ТОЧКИ СОПРИКОСНОВЕНИЯ
Covid-19: რა დამატებით ზომებს მიმართავენ სოხუმში კორონავირუსთან საბრძოლველად

კორონავირუსული ინფექციის წინააღმდეგ ბრძოლის მიზნით აფხაზეთის პარლამენტმა 2020 წლის ბიუჯეტიდან ორი მილიონი რუბლი გამოყო.

თანხა გუდაუთის ცენტრალური რაიონული, სოხუმის ინფექციური და სოხუმის საქალაქო კლინიკური საავადმყოფოების მედიკამენტებითა და სამედიცინო სახარჯი მასალებით მომარაგებას მოხმარდება. გარდა ამისა, გუდაუთის საავადმყოფოს ექიმებს წლის ბოლომდე  დამატებით დააფინანსებს მოსკოვის აფხაზური დიასპორა.

აფხაზეთში კორონავირუსის გავრცელების ტემპი იზრდება და სიტუაცია რთულდება. ოქტომბრის დასაწყისიდან რამდენიმე ათეული შემთხვევა ფიქსირდება ყოველდღიურად.13 ოქტომბრიდან სოხუმის ინფექციურმა საავადმყოფომ დაიწყო კოვიდინფიცირებული პაციენტების მიღება, რისთვისაც სამედიცინო დაწესებულებაში დამატებით 30 საწოლი განათავსეს. ჯანდაცვის სამინისტროს მონაცემებით, გუდაუთის კოვიდმიმღებ ცენტრში 250 საწოლია მობილიზებული, ოჩამჩირის საავადმყოფოში 20, გაგრაში კი 18. გარდა ამისა, სოხუმის ბავშვთა პოლიკლინიკაში მიიღებენ კოვიდდადასტურებულ ბავშვებს. მწვავე აუცილებლობის შემთხვევაში, მათ სამედიცინო დაწესებულების განკარგულებაშია 20 ტესტი და ფილტვების ხელოვნური ვენტილაციის აპარატი.

რუსული სამხედრო საველე მობილური ჰოსპიტალი, რომელიც სოხუმში განთავსდა, 100 – 150 საწოლზეა გათვლილი. გარდა ამისა, გუდაუთის საავადმყოფოში ჩავიდა ბაშკირელი მედიკოსების ბრიგადა, რომელიც უკვე შეუდგა მუშაობას. რეანიმატოლოგ ტატიანა კირეენკოს თქმით, ისინი აფხაზ კოლეგებს ეხმარებიან, Covid 19 - ის წინააღმდეგ ბრძოლაში. "ექიმები დიდი დატვირთვით მუშაობენ და საავადმყოფოში ცხოვრობენ. მინდა აღვნიშნო თქვენი მედიკოსების მაღალი კვალიფიკაცია, ისინი პაციენტებს დახმარებას მაღალ დონეზე უწევენ, ჩვენ, პრინციპში, მხოლოდ აქ ყოფნით შეგვიძლია ცოტათი მაინც შევუმსუბუქოთ მათ მუშაობა, რომ რამდენიმე საათიანი დასვენების საშუალება მივცეთ ... ჯერჯერობით, პრობლემები არ გვქონია, საავადმყოფოში არის ყველაფერი, რაც გვჭირდება, ასე რომ, ვმუშაობთ სრული დატვირთვით… რა თქმა უნდა, ყველაზე მძიმე ავადმყოფები რეანიმაციაში არიან ... მათ შორის, უფრო მეტად, ასაკოვანი ადამიანები არიან, რომელთაც თანმხლები პათოლოგიები აქვს. ყველა პაციენტს ჟანგბადი მიეწოდება",- ამბობს ის.

რუსეთის სამეცნიერო ცენტრმა "ვექტორმა" აფხაზეთს სატესტო სისტემები მიაწოდა, რაც 10 ათასი კვლევის ჩატარების საშუალებას იძლევა.

კორონავირუსის შემთხვევების ზრდის გამო, აფხაზეთში შეზღუდვებია დაწესებული. აკრძალულია მასობრივი და კულტურული ღონისძიებების ჩატარება, დაკეტილია სკოლები და ასევე რეგულაციები მოქმედებს საქალაქო ტრანსპორტში.მიუხედავად ამისა, აფხაზეთის მოსახლეობის ნაწილი, არ ითვალისწინებს მედიკოსების რეკომენდაციებს და უგულისყუროდ ეკიდება მათ.

