ТОЧКИ СОПРИКОСНОВЕНИЯ
კლასებში დაბრუნებული ბავშვები - მედიკოსების მოწოდება და მიმდინარე ეპიდვითარება აფხაზეთში (ფოტო/აუდიო)
რთული ეპიდვითარების მიუხედავად, 1 სექტემბერს აფხაზეთის სკოლებში სასწავლო პროცესი განახლდა. განათლების სამინისტროს გადაწყვეტილებით, წელს კლასები არ დაიყოფა, თუმცა, საკლასო ოთახში მოსწავლეების რაოდენობა 25-ს არ უნდა აღემატებოდეს. "პირველი, რასაც ვითხოვთ, რომ მშობლები გაგებით მოეკიდონ, პედაგოგებსაც აკისრიათ პასუხისმგებლობა, ბავშვები, დილიდან ტემპერატურის გაზომვის, ხელების დამუშავების შემდეგ მიდიან გაკვეთილებზე, სველი წესით ოთახების დალაგება ასევე ძალაში რჩება", - ამბობს სოხუმის ადმინისტრაციის განათლების დეპარტამენტის უფროსი ასტანდა ტარკილი.

სოხუმის მთავარი სანიტარული ექიმი ალა ბელიაევა მშობლებს მოუწოდებს, მაქსიმალური პასუხისმგებლობით მიუდგნენ არსებულ ვითარებას, რადგან მისი თქმით, სწორედ ამაზეა დამოკიდებული, უწყვეტად გაგრძელდება თუ არა სასწავლო პროცესი საკლასო ოთახებში. "გასულ წელს, სამწუხაროდ გვქონდა ისეთი შემთხვევები, როდესაც მშობლები დაავადებულ ბავშვებს უშვებდნენ სკოლაში, რითაც რისკის ქვეშ აყენებდნენ მთელ კლასს და მათ შორის, მასწავლებლებს. ავადმყოფმა ბავშვმა სრულ გამოჯანმრთელებამდე სკოლაში არ უნდა იაროს", - ამბობს ის.

ჯანდაცვის სამინისტრო მასწავლებლებს მოუწოდებს აიცრან, თუმცა, აფხაზეთში ვაქცინაცია სავალდებულო ხასიათს არ ატარებს. ამ ეტაპზე მოქალაქეებისთვის ხელმისაწვდომია რუსული ვაქცინა "სპუტნიკ ლაითი", რომლის 5 000 ათასი დოზა, ბიზნესმენმა ბესლან აგრბამ შეიძინა. ამავე ინფორმაციით, ამ დროისათვის, ვაქცინის მხოლოდ ნახევარია ათვისებული. სპეციალისტები თვლიან, რომ სასურველია, ის პირებიც აიცრან, ვინც ახლახან გადაიტანა კორონავირუსი. "ჩვენთან საკმაოდ ბევრი დაავადდა პანდემიის დასწყისში. ანუ, ეს იყო 2020 წლის ივლისი, აგვისტო სექტემბერი და ასე შემდეგ... და უკვე ათეულობით რეინფიცირების შემთხვევა  გვაქვს. "სპუტნიკ ლაითი" კარგად მუშაობს, მათ შორის, მისი გაკეთება დასაშვებია იმ პირებისთვისაც, ვინ ცოტა ხნის წინ გამოჯანმრთელდა კორონავირუსისგან", - ამბობს ალა ბელიაევა.

ბოლო მონაცემებით, აფხაზეთში დღე-ღამეში ინფიცირების ასამდე და გარდაცვალების ორიდან ხუთამდე შემთხვევა ფიქსირდება, რაც საკმაოდ მაღალი მაჩვენებელია. თუმცა, სამედიცინო დაწესებულებებზე, მათ შორის გუდაუთის და სოხუმის ინფექციური საავადმყოფოებზე დატვირთვა, რუსული სამხედრო საველე ჰოსპიტალის გახსნის შემდეგ, საგრძნობლად შემცირდა. "სავალე ჰოსპიტალს დღეში, საშუალოდ, 10-მდე პაციენტი მიმართავს. მათ შორის, მძიმე პაციენტებიც, თავდაპირველად, როგორც კი პაციენტების მიღება დავიწყეთ, 20-მდე ადამიანი მოგვმართავდა... არის მძიმე შემთხვევებიც, მათ რეანიმაციის განყოფილებაში ვათავსებთ, თუმცა, მეტწილად, საშუალო სიმძიმის პაციენტები შემოდიან, რომლთაც ინფექციურ ან თერაპიის განყოფილებაში ვაწვენთ, მდგომარეობის შესაბამისად", - თქვა მობილური ჰოსპიტალის უფროსმა აბდულმეჯიდ მაგომედოვმა.

