ТОЧКИ СОПРИКОСНОВЕНИЯ
Covid-19: აფხაზი სტუდენტები მზარდი პანდემიის პირობებში 
19 ნოემბრის მონაცემებით, აფხაზეთში  კორონავირუსით ინფიცირების შემთხვევათა საერთო რაოდენობამ 5200 - ს გადააჭარბა. ოპერატიული შტაბის მონაცემებით, ბოლო დღე - ღამის განმავლობაში, კიდევ ერთი, 65 წლის პაციენტი გარდაიცვალა.

Covid 19 - ის შემთხვევათა მკვეთრი ზრდის ფონზე, უმაღლეს სასწავლებლებში სასწავლო პროცესი გრძელდება, თუმცა, ლექციები შეზღუდული გრაფიკით ტარდება. აფხაზეთის უნივერსიტეტის ერთ - ერთი კათედრის დოცენტის ირინა აგრბას თქმით, პანდემიის გამო, ნორმალური პირობები, სტუდენტებსა და პროფესორ მასწავლებლებს შორის ნორმალური კომუნიკაციისთვის ამ ეტაპზე არ აქვთ. თუმცა, 17 ნოემბერს, აუდიტორიაში, მოკრძალებულად, მაგრამ მაინც აღინიშნა სტუდენტთა საერთაშორისო დღე.
სტუდენტების ნაწილი თვლის, რომ დისტანციური სწავლის რეჟიმი, უარყოფითად აისახა მათ ცხოვრებაზე.

"სერიოზული ცვლილებები მოხდა, პანდემიის პირველი ტალღის დროს, ძალიან რთული აღმოჩნდა ადაპტირება, ჩვენ ვერ ვესწრებოდით ლექციებს და ხდებოდა ონლაინ სწავლებაზე გადაწყობა, რაც რთული იყო, როგორც ჩვენთვის, ასევე ლექტორებისთვის. რა თქმა უნდა იყო პრობლემები ინოვაციური ტექნოლოგიის ათვისებასთან დაკავშირებით, ჩემთვის პირადად, ძალიან მნიშვნელოვანია უნივერსიტეტში მისვლა და ლექციებზე დასწრება. იზოლაციის დროს მე გამიჭირდა მასალის სრულყოფილად ათვისება, ახლა უკვე კვირაში ორჯერ დავდივართ და ვესწრებით მეცადინეობებს, ეს პრიორიტეტულია ჩემთვის", - ამბობს აფხაზი სტუდენტი ასტანდა კიუტი. ახალგაზრდების ნაწილი კი აღნიშნავს, რომ დისტანციურ სწავლებას გარკვეული უპირატესობებიც აქვს.

"დადებითი მხარეც აქვს ამას, კვირაში ორჯერ გვიწევს უნივერსიტეტში მისვლა, სახლში სამუშაოდ გაცილებით მეტი დრო გვრჩება, რა თქმა უნდა, მინუსიც ბევრია, მოკლებულები ვართ ლექტორებთან, თანაკურსელებთან უშუალო ურთიერთობას, იმედი მაქვს ეს ყველაფერი მალე დასრულდება, და დავუბრუნდებით სწავლის ტრადიციულ, კლასიკურ მეთოდს", - ამბობს მესამეკურსელი თამარა ჩაჩბა.
არიან ისეთებიც, ვისაც, გარკვეული ფობიები გაუჩნდა  ვირუსის გავრცელების გამო.

"ახლა პანდემიის დროს, ბევრი აკრძალვაა დაწესებული, რომელთა გამო, ჩვენ უნივერსიტეტში ვერ ვიკრიბებით, ზოგიერთ სტუდენტს დაინფიცირების ეშინია და თავს იკავებს მოსვლისგან, ასეთს ბევრს ვიცნობ, ისინი გარეთაც არ გადიან", - ყვება მაგისტრანტი დიმიტრი დიაბა. მიუხედავად ამ სირთულეებისა, სტუდენტები და პროფესორ - მასწავლებლები იმედს არ კარგავენ, რომ საუნივერსიტეტო ცხოვრება მალე დაუბრუნდება ჩვეულ რეჟიმს.

"პანდემიაა, ბევრი ვერ მოდის, ვიღაცამ უკვე გადაიტანა დაავადება, თუმცა, მიუხედავად ყველაფრისა, ჩვენ ვაგრძელებთ აუდიტორიაში მუშაობას, სტუდენტობა საუკეთესო ხანაა და ამ უნივერსიტეტის კედლებში, იყო და მალე ისევ იქნება სრულყოფილი სტუდენტური ცხოვრება", - დარწმუნებულია ისტორიის ფაკულტეტის დეკანი ალიკ გაბელია.
20 ნოემბერს ჯანდაცვის მინისტრმა თამაზ ცახნაკიამ განაცხადა, რომ კორონავირუსის გამო დაწესებული შეზღუდვები 24 ნოემბრის შემდეგაც გაგრძელდება. მისივე თქმით, საბოლოო გადაწყვეტილებას მოსახლეობის კორონავირუსისგან დაცვის მიზნით შექმნილი ოპერატიული შტაბი მიიღებს.