ფსიქოლოგი ხათუნა ლოგუა მიიჩნევს, რომ საფრთხის უგულებელყოფა ეს არის, მის წინაშე შიშის პარადოქსული გამოვლინება. "ამას არ დავარქმევდი შიშის არ არსებობას, უბრალოდ შიში შეიძლება სხვადასხვანაირად გამოვლინდეს,  უარყოფა არის ერთგვარი  თავდაცვა მისგან. ადამიანი, რომელიც შიშს ვერ ერევა, სხვა გზას ვერ პოულობს, გარდა უარყოფისა და ფიქრობს, რომ ის, რაც ხდება შეიძლება ეხებოდეს ნებისმიერ, სხვას, მხოლოდ არა მას... ეს რა თქმა, უნდა შიშის ყველაზე უარესი გამოვლინებაა, თუმცა, შიშს აქვს დადებითი მხარეც, სწორედ ის გაიძულებს იყო მობილიზებული საფრთხის წინაშე. შიში, უნდა დახმარებოდა ადამიანებს ამ წესების დაცვაში, თუმცა, ეს მხოლოდ ჩემი მოსაზრებაა, ძალიან ბევრი შემთხვევაა, როდესაც ადამიანები არაადეკვატურად აფასებენ სიტუაციას", - ამბობს ფსიქოლოგი

აფხაზეთში 30 ოქტომბრის მონაცემებით, კორონავირუსით ინფიცირების 34 ახალი შემთხვევა დადასტურდა. პანდემიის დაწყებიდან დღემდე აფხაზეთში სულ 4160 შემთხვევა გამოვლინდა, გარდაცვლილია 40 ადამიანი, გამოჯანმრთელებულია 2257 პირი.


მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.




















 

Print Email
FaceBook Twitter
რ ე კ ლ ა მ ა
ტერაბანკი გრძელვადიანი სტუდენტური სესხის შეთავაზებას აგრძელებს.
2020 წელი მეთხილე ფერმერთა ასოციაცია "კავკასნათმა" მნიშვნელოვანი სიახლით დაასრულა - ასოციაციამ 612 ფერმერზე აიღო UTZ/Rainforest Alliance, ხოლო 195 ფერმერზე - ევროკავშირში აღიარებული ორგანული ჯგუფური სერტიფიკატები.
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კორონავირუსი
აფხაზეთის დე ფაქტო რესპუბლიკაში ჩოვიდ 19-სგან მოსახლეობის დაცვის მიზნით შექმნილი ოპერატიული შტაბის ინფორმაციით, ბოლო დღე - ღამის განმავლობაში აფხაზეთში 161 ადამიანი გამოიკვლიეს
სამეგრელო-ზემო სვანეთის სამხარეო ადმინისტრაციის ინფორმაციით, ამ დროისთვის სამეგრელოს კოვიდმიმღებ კლინიკებში 106 ადამიანი მკურნალობს,
ბოლო 24 საათში ქვეყნის მასშტაბით კორონავირუსზე 34 933 ადამიანი გამოიკვლიეს და დადასტურდა ინფიცირების 373 ახალი შემთხვევა.
საზოგადოება

სატრანსპორტო საშუალების ძველი ნიმუშის სახელმწიფო სანომრე ნიშანს იურიდიული ძალა უნარჩუნდება 2021 წლის 31 მარტის ჩათვლით.

ქვეყანაში ეპიდსიტუაციის გაუმჯობესების გათვალისწინებით, 12 თებერვლიდან ნატახტარიდან მესტიისა და ამბროლაურის აეროპორტების მიმართულებით და პირიქით შიდა ფრენები განახლდა.
მთავრობის ადმინისტრაცია შეზღუდვების შემსუბუქებასთან დაკავშირებით დეტალურ ინფორმაციას ავრცელებს. საკოორდინაციო საბჭოს მიერ მიღებული გადაწყვეტილებით:
დღის სიახლეები
27 / თებერვალი 2021
სახელმწიფო ინსპექტორის სამსახურის საგამოძიებო დეპარტამენტმა ზუგდიდში დევნის ოპერაციის მიმდინარეობისას, შინაგან საქმეთა სამინისტროს თანამშრომლების მიერ იარაღის
27 / თებერვალი 2021
"საქართველოს რკინიგზის" ინფორმაციით, 27 თებერვლიდან თბილისი-ზუგდიდის და თბილისი-ფოთის მიმართულებით მოძრაობა განახლდა. პანდემიის გამო დაწესებული შეზღუდვების გამო, ჯერჯერობით,
27 / თებერვალი 2021
აფხაზეთის დე ფაქტო რესპუბლიკაში ჩოვიდ 19-სგან მოსახლეობის დაცვის მიზნით შექმნილი ოპერატიული შტაბის ინფორმაციით, ბოლო დღე - ღამის განმავლობაში აფხაზეთში 161 ადამიანი გამოიკვლიეს
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 1 °C
img
სოხუმი 4 °C
img
ფოთი 3 °C
img
მესტია -5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.