბოლო მონაცემებით აფხაზეთში 524 ადამიანი გამოიკვლიეს, მათგან 91-ს კორონავირუსი დაუდგინდა. ინფორმაციას დე ფაქტო რესპუბლიკაში Сovid 19-სგან მოსახლეობის დაცვის მიზნით შექმნილი ოპერატიული შტაბი ავრცელებს.
ბოლო 24 საათში გამოვლინდა ვირუსით ინფიცირების 1 137 ახალი დადასტურებული შემთხვევა, აქედან
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 214 ადამიანი
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
დღის სიახლეები
21 / იანვარი 2021
სამოქალაქო აქტივისტების ნაწილი, "ევროპული საქართველოს" ახალგაზრდული ორგანიზაციის წევრებთან ერთად, სტრასბურგის სასამართლოს გადაწყვეტილებას ენგურის ხიდზე ელოდებოდა. მათ სწორედ საოკუპაციო ხაზთან
21 / იანვარი 2021
ცნობილი გახდა, რომ სტრასბურგის საერთაშორისო სასამართლოს გადაწყვეტილებით, 2008 წლის რუსეთ-საქართველოს ომის საქმეზე, სასამართლო დავა საქართველომ მოიგო.
21 / იანვარი 2021
ევროპული საქართველოს ახალგაზრდული ორგანიზაციის წევრებმა სამხარეო ადმინისტრაციის შენობასთან აქცია-პერფორმანსი გამართეს. მათი თქმით, ისინი უერთდებიან ზუგდიდში სამოქალაქო აქტივისტების
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 3 °C
img
სოხუმი 4 °C
img
ფოთი 3 °C
img
მესტია -7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.