ცახნაკიას პროგნოზით, საგანმანათლებლო დაწესებულებებისთვის კარანტინი იანვრის შუა რიცხვებამდე გაგრძელდება, ასევე, მოსალოდნელია სხვა რეგულაციების გამკაცრებაც.

დამატებითი შეზღუდვები, კორონავირუსის შემთხვევების მკვეთრ ზრდასთან დაკავშირებით, აფხაზეთში 15 ოქტომბრიდან 24 ნოემბრის ჩათვლით ამოქმედდა. ამ რეგულაციების თანახმად, რესპუბლიკაში იკრძალება მასობრივი ღონისძიებების ჩატარება, კულტურული და საგამოფენო ცენტრების ფუნქციონირება. ასევე, არ მოქმედებენ სკოლამდელი სააღმზრდელო და საგანმანათლებლო დაწესებულებები. იკრძალება სპა და მასაჟის სალონების, საუნების მუშაობა.

შეზღუდვები მოქმედებს საზოგადოებრივ ტრანსპორტშიც. მოქალაქეებს რეკომენდაცია ეძლევათ საზოგადობრივი თავშეყრის ადგილებში ატარონ სამედიცინო პირბადეები, დაიცვან ჰიგიენის შესაბამისი ნორმები და სოციალური დისტანცია.


მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.

Print Email
FaceBook Twitter
რ ე კ ლ ა მ ა
ტერაბანკი გრძელვადიანი სტუდენტური სესხის შეთავაზებას აგრძელებს.
2020 წელი მეთხილე ფერმერთა ასოციაცია "კავკასნათმა" მნიშვნელოვანი სიახლით დაასრულა - ასოციაციამ 612 ფერმერზე აიღო UTZ/Rainforest Alliance, ხოლო 195 ფერმერზე - ევროკავშირში აღიარებული ორგანული ჯგუფური სერტიფიკატები.
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კორონავირუსი
აფხაზეთის დე ფაქტო რესპუბლიკაში ჩოვიდ 19-სგან მოსახლეობის დაცვის მიზნით შექმნილი ოპერატიული შტაბის ინფორმაციით, ბოლო დღე - ღამის განმავლობაში აფხაზეთში 161 ადამიანი გამოიკვლიეს
სამეგრელო-ზემო სვანეთის სამხარეო ადმინისტრაციის ინფორმაციით, ამ დროისთვის სამეგრელოს კოვიდმიმღებ კლინიკებში 106 ადამიანი მკურნალობს,
ბოლო 24 საათში ქვეყნის მასშტაბით კორონავირუსზე 34 933 ადამიანი გამოიკვლიეს და დადასტურდა ინფიცირების 373 ახალი შემთხვევა.
საზოგადოება

სატრანსპორტო საშუალების ძველი ნიმუშის სახელმწიფო სანომრე ნიშანს იურიდიული ძალა უნარჩუნდება 2021 წლის 31 მარტის ჩათვლით.

ქვეყანაში ეპიდსიტუაციის გაუმჯობესების გათვალისწინებით, 12 თებერვლიდან ნატახტარიდან მესტიისა და ამბროლაურის აეროპორტების მიმართულებით და პირიქით შიდა ფრენები განახლდა.
მთავრობის ადმინისტრაცია შეზღუდვების შემსუბუქებასთან დაკავშირებით დეტალურ ინფორმაციას ავრცელებს. საკოორდინაციო საბჭოს მიერ მიღებული გადაწყვეტილებით:
დღის სიახლეები
27 / თებერვალი 2021
სახელმწიფო ინსპექტორის სამსახურის საგამოძიებო დეპარტამენტმა ზუგდიდში დევნის ოპერაციის მიმდინარეობისას, შინაგან საქმეთა სამინისტროს თანამშრომლების მიერ იარაღის
27 / თებერვალი 2021
"საქართველოს რკინიგზის" ინფორმაციით, 27 თებერვლიდან თბილისი-ზუგდიდის და თბილისი-ფოთის მიმართულებით მოძრაობა განახლდა. პანდემიის გამო დაწესებული შეზღუდვების გამო, ჯერჯერობით,
27 / თებერვალი 2021
აფხაზეთის დე ფაქტო რესპუბლიკაში ჩოვიდ 19-სგან მოსახლეობის დაცვის მიზნით შექმნილი ოპერატიული შტაბის ინფორმაციით, ბოლო დღე - ღამის განმავლობაში აფხაზეთში 161 ადამიანი გამოიკვლიეს
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 1 °C
img
სოხუმი 4 °C
img
ფოთი 3 °C
img
მესტია -6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.