ТОЧКИ СОПРИКОСНОВЕНИЯ
გაძვირებული სურსათი და მედიკამენტები აფხაზეთში - როგორ აისახა პანდემია ფასებზე (ფოტო/აუდიო)
პანდემიის შედეგად აფხაზეთში მკვეთრად გაიზარდა ფასები სხვადასხვა პროდუქციაზე, მათ შორის მედიკამენტებზე, განსაკუთრებით იმ პრეპარატებზე, რომლებიც კოვიდის სამკურნალოდ ინიშნება. ფარმაცევტები ამბობენ, რომ 2020 წლის ოქტომბერთან შედარებით ისინი ორჯერ გაძვირდა, რაც მათივე თქმით, რუსეთიდან შემოსული პრეპარატების შესასყიდი ფასის ზრდას უკავშირდება. "რუსეთში ფასი გაიზარდა და შესაბამისად, აქაც მოიმატა, ყველაფერი ხომ იქიდან შემოდის, პრეპარატების ნაწილი რუსეთშიც ევროპიდან შედის", - ამბობს სოხუმის ერთ-ერთი აფთიაქის თანამშრომელი.

ადგილობრივი მცხოვრებლები კი იმას უჩივიან, რომ მათ აფთიაქებში ყოველდღე სხვადასხვა ფასი ხვდებათ. "წამლების ფასი ფაქტობრივად ყოველდღე იზრდება, ყოველ ჯერზე, როდესაც ვყიდულობ, განსხვავებული ფასია სხვადასხვა აფთიაქში, თან დღითიდღე ძვირდება", - ამბობს ქალაქის მცხოვრები შუა ხნის ქალი.

ბოლო ერთი წლის განმავლობაში ფასებმა საგრძნობლად იმატა სურსათზეც, განსაკუთრებით აფხაზეთში ყველაზე მოთხოვნად პროდუქტებზე - გაძვირდა ყველი, ხორცი, თხილი და ლობიო. "ადრე ყველი 300 რუბლი ღირდა, ახლა 500 ღირს, ხორცი - 400 რუბლია, კარტოფილიც კი გაძვირდა", - ამბობს სოხუმელი მამაკაცი.  

ფასების ზრდა ყველაზე მძიმედ პენსიონერებს დააწვა. ზოგიერთი მათგანი რუსულ პენსიას იღებს, რაც საშუალოდ, 10 ათას რუბლს შეადგენს, თუმცა, მიუხედავად ამისა, სრულფასოვანი სასურსათო კალათა არც მათთვის არის ხელმისაწვდომი.
1059fm · მამაკაცი რუსული პენსიით
"მე რუსული პენსია მაქვს, თუმცა, ის არ იცვლება, 10 ათასი რუბლია, აი, ახლა მეუღლემ 2 ათასი რუბლის პროდუქტი მოიტანა და ორ დღესაც არ გვყოფნის", - ამბობს აფხაზი პენსიონერი.

ის მოქალაქეები, რომლებიც აფხაზურ პენსიას იღებენ, რაც საშუალოდ 1500 რუბლია, შვილების და ნათესავების დახმარების იმედად არიან. "მე მხოლოდ აფხაზურ პენსიას ვიღებ, რუსული არ მაქვს. პენსიონერებს გვეუბნებიან, მუშაობა არ შეიძლებაო, მაგრამ, როდესაც 500 რუბლი გაქვს პენსია, იძულებული ხარ იმუშაო, რომ წამლები იყიდო, ამიტომ, შვილებიც მეხმარებიან, რძალიც, არ მინდა მათ ხელი შევუშალო, მაგრამ სხვა გზა არ მაქვს", - ამბობს პენსიონერი ქალი.

პროდუქტებზე ფასის მატებას ინფლაციით და საბითუმო ბაზარზე საქონლის გაძვირებით ხსნიან ბაზარში მოვაჭრეები, თუმცა, მათი თქმით, ამას პანდემიის გამო დაწესებული მუშაობის გრაფიკიც დაემატა. შეზღუდვების პერიოდში აფხაზეთში ბაზრები კვირაში მხოლოდ სამჯერ მუშაობდა, რამაც დამატებითი პრობლემები შეუქმნა და მწირი შემოსავალი კიდევ უფრო შეუმცირდათ. "რაღაცას გავყიდი, მერე გავრბივარ სახლში, რომ ოჯახი დავაპურო, ბაზარი რომ დახურეს სამი დღით, ადამიანებს გაუჭირდათ ძალიან, იყვნენ ისეთებიც, რომ ამ სამ დღეში ზოგჯერ ვერაფერსაც ვერ გამოიმუშავებდნენ", - ყვება სოხუმის ბაზრის ერთ-ერთი მოვაჭრე.

პანდემია, მეტნაკლებად, ყველა სფეროზე უარყოფითად აისახა. მოსახლეობის ნაწილმა, საუკეთესო შემთხვევაში, ძველი  შემოსავლის შენარჩუნება შეძლო, თუმცა უმრავლესობას ის შეუმცირდა. უმუშევრობა, ყველაზე ნაკლებად საჯარო მოსამსახურეებს შეეხო,  თუმცა, ისინიც ამ პერიოდში, დანამტებისა და პრემიების გარეშე დარჩნენ.

აფხაზეთში კორონავირუსის გამო დაწესებული შეზღუდვების ნაწილი 15 თებერვლიდან მოიხსნა, ნაწილის მოხსნას  ხელისუფლება 10 მარტიდან გეგმავს.

მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 13 °C
img
სოხუმი 15 °C
img
ფოთი 13 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.