ТОЧКИ СОПРИКОСНОВЕНИЯ
Covid-19: მობილური ჰოსპიტალი აფხაზი მედიკოსების და მოსახლეობის დასახმარებლად

კორონავირუსის წინააღმდეგ ბრძოლის მიზნით შექმნილი ოპერატიული შტაბის მონაცემებით, აფხაზეთში Covid19-ით ინფიცირების შემთხვევებმა 3100-ს გადააჭარბა.

დაავადებამ 32-ე პაციენტის სიცოცხლეც შეიწირა. არსებული ეპიდვითარების გამო, ხელისუფლება იძულებული იყო, რომ ახალი საწოლების მობილიზებაზე ეზრუნა. 19 ოქტომბერს სოხუმში სტავროპოლიდან სამხედრო მობილური ჰოსპიტალი ჩავიდა, რომელიც აფხაზ მედიკოსებს კორონავირუსთან ბრძოლაში გაუწევს დახმარებას. სამხედრო ჰოსპიტალის უფროსის აბდულ მაგომედოვის განცხადებით, ისინი 150-მდე პაციენტის მიღებას შეძლებენ.

 

"მობილური ჰოსპიტალი აღჭურვილია თანამედროვე აპარატურით, პირად შემადგენლობას გავლილი აქვს შესაბამისი წვრთნები და არა ერთხელ გაუწევია დახმარება მოსახლეობისთვის კორონავირუსთან ბრძოლაში", - აღნიშნა მაგომედოვმა.

მისივე თქმით, ჰოსპიტალი სოხუმში სასტუმრო "აიტარის" ტერიტორიაზეა განთავსებული და პირველი პაციენტის მიღებას 20 ოქტომბერს შეძლებს.  

ჯანდაცვის მინისტრის თამაზ ცახნაკიას განმარტებით, ჰოსპიტალში 12 საწოლი რეანიმაციული იქნება, ხოლო 25 ჟანგბადის მიწოდების აპარატით აღჭურვილი. მინისტრმა აღნიშნა, რომ გუდაუთის საავადმყოფოში ამ ეტაპზე 176 კოვიდდადასტურებული პაციენტი მკურნალობს, მათგან 23 მძიმე მდგომარეობაშია. "დღეს პრემიერთან გვქონდა სამუშაო თათბირი, სადაც შექმნილია საკოორდინაციო ჯგუფი, რომ მკაფიოდ განვსაზღვროთ ჩვენი პაციენტების მარშრუტიზაცია. ასევე გამოყოფილია პასუხისმგებელი პირები, ტელეფონები, რომლებზეც ადამიანებს შეუძლიათ დარეკვა, მათ შორის, ცხელი ხაზის მეშვეობით. შესაბამისად სხვა სამედიცინო დაწესებულებებში, რომ ექიმები მუდმივ ურთიერთქმედებაში იყვნენ მათთან", - განაცხადა ცახნაკიამ.

გუდაუთის საავადმყოფოში პაციენტების ნაკადის შესამცირებლად, ერთ - ერთი კერძო სასტუმროს ბაზაზე,  დღის ცენტრი შეიქმნა.

"შევქმენით დღის სტაციონარი, მათთვის, ვისაც მსუბუქი მიმდინარეობა აქვს და ან საშუალო სიმძიმის სიმპტომები ეწყება, ეს უკვე ამსუბუქებს ჩვენი კოვიდ ცენტრის მუშაობას, იქ ნაკადის შემცირებას ვახერხებთ, იქ ორ ცვლაში უწევთ მუშაობა", - ამბობს გუდაუთის საავადმყოფოს მთავარი ექიმის ინგა ჩანბა. მისი თქმით, მობილური ჰოსპიტალი შეამსუბუქებს მათი მუშაობის რეჟიმს, რადგან ის შეძლებს, პაციენტების მიღებას როგორც სოხუმიდან, ასევე რაიონებიდან.

მედიკოსების და მოსახლეობის დახმარების სურვილი ადგილობრივმა მეწარმეებმა და სასტუმროების მფლობელებმა გამოთქვეს. მათ უფასოდ განათავსეს გუდაუთაში აფხაზი მედიკოსები დასახმარებლად ჩასული ბრიგადები.   

