ТОЧКИ СОПРИКОСНОВЕНИЯ
ფსოუზე გახსნილი საზღვარი - სოხუმი ახალი გამოწვევების წინაშე პანდემიის პირობებში
აფხაზურ - რუსული საზღვარი ფსოუზე ყველა კატეგორიის მოქალაქისთვის 1 აგვისტოს გაიხსნა და პირველივე დღე - ღამის განმავლობაში, საკონტროლო - გამშვები პუნქტი 7.5 ათასმა მოქალაქემ გადალახა.

ფსოუზე საზღვრის გახსნასთან დაკავშირებით აფხაზეთის ჯანდაცვის სამინისტროში მედიკოსებისა და ოპერატიული შტაბის წევრების საგანგებო თათბირი გაიმართა. შეხვედრის მონაწილეებმა აღნიშნეს, რომ საზღვრის ერთბაშად და ყოველგვარი შეზღუდვის გარეშე გახსნა, მოულოდნელი აღმოჩნდა სპეციალისტებისთვის. მანამდე, კორონავირუსთან ბრძოლის მიზნით შექმნილი ოპერატიული შტაბი ფსოუზე საზღვრის მხოლოდ ეტაპობრივად გახსნის საკითხს განიხილავდა, თუმცა, ამასთან ერთად,მისი წევრები აცხადებდნენ, რომ რესპუბლიკაში შემოსვლის მსურველებმა თან უნდა იქონიონ ცნობა ან კოვიდ პასპორტი.  ახლა რუსეთიდან აფხაზეთში შესვლა, კარანტინში გადასვლისა და შესაბამისი ცნობების წარდგენის გარეშეც შეეძლებათ მოქალაქეებს.

ჯანდაცვის მინისტრის მოადგილის ალხას კონჯარიას თქმით, ამას შესაძლოა, ეპიდემიოლოგიური აფეთქება მოჰყვეს, რასაც აფხაზეთის ჯანდაცვის სისტემა ვერ გაუძლებს და "დაიხრჩობა".

"ჩვენთვის მოულოდნელი იყო, რომ გახსნა ასე უეცრად მოხდა, არ იყო შემუშავებული რიგი ეტაპებისა, ახლა კი საზღვარი უბრალოდ მთლიანად გაიხსნა და დღეიდან ნებისმიერ მსურველს შეუძლია შემოსვლა", - აღნიშნა კონჯარიამ.

გაგრის რესპუბლიკური საავადმყოფოს მთავარი ექიმი ვიაჩესლავ არგუნი დარწმუნებულია, რომ საზღვრის გახსნას დაავადებულთა ნაკადის მკვეთრი ზრდა მოყვება:

"დიდი სიფრთხილეა საჭირო... ჩვენზე რაც არის დამოკიდებული, ჩვენს საქმეს ვაკეთებთ, მაგრამ, ვფიქრობ, მკვეთრად მოიმატებს ავადმყოფების რაოდენობა, საზღვრის უკონტროლოდ კვეთის გამო... ასე რომ, არ არის კარგი სიტუაცია... აი, ახლა ვესაუბრე გუდაუთის საავადმყოფოს მთავარ ექიმს, მათთანაც იზრდება უკვე პაციენტების ნაკადი ... აი, ახლა გვაქვს ეჭვი, 15 ადამიანის ტესტს ველოდებით ორშაბათისთვის, ეს რუსეთიდან ჩამოსული ქალის კონტაქტებია. ის დადიოდა სალონში, სხვადასხვა ადგილებში, იქ დაკეტეს, აქ დაკეტეს... მოკლედ, ძალიან ცუდი სიტუაციაა, უნდა მოვერიდოთ, ეს სერიოზული თემაა, თუმცა, ჩვენი ხალხი ჯერ ვერ აცნობიერებს, მჭიდროდ ეკონტაქტებიან ერთმანეთს, ეს კი ცუდ შედეგამდე მიგვიყვანს" , - ამბობს არგუნი.

აფხაზი მედიკოსები მუდმივად მოუწოდებენ მოქალაქეებს სამედიცინო პირბადეების ტარებისა და დისტანციის დაცვისკენ,ასევე ხალხმრავალი ადგილებისთვის თავის არიდებისკენ, თუმცა, ჯერჯერობით, მოსახლეობა ნაკლებად ითვალისწინებს ამ რეკომენდაციებს.

გუდაუთის საავადმყოფოში აცხადებენ, რომ ჰოსპიტალში ინფიცირებულთა რაოდენობამ საგრძნობლად იმატა, მათ შორის არიან მედიკოსებიც, რამაც კიდევ უფრო გაამწვავა კადრების დეფიციტის საკითხი.

გუდაუთის ჰოსპიტალის მთავარი ექიმის მოადგილის ანგელინა ოტირბას თქმით, ამ ეტაპზე მთავარ კოვიდ - მიმღებ სამედიცინო დაწესებულებაში 39 კოვიდ - დადასტურებული პაციენტი მკურნალობს, მათ შორის, 5 ბავშვია.

