ТОЧКИ СОПРИКОСНОВЕНИЯ
ორსულობა და კორონავირუსი - აფხაზი მედიკოსები პანდემიისას მიღებულ გამოცდილებაზე და გამოწვევებზე
სოხუმელი მედიკოსების განცხადებით, პანდემიის პირობებში, ორსულობის და მშობიარობის მართვა ისევე, როგორც მთელს მსოფლიოში, საგანგებო რეჟიმში უწევთ, რადგან მომავალი დედებისთვის კორონავირუსთან დაკავშირებული რეკომენდაციების დაცვა განსაკუთრებით საყურადღებოა. მით უფრო, რომ მათ არ შეუძლიათ ვაქცინაციის პროცესში ჩართვა, რადგან ადგილობრივი მოსახლეობისთვის ხელმისაწვდომი რუსული ვაქცინები სპუტნიკ V და სპუტნიკ ლაითი ორსულთა ასაცრელად არ გამოიყენება.

მშობიარობამდე ყველა ორსულს კორონავირუსზე ტესტირება უტარდება, ანტიგენის სწრაფი, შემდეგ კი PCR  ტესტით. დადებითი პასუხის შემთხვევაში, მელოგინე პაციენტი გუდაუთის კოვიდ-კლინიკის სამშობიარო განყოფილებაში გადაჰყავთ. "სულ 2-3 ასეთი შემთხვევა გვქონდა, როდესაც აქ შემოყვანილებს კორონავირუსი დაუდასტურდათ, უნდა აღინიშნოს, რომ ანალიზების პასუხის მოლოდინში, ჩვენთან შემოყვანამდე, მათ 24 საათის განმავლობაში იზოლირებულ პალატაში ვათავსებთ", - ამბობს გუდაუთის კოვიდცენტრის სამშობიარო განყოფილების მთავარი ექიმის მოადგილე ბელა ფილია.

მისი თქმით, აფხაზი სპეციალისტები ორსულ კოვიდ - პაციენტებში დაავადების მართვისას  ჯანმრთელობის მსოფლიო ორგანიზაციის სტანდარტებით ხელმძღვანელობენ, ასევე რუსი კოლეგების გამოცდილებას ეყრდნობიან. "... ვხელმძღვანელობთ ჯანმოს რეკომენდაციებით და ასეთი პაციენტების მართვის მეთოდებით. რა თქმა უნდა, აქტიურად ვიზიარებთ რუსეთის ფედერაციის გამოცდილებას", - განმარტავს ფილია.

მისი თქმით, სამშობიაროში ან ქალთა კონსულტაციაში ორსულებს, პირველ რიგში, თერმოსკრინიგნი უტარდებათ,  მაღალი ტემპერატურის დაფიქსირების შემთხვევაში, კორონავირუსის გამორიცხვის მიზნით, კი - სწრაფი ტესტირება. "ტემპერატურა ჩვეულებრივ ახლავს სეზონურ დაავადებებს, ასევე, თირკმელთან დაკავშირებულ პრობლემებს , მაგრამ ამ მომენტის თავისებურება იმაში მდგომარეობს, რომ ჩვენ პირველ რიგში ვითხოვთ კოვიდზე ანალიზის ჩაბარებას. ნებისმიერი ტემპერატურის დაფიქსირებისა ორსულებში, სამშობიაროსა თუ ქალთა კონსულტაციაში, პირველ რიგში კოვიდს გამოვრიცხავთ", - ამბობს აფხაზი მედიკოსი.

აფხაზი ექიმები მიიჩნევენ, რომ პაციენტების უმრავლესობა, განსაკუთრებით ორსულები, დაავადებისგან მოსალოდნელ საფრთხეს ვერ აცნობიერებს. "ეს ანალიზი, ძალიან მნიშვნელოვანია, რადგან შემდეგი პროგნოზი და დაავადების მიმდინარეობა შეიძლება სრულიად განსხვავებული იყოს, რაც ყველას არ ესმის.  მთავარია, დაავადების დროული გამოვლენა და დროული ჰოსპიტალიზაცია", - ამბობს გინეკოლოგი ასიდა ჯიკირბა. 