გაგრის რაიონის ხელმძღვანელის ბაგრატ ბოჯგუას თქმით, გუდაუთაში ბიზნესის წარმომადგენლებმა მათ დიდი მხარდაჭერა აღმოუჩინეს.  "დიდი მადლობა მინდა ვუთხრა მათ, ესენი არიან: გენა კვარაცხელია, რომელმაც უფასოდ გადმოგვცა თავისი სასტუმრო, ასევე ალიას სიჭინავას, რომლმაც 15 ნომერი დაგვითმო, ასევე წვიჟბა ბაგრატმა, ბადრი ხაგბამ, რომელმაც კოვიდ პანდემიის დაწყებისთანავე გადმოგვცა თავისი სასტუმრო ექიმების განსათავსებლად, ახლა კიდევ სხვა მეწარმეები დაგვემატა", - თქვა ბოჯგუამ,

ამ ეტაპზე, კოვიდ პაციენტების რაოდენობის მატებასთან ერთად, პრობლემად რჩება უმცროსი მედპერსონალის და მოხალისეები დეფიციტი. ჯანდაცვის სამინისტრო პერიოდულად მოუწოდებს მოხალისეებს და აფხაზეთის ფარგლებს გარეთ მცხოვრებ მედიკოსებს, დახმარება გაუწიონ თანამემამულეებს კორონავირუსთან ბრძოლაში.

კორონავირუსის შემთხვევების მკვეთრ ზრდასთან დაკავშირებით, აფხაზეთში  15 ოქტომბრიდან 24 ნოემბრის ჩათვლით, დამატებითი შეზღუდვები მოქმედებს. ახალი რეგულაციების თანახმად, აფხაზეთში აკრძალულია მასობრივი, სპორტული, გასართობი, საგამოფენო ღონისძიებების ჩატარება. ასევე, აკრძალულია, თეატრების, ბიბლიოთეკების, კულტურული ცენტრების, კულტურის სახლების, საკონცერტო და საგამოფენო დარბაზების ფუნქციონირება.ასევე, არ იმუშავებენ სკოლამდელი სააღმზრდელო და საგანმანათლებლო. სავალდებულოა  ინდივიდუალური დაცვის საშუალებების გამოყენება დაწესებულებებსა და სავაჭრო ობიექტებში. მოქალაქეებმა საზოგადობრივი თავშეყრის ადგილებში უნდა ატარონ პირბადეები, ხშირად დაიმუშავონ ხელები სადეზინფექციო ხსნარით და დაიცვან დისტანცია.

მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.

 

Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
ბოლო მონაცემებით აფხაზეთში 524 ადამიანი გამოიკვლიეს, მათგან 91-ს კორონავირუსი დაუდგინდა. ინფორმაციას დე ფაქტო რესპუბლიკაში Сovid 19-სგან მოსახლეობის დაცვის მიზნით შექმნილი ოპერატიული შტაბი ავრცელებს.
ბოლო 24 საათში გამოვლინდა ვირუსით ინფიცირების 1 137 ახალი დადასტურებული შემთხვევა, აქედან
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 214 ადამიანი
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
დღის სიახლეები
21 / იანვარი 2021
სამოქალაქო აქტივისტების ნაწილი, "ევროპული საქართველოს" ახალგაზრდული ორგანიზაციის წევრებთან ერთად, სტრასბურგის სასამართლოს გადაწყვეტილებას ენგურის ხიდზე ელოდებოდა. მათ სწორედ საოკუპაციო ხაზთან
21 / იანვარი 2021
ცნობილი გახდა, რომ სტრასბურგის საერთაშორისო სასამართლოს გადაწყვეტილებით, 2008 წლის რუსეთ-საქართველოს ომის საქმეზე, სასამართლო დავა საქართველომ მოიგო.
21 / იანვარი 2021
ევროპული საქართველოს ახალგაზრდული ორგანიზაციის წევრებმა სამხარეო ადმინისტრაციის შენობასთან აქცია-პერფორმანსი გამართეს. მათი თქმით, ისინი უერთდებიან ზუგდიდში სამოქალაქო აქტივისტების
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 3 °C
img
სოხუმი 4 °C
img
ფოთი 3 °C
img
მესტია -7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.