გარდა ამისა, სექტემბრის დასწყისში, პანდემიით გამოწვეულ კრიზისთან დაკავშირებით, ევროკავშირმა აფხაზეთის სამედიცინო დაწესებულებებს, ჰუმანიტარული დახმარების მორიგი პარტია გადასცა. ტვირთი მიწოდებულია გუდაუთის, გალის, სოხუმის ინფექციური საავადმყოფოების და Covid 19-ის ამბულატორიული ცენტრის საჭიროებების გათვალისწინებით. ამჯერად, მასში შედის სამედიცინო დამცავი კომბინეზონები, ერთჯერადი სამედიცინო ხალათები, ბახილები, სამედიცინო ჩაჩები, ციფრული თერმომეტრები, პულსოქსიმეტრები, სადეზინფექციო ხსნარი ხელების და ზედაპირის დასამუშავებლად, ასევე, თხევადი საპონი.

პანდემიის დაწყებიდან დღემდე, აფხაზეთში კორონავირუსის 25 417 შემთხვევა აღირიცხა, გარდაიცვალა - 384, გამოჯანმრთელდა - 21 399 მოქალაქე.


მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.
Print Email
FaceBook Twitter
რ ე კ ლ ა მ ა
ტერაბანკი ბიზნესკლიენტებს ახალ სატარიფო პაკეტებს სთავაზობს და მათ სხვადასხვა საბანკო პროდუქტის მოსახერხებელი, შეღავათიანი პირობებით მიღების საშუალებას აძლევს.
ტერაბანკმა მცირე და საშუალო ბიზნესის დაფინანსებისთვის ევროპის საინვესტიციო ბანკისგან 6 მილიონი ევრო მიიღო. თანხა მთლიანად ამ სეგმენტის გაჯანსაღებასა და განვითარებას, COVID-19-ის პანდემიით გამოწვეული ზიანის შემცირებასა და სწრაფ რეაბილიტაციას მოხმარდება.
გიგა ოთხოზორიას დღეს 36 წელის შეუსრულდებოდა. სოფელ ხურჩაში ე.წ. აფხაზი მესაზღვრის მიერ მოკლული ოთხოზორიას საფლავი დღეს
კორონავირუსი
Stopcov.ge-ზე გამოქვეყნებული ინფორმაციის თანახმად, ბოლო 24 საათში გამოვლინდა ვირუსით ინფიცირების 3 436 ახალი დადასტურებული შემთხვევა.
სამეგრელო-ზემო სვანეთის სამხარეო ადმინისტრაციის ინფორმაციით, გასული დღე-ღამის განმავლობაში რეგიონის მასშტაბით კორონავირუსით 1 ადამიანი გარდაიცვალა.
ოპერატიული შტაბის ინფორმაციით, გასული დღე-ღამის განმავლობაში აფხაზეთში კორონავირუსზე ტესტირება 529 ადამიანს ჩაუტარდა და გამოვლინდა ინფიცირების 160 ახალი შემთხვევა.
საზოგადოება
გარემოს დაცვისა და სოფლის მეურნეობის სამინისტრომ ადრეულად გარდაცვლილი მეტყევის "სანდრო ურუშაძის პრემია 2021" ხობელ ბუნების დამცველს, სანდრო ნარსიას გადასცა.
საკოორდინაციო საბჭოს გადაწყვეტილებით, საბავშვო ბაღებსა და როგორც საჯარო, ისე კერძო სკოლებში, 4 ოქტომბერს სასწავლო პროცესი საკლასო ოთახებსა და აუდიტორიებში განახლდება,
ქართველმა მოჭადრაკემ, ნონა გაფრინდაშვილმა Netflix-ის უჩივლა, – ამის შესახებ ინფორმაციას „ნიუ იორკ თაიმსი“ ავრცელებს.
დღის სიახლეები
24 / ოქტომბერი 2021
სვანეთის გზაზე შუახნის მამაკაცს ეძებენ. გაუჩინარებული წალენჯიხის მკვიდრია და ოჯახის ინფორმაციით, ის მესტიის სოფელ ჭუბერში
24 / ოქტომბერი 2021
გარემოს ეროვნული სააგენტოს ცნობით, 25 ოქტომბერს დასავლეთ საქართველოში
24 / ოქტომბერი 2021
Stopcov.ge-ზე გამოქვეყნებული ინფორმაციის თანახმად, ბოლო 24 საათში გამოვლინდა ვირუსით ინფიცირების 3 436 ახალი დადასტურებული შემთხვევა.
გემრიელი ისტორიები
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 20 °C
img
სოხუმი 19 °C
img
ფოთი 14 °C
img
მესტია 0 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.