ТОЧКИ СОПРИКОСНОВЕНИЯ
განახლებული სასწავლო პროცესი, ამუშავებული რესტორნები და თეატრები - შეზღუდვების შემსუბუქება აფხაზეთში (ფოტო/აუდიო)
22 თებერვლიდან აფხაზეთში კიდევ რამდენიმე აკრძალვა მოიხსნა. ამ კვირაში, ხანგრძლივი კარანტინის შემდეგ, სკოლებს დაუბრუნდნენ 5-11 კლასები მოსწავლეები. ვირუსის გავრცელების მაქსიმალურად შემცირების მიზნით, უმცროსი და უფროსი საფეხურის მოსწავლეები შენობაში სხვადასხვა შესასვლელიდან შედიან. მათ სკოლის ექიმი ან ექთანი მეთვალყურეობს, საეჭვო სიმპტომების გამოვლენის შემთხვევაში, ბავშვის იზოლირება ხდება. გარდა ამისა, ყოველდღიურად ტარდება სადეზინფექციო სამუშაოები. "თუკი არის ნიშნები იმისა, რომ ბავშვი გაციებულია, თვალები უცრემლიანდება, მას გავარიდებთ ცალკე ოთახში და შემდეგ ვიძახებთ მშობლებს". 

"ყოველ დღე გაკვეთილების შემდეგ, მერხებს და იატაკებს ვამუშავებთ სადეზინფექციო ხსნარით, რომ ბავშვები დამუშავებულ კლასებში შევიდნენ, ყველფერს ვაკეთებთ ჩვენი ბავშვებისთვის", - ამბობენ სოხუმის მეორე სკოლაში. ვირუსის პრევენციის მიზნით, სკოლების დიდი ნაწილი ორ ცვლაში მუშაობს, მოსწავლეები მერხთან თითო - თითოდ სხედან.

"ჩვენ ოთხი გასახდელი გვაქვს, უფროსკლასელების გასახდელიც ავამოქმედეთ, რომ ბავშვები ნაკლებად გადაიკვეთონ, შესვენებაზე, ამას ვერ ავცდებით რა თქმა უნდა, მაგრამ, ძირითადად, ვცდილობთ ყველა რისკი მინიმუმამდე დავიყვანოთ",  - ამბობს ქალაქის მეორე სკოლის დირექტორი ირინა პოვირსკერი. მოსწავლეების თქმით, საკარანტინო პაუზა იმდენად გაიწელა, რომ ისინი სიხარულით დაბრუნდნენ საკლასო ოთახებში.

"დიახ, ძალიან მენატრებოდა კლასელები, სკოლაც, სწავლაც, იმიტომ, რომ სახლში ძალიან მოვიწყინე, გახარებული ვარ ამ ამბებით". "მართალი გითხრათ, ძალიან მომენატრა, რადგან ონლაინ - გაკვეთილები იყო და დავალებაც იმაზე მეტი გვქონდა, ვიდრე სკოლაში... მალე გამოცდები გვეწყება და სკოლაში უფრო ადვილი იქნება მომზადება, ვიდრე სახლში".

მიუხედავად იმისა, რომ კარანტინის პირობებში გაკვეთილები ონლაინ - რეჟიმში ტარდებოდა, პედაგოგებმა სასწავლო პროგრამა იმ ადგილიდან განაახლეს, სადაც კარანტინამდე შეჩერდნენ. ისინი აღნიშნავენ, რომ სკოლაში დაბრუნება ყველაზე მეტად პირველკლასელებს გაუჭირდათ, რადგან სასწავლო წელი მათთვის, ფაქტიურად ახლა დაიწყო. "შევხვდით პატარებს, ზოგიერთი მათგანი ტიროდა კიდეც, უკვე დაავიწყდათ, თუ როგორ უნდა ისხდნენ მერხებთან. მასწავლებლებთან მათი შეხვედრაც საკმაოდ ემოციური იყო. ისეა, თითქოს პირველ სექტემბერია, ჩათვალეთ, რომ სასწავლო პროცესი თავიდან დავიწყეთ",  - ამბობს დაწყებითი კლასის მასწავლებელი.  