ისინი მოუწოდებენ მოსახლეობას, დროულად მიმართონ სამედიცინო დაწესებულებებს და უარი თქვან თვითმკურნალობაზე.

ორსულთა დაინფიცირების რისკის შემცირების მიზნით, ექიმებს პაციენტების მიღება, როგორც კაბინეტში, ასევე ონლაინ უწევთ. "ქალთა კონსულტაცია სრული დატვირთვით მუშაობს და მიღება მიმდინარეობს როგორც ადგილზე, ასევე - ონლაინ. ძალიან დიდი სამუშაო ჩატარდა პანდემიის პერიოდში, ყველა ექიმი, მიღების საათები დასრულების შემდეგ, ონლაინ - კონსულტაციებს სახლიდან ატარებს ჩვენი ორსულებისთვის", - ამბობს ექიმი.

პანდემიის პერიოდში, ერთი ლეტალური შემთხვევაც დაფიქსირდა, კორონავირუსის გართულებების შედეგად, 23 წლის ფეხმძიმე ქალი გარდაიცვალა, რაც მედიკოსების თქმით, მეტწილად, პაციენტის დაგვიანებული მკურნალობის და ჰოსპიტალიზაციის შედეგია.

სოხუმში კორონავირუსით დაინფიცირებული ორსულების აღრიცხვა, ცალკე არ იწარმოება. ცნობილია მხოლოდ ის, რომ ხშირად, ფეხმძიმე ქალები სამკურნალოდ ან რუსეთში ან საქართველოში მიჰყავთ.


მასალა მომზადებულია გადაცემა "Точки соприкосновения"-ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.








Print Email
FaceBook Twitter
რ ე კ ლ ა მ ა
„სტრესთან ბრძოლის რესურსული მდგომარეობის ძიება“ ეს არის პირველი, პრეცედენტული ტრენინგის თემა ქუთაისში, რომელიც უკრაინელმა ფსიქოლოგებმა - მარინა სტეპანენკომ და ანა შალიმოვამ ჩაატარეს, ქალთა ფონდი „სოხუმის“ ორგანიზებით.
ქალთა ფონდმა „სოხუმმა“დასავლეთ საქართველოს 6 მუნიციპალიტეტში (ქუთაისი, წყალტუბო, ხონი, ზუგდიდი, სენაკი, წალენჯიხა) ქალებისა და ახალგაზრდების საჭიროებების შეფასების შესახებ ახალ კვლევაზე დაიწყო მუშაობა.
ოჯახში და ქალთა მიმართ ძალადობაზე ეფექტიანი რეაგირების, ინფორმაციის გაცვლისა და კოორდინაციისათვის პრიორიტეტული მნიშველობისაა ადგილობრივ დონეზე უწყებათაშორისი კომისიების ფუნქციონირება.
საზოგადოება
საქართველოს პატრიარქის 2023 წლის საშობაო ეპისტოლე გამოქვეყნდა, რომელსაც სრულად გთავაზობთ:
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
დღის სიახლეები
01 / თებერვალი 2023
ჟენევის საერთაშორისო დისკუსიების მომდევნო რაუნდის გადადების შესახებ ინფორმაცია ევროკავშირის სპეციალურმა წარმომადგენელმა სამხრეთ კავკასიაში ტოივო კლაარმა დაადასტურა. ჟენევის საერთაშორისო დისკუსიების
01 / თებერვალი 2023
წალენჯიხის მუნიციპალიტეტის მერის გია ხარჩილავას განცხადებით, ის „ერთიანი ნაციონალური მოძრაობის“ ახალ თავმჯდომარესა და ხელმძღვანელობასთან თანამშრომლობას აპირებს.
01 / თებერვალი 2023
გიორგი გაბელიასა და კიდევ 3 პირს, რომელიც ერთიანი ნაციონალური მოძრაობის წალენჯიხის ორგანიზაციის ფეისბუქ-გვერდს მართავდა, გვერდთან წვდომა შეეზღუდათ.
დილის ჩართვა
მთავარი საინფორმაციო გამოშვება
ჩვენი თვითმმართველობა
არქივი
«« თებერვალი 2023 »»
3031 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 12345
ამინდი
ზუგდიდი 6 °C
img
სოხუმი 5 °C
img
ფოთი 10 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.