"შედარებით მძიმე მდგომარეობაშია 5 პაციენტი, თუმცა, მათ არ სჭირდებათ მართვითი სუნთქვის აპარატები,  ორ მათგანს მუდმივ რეჟიმში მიეწოდება ჟანგბადი. ესენი არიან 50 წელს გადაცილებული პაციენტები, რომელთაც თანმდევი პათოლოგიები აქვთ, გულსისხლძარღვთა და  ენდოკრინული სისტემის დაავადებები", - განაცხადა სპეციალისტმა.

მისი თქმით, ჰოსპიტალს აქვს მედიკამენტების და ინდივიდუალური დაცვის საშუალებების საკმარისი მარაგი და დამატებითი მოთხოვნის შემთხვევაში ქრონიკული დაავადებების მქონე პაციენტებისთვის ისინი დამატებით იღებენ საჭირო პრეპარატებს. ოტირბამ აღნიშნა, რომ მცირედი შეფერხებების მიუხედავად, ჯანდაცვის სამინისტრო მათ უზრუნველყოფს აუცილებელია აღჭურვილობითა და პრეპარატებით.

თვის ბოლოს, აფხაზეთში რუსი მედიკოსების ბრიგადას ელოდებიან, რომლის შემადგენლობაში რეანიმატოლოგებიც იქნებიან. დღესდღეობით რესპუბლიკა ამ პროფილის სპეციალისტების ნაკლებობას განიცდის.

სირთულეების მიუხედავად, აფხაზეთში ტურისტული სეზონი დაიწყო. ტურიზმის სამინისტროს განცხადებით, ტურისტული ობიექტები მზად არიან დამსვენებლების მისაღებად. ამასვე ადასტურებს „როსპოტრებნადზორი“, რომლის სამუშაო ჯგუფი მანამდე ჩავიდა რესპუბლიკაში და აფხაზ კოლეგებთან ერთად, სასტუმროებისა და სასტუმრო სახლების ინსპექცია ჩაატარა.

ფსოუზე საზღვარი რუსეთის ფედერაციამ 1 აგვისტოდან გახსნა. შესაბამის განკარგულებას პრეზიდენტმა ასლან ბჟანიამ 1 აგვისტოს მოაწერა ხელი. მანამდე, 30 ივლისს, ის მოსკოვში სამუშაო ვიზიტით გაემგზავრა. კორონავირუსის პანდემიის გამო აფხაზეთსა და რუსეთის ფედერაციას შორის მიმოსვლა ყველა კატეგორიის მოქალაქისათვის 8 აპრილიდან იყო შეზღუდული.











Print Email
FaceBook Twitter
რ ე კ ლ ა მ ა
ჩხოროწყუს მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი სოფელ თაიაში წყალმომარგების მოწყობის სამუშაოებს გაეცნენ.
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
კორონავირუსი
სამეგრელოში განთავსებულ სამ კოვიდკლინიკაში 212 ინფიცირებული პაციენტი გადის მკურნალობის კურსს, მათგან რუხის კლინიკაში 142 კოვიდ პაციენტია მოთავსებული, ფოთის ჰოსპიტალში 40,
24 ნოემბრის მონაცემებით აფხაზეთში კორონავირუსზე 386 ადამიანი გამოიკვლიეს და მათგან  116-ს ინფექცია დაუდასტურდა. ინფორმაციას დე ფაქტო რესპუბლიკაში შექმნილი ოპერატიული შტაბი ავრცელებს.
ქვეყანაში არსებული ეპიდსიტუაციისა და დიდ ქალაქებში მობილობის შემცირების მიზნით,საქართველოს 10 ქალაქში, მათ შორის, ზუგდიდსა და ფოთში სასწავლო პროცესი 2020-2021
საზოგადოება
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
14-16 ნოემბერს, საქართველოს განათლების, მეცნიერების, კულტურისა და სპორტის სამინისტროს მხარდაჭერით, აქცია „ღამე მუზეუმში“ ტარდება. ამის შესახებ ინფორმაციას განათლების სამინისტრო ავრცელებს.
დღეიდან, 9 ნოემბრიდან შევა ძალაში საკოორდინაციო საბჭოს გადაწყვეტილება, რომლის მიხედვით, ზუგდიდში, ფოთში, ქუთაისში, ბათუმში, რუსთავში, გორსა და თბილისში
დღის სიახლეები
25 / ნოემბერი 2020
წალენჯიხაში, დაბა ჯვარის მიმდებარე ტყეში დაჭრილი 60 წლამდე მამაკაცი გარდაიცვალა.
25 / ნოემბერი 2020
წალენჯიხის მუნიციპალიტეტში, დაბა ჯვარის მიმდებარე ტყიდან მეხანძრე მაშველები დაჭრილი მონადირის გამოყვანას ცდილობენ.
25 / ნოემბერი 2020
29 წლის ნათია ფანცულაია, რომელიც წარმოშობით ზუგდიდის მუნიციპალიტეტის სოფელ რუხიდანაა, უეფას ქალთა ჩემპიონთა ლიგის ერთ-ერთი საუკეთესო ბომბარდირია.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 4 °C
img
სოხუმი 4 °C
img
ფოთი 10 °C
img
მესტია -6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.