სკოლები გარდა ამ კვირაში ამოქმედდა კაფე - რესტორნები, ასევე გაიხსნა კულტურის რამდენიმე დაწესებულება, მათ შორის რუსული დრამატული თეატრი. მისი გენერალური დირექტორი ირაკლი ხინთბა, რომელიც მანამდეც მოითხოვდა თეატრის გახსნას, ამბობს, რომ ბილეთებზე მოთხოვნა იმაზე მიუთითებს, რომ მაყურებელი დიდი ხანია სპექტაკლებს ელოდება. "ჩვენ აქტიურად ვმუშაობთ, ჩვენ ბევრი პრემიერა გვაქვს, ასევე -  მიმდინარე რეპერტუარი. რაც მთავარია, მაყურებლის ინტერესია იმდენად დიდია, რომ თებერვალში ბილეთების გაყიდვების გაზაფხულის დონეს უტოლდება", - აღნიშნა ხინთბამ.

ამ დღეებში, ასევე გაიხსნა სოხუმის ცენტრალური საგამოფენო დარბაზი, სადაც უკვე მეორე მეორე გამოფენა იმართება.          

სოხუმის სკოლების განრიგი, ჯერჯერობით, მხოლოდ 10 მარტამდეა გაწერილი, რადგან, შეზღუდვები სწორედ ამ დრომდეა დაწესებული. მათი შემდგომი შემსუბუქების ან გამკაცრების შესახებ მთავრობა გადაწყვეტილებას ეპიდვითარებიდან გამომდინარე მიიღებს.


მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.
Print Email
FaceBook Twitter
რ ე კ ლ ა მ ა
რუხის რესპუბლიკურმა საავადმყოფომ, ჩეხეთის განვითარების სააგენტოს ახალი ინიციატივის ”Tied Financial Donation”-ის ფარგლებში, ჩეხური სამედიცინო აპარატურა მიიღო.
ზუგდიდის მუნიციპალიტეტში, პანდემიის მიუხედავად, რეგულაციების სრული დაცვით, ინფრასტრუქტურული სამუშაოები აქტიურად მიმდინარეობს.
ზუგდიდის მუნიციპალიტეტის ყულიშკარის ადმინისტრაციულ ერთეულში, სამაქაცარიოს უბანში, წმინდა გიორგის სახელობის ეკლესიამდე მისასვლელი საავტომობილო გზის რეაბილიტაციის მეორე ეტაპი დაიწყო.
კორონავირუსი
აფხაზეთის დე ფაქტო რესპუბლიკაში 340 ადამიანი გამოიკვლიეს და მათგან 78 -ს კორონავირუსი დაუდასტურდა. ოპერატიული შტაბის მონაცემებით, კიდევ ერთი პაციენტი
Stopcov.ge-ზე გამოქვეყნებული ინფორმაციის თანახმად, ბოლო 24 საათში გამოვლინდა ვირუსით ინფიცირების 1 792 ახალი დადასტურებული შემთხვევა.
გასული დღე-ღამის განმავლობაში ქვეყნის მასშტაბით კორონავირუსზე 9 750 ადამიანი გამოიკვლიეს და გამოვლინდა ინფიცირების 578 ახალი შემთხვევა.
საზოგადოება
წალენჯიხის #3 საჯარო სკოლის მოსწავლეებმა "დედა ენის" დღესთან დაკავშირებით ნახატები გამოფინეს.
ეკონომიკისა და მდგრადი განვითარების მინისტრის განცხადებით, ანაკლიის პორტის პროექტი საქართველოსთვის ეკონომიკურად, სტრატეგიულად და პოლიტიკურად მნიშვნელოვანია.
CNN-ის მიერ დასახელებულ მსოფლიოს 20 საუკეთესო წვნიანს შორის ქართული ხარჩოც მოხვდა. კერძის აღწერაში ვკითხულობთ, რომ ტყემალი ტრადიციულ წვნიანს უფრო გემრიელ არომატს სძენს.
დღის სიახლეები
20 / აპრილი 2021
რუხის რესპუბლიკურმა საავადმყოფომ, ჩეხეთის განვითარების სააგენტოს ახალი ინიციატივის ”Tied Financial Donation”-ის ფარგლებში, ჩეხური სამედიცინო აპარატურა მიიღო.
20 / აპრილი 2021
გენდერის ფაქტორზე საუბრისას, ხშირად გულისხმობენ ქალთა უფლებების დაცვას. რა თქმა უნდა, ეს მნიშვნელოვანი კომპონენტია, მაგრამ ”გენდერის” ცნება გაცილებით ფართოა.
20 / აპრილი 2021
ზუგდიდის სოფელ ჭითაწყარში ავტოსაგზაო შემთხვევის შედეგად 2 ქალი დაშავდა. თვითმხილველების ინფორმაციით, ერთმანეთს ორი მსუბუქი მანქანა შეეჯახა.
მთავარი საინფორმაციო გამოშვება
არქივი
ამინდი
ზუგდიდი 12 °C
img
სოხუმი 12 °C
img
ფოთი 13 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.