ТОЧКИ СОПРИКОСНОВЕНИЯ
ათასზე მეტი კოვიდინფიცირებული და განახლებული სასწავლო წელი აფხაზეთში

პანდემიის წინააღმდეგ ბრძოლის მიზნით შექმნილი შტაბის ინფორმაციით აფხაზეთში Covid

19 - ით ინფიცირების შემთხვევებმა ათასს გადააჭარბა და მათი რაოდენობა დღითიდღე იზრდება. გუშინ კიდევ ერთი, მერვე პაციენტი გარდაიცვალა.
მიუხედავად არასახარბიელო ეპიდემიოლოგიური სიტუაციისა, რესპუბლიკის სკოლებსა და უმაღლეს სასწავლებლებში სასწავლო პროცესი განახლდა.

ახალი სასწავლო წლის დაწყებამდე, ქალაქის მე - 6 სკოლის დირექტორს კორონავირუსი დაუდგინდა, ხოლო შემდეგ კი პირველი სკოლის პედაგოგს, რომელიც უფრო გვიან, საქართველოს ერთ - ერთ კლინიკაში გარდაიცვალა. ამ ეტაპზე, აღნიშნული სკოლის ყველა მასწავლებელს ტესტირება უტარდება, მოსწავლეები კი ორკვირიან კარანტინზე გადაიყვანეს.

სკოლის დირექტორის ნონა დელბას განმარტებით, სკოლაში კორონავირუსის შემთხვევების დაფიქსირების შემდეგ, მან მიმართა განათლების მინისტრს და ამის შემდეგ მიიღეს გადაწყვეტილება კარანტინის შესახებ. "სამწუხაროდ, ზოგიერთი ბავშვი უკვე დაავადებული მოდიოდა. როგორც გაირკვა, მოსწავლეები, რომლებმაც ანალიზები ჩააბარეს კორონავირუსზე ტესტირებისთვის და პასუხებს ელოდებოდნენ, მშობლებმა სკოლაში გამოუშვეს. აი, ასეთი სიტუაცია შეიქმნა და მერე წავიდა ინფექციის ჯაჭვი", - თქვა დელბამ. 

აფხაზეთის უნივერსიტეტის ხელმძღვანელობის გადაწყვეტილებით. 21 სექტემბრიდან აუდიტორიებში მხოლოდ პირველკურსელები მივლენ. 

ბიო - გეოგრაფიული ფაკულტეტის დეკანის მარინა გოგუას განცხადებით, ინფიცირების რისკების შესამცირებლად, მათ გარკვეული ზომები უკვე მიიღეს. "პირველკურსელებისთვის აუდიტორიებში მეცადინეობა ისე დავგეგმეთ, რომ სოციალური დისტანციის დაცვა გახდეს შესაძლებელი, გარდა ამისა, აუდიტორიები მუდმივად ნიავდება და სველი წესით ხდება ოთახების დასუფთავება. ნიღბების ტარება აუცილებელია", - ამბობს გოგუა.

პირველკურსელები გაგებით ეკიდებიან შეზღუდვებს და ოპტიმიზმს არ კარგავენ. სტუდენტი: "პირველის ლექცია ძალიან საინტერესო იყო, სკოლის გაკვეთილებისგან ძალიან განსხვავდება".

ჟურნალისტი: როგორ უყურებთ ნიღბების ტარების აუცილებლობას?

პირველკურსელები : "ძალიან ჩვეულებრივად, თუ საჭიროა, ესე იგი უნდა ვატაროთ".

"მე საერთოდ არ მიძნელდება, მაგრამ, თუ ვირუსი ვრცელდება, მაშინ აუცილებელია".


სასწავლო განრიგში ცვლილებები უფროსკურსელებსაც შეეხებათ, თუმცა მარინა გოგუას თქმით, ის სტუდენტებისთვის მაქსიმალურად კომფორტული იქნება. "მათ ჩვენ ეტაპობრივად მოვიწვევთ, იმ გამოცდილების გათვალისწინებით, რომელსაც ახლა ვიძენთ... სავარაუდოდ, დავყოფთ მათ მცირერიცხოვან ჯგუფებად, ასევე, შესაძლოა, რიგი საგნისთვის სწავლების დისტანციურ ფორმასაც მივმართოთ, მომდევნო დღეების განმავლობაში სტუდენტებს მივაწვდით ინფორმაციას ამ ცვლილებების შესახებ", - განმარტავს დეკანი.  

მიმდინარე წელს აფხაზეთის სახელმწიფო უნივერსიტეტში მისაღები გამოცდების გარეშე 620 აბიტურიენტი ჩაირიცხა.

მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.




 

Print Email
FaceBook Twitter
დაფინანსებული
15 - 16 ივლისს, ზუგდიდის მუნიციპალიტეტის ,,ხელოვნებისა და კულტურის განვითარების ცენტრის" ორგანიზებითა და ზუგდიდის მუნიციპალიტეტის მერიის მხარდაჭერით, პოლიკარპე ხუბულავას სახელობის ფოლკლორის IV საერთაშორისო ფესტივალი ,,კოლხი და..."  ჩატარდება.
ანაკლია-განმუხურის საზღვაო სეზონი გაიხსნა. სეზონის გახსნასთან დაკავშირებით, ანაკლიაში სხვადასხვა ღონისძიება გაიმართა.
ზუგდიდის მერიის ბავშვებისა და ახალგაზრდების შესაძლებლობების განვითარების ხელშეწყობის კომისიამ, არაფორმალური განათლებისა და პროფესიული შესაძლებლობების განვითარების პროგრამის ფარგლებში 4 ახალგაზრდა დააფინანსა.
დღის სიახლეები
15 / ივლისი 2024
გუდაუთის მცხოვრებლებმა სასტუმრო "როსიას" საკანალიზაციო არხები გადაკეტეს, ანტისანიტარიის გამო. 
15 / ივლისი 2024
შეფასებისა და გამოცდების ეროვნული ცენტრის ინფორმაციით, ზუგდიდში ისტორიის გამოცდის პირველ სესიაზე რეგისტრირებული 389
15 / ივლისი 2024
2020-დან 2022 წლის ჩათვლით, უცხოური დონორი ორგანიზაციების სრული ან ნაწილობრივი დაფინანსებით, სენაკის მუნიციპალიტეტში რამდენიმე მნიშვნელოვანი ინფრასტრუქტურული პროექტი განხორციელდა. ამის შესახებ ადგილობრივი
დილის ჩართვა
ოდაბადეშ კინოხონი
04 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
«« ივლისი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 24 °C
img
სოხუმი 24 °C
img
ფოთი 25 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.