ТОЧКИ СОПРИКОСНОВЕНИЯ
აფხაზი მედიკოსები მოსახლეობას ტვინდემიის შესახებ აფრთხილებენ და ანტიგრიპული აცრისკენ მოუწოდებენ
ნოემბრის დასაწყისში, აფხაზეთში კორონავირუსით ინფიცირების და გარდაცვალების მაჩვენებელმა პიკს მიაღწია. ბოლო კვირაში ყოველდღიურად 100-ზე მეტი ადამიანი ინფიცირდება. მიუხედავად ამისა, ხელისუფლება შეზღუდვების გამკაცრებას არ გეგმავს. ამ ფონზე აფხაზი მედიკოსები ახალ საფრთხეზე ტვინდემიაზე ალაპარაკდნენ, - მდგომარეობაზე, როდესაც ადამიანი სეზონური გრიპით და Covid 19-ით ერთდროულად ავადდება. გართულებების თავიდან ასაცილებლად, სპეციალისტები მოსახლეობას სეზონური გრიპის საწინააღმდეგო ვაქცინით აცრისკენ მოუწოდებენ. აფხაზეთში ამ ეტაპზე ხელმისაწვდომია რუსული პრეპარატი "გრიპოლი", რომელიც რესპუბლიკაში ოქტომბრის ბოლოს შეიტანეს. "ვაქცინის შემადგენლობაშია H1N1 გრიპის ვირუსის ანტიგენი, B გრიპის ვირუსის ანტიგენი და პოლიოქსიდონი, გართულებები და ჩივილები აქამდე არ გვქონია", - აღნიშნეს იმუნიზაციის პუნქტში.

პედიატრი ადა აბუხბა აღნიშნავს, რომ ბოლოს დროს საგრძნობლად იკლო აცრილი ბავშვებისა და მოზრდილების რიცხვმა, მიზეზად ის აფხაზეთში გააქტიურებულ ანტივაქსერულ პროპაგანდას ასახელებს. "ბოლო წლებში, ასეთი ანტივაქსერების ასეთი მძლავრი პროპაგანდის ზეგავლენის გამო, ჩვენთან აცრილთა რიცხვი მცირდება, ახლა კი არსებობს საფრთხე იმისა, რომ კოვიდ 19-ს სეზონური გრიპის ვირუსიც დაერთოს, ეს კი მნიშვნელოვნად გაართულებს დაავადების მიმდინარეობას, როგორც ბავშვებში, ასევე - მოზრდილებში", - ამბობს ექიმი.

თუმცა, ამასთან ერთად, სპეციალისტები აღნიშნავენ, რომ გაიზარდა კოვიდსაწინააღმდეგო ვაქცინით აცრის მსურველთა რიცხვი, რაც სავარაუდოდ, სოჭში დაწესებულ შეზღუდვებს უკავშირდება. კერძოდ, ნოემბრის პირველი რიცხვებიდან, რუსეთის ქალაქების ნაწილში, სავაჭრო ცენტრებში, კვების თუ გასართობ ობიექტებში, მოქალაქეები QR-კოდის წარდგენის გარეშე არ დაიშვებიან. ამ დღეებში ცნობილი გახდა, რომ QR-კოდის მიღება აცრილი მოქალაქეებისთვის აფხაზეთშიც იქნება შესაძლებელი, რაც მათ სოჭის სხვადასხვა საზოგადოებრივ ობიექტში შეუფერხებლად შესვლის შესაძლებლობას მისცემს. ჯანდაცვის სამინისტროს პორტალზე უკვე ხელმისაწვდომია QR-კოდის ფუნქცია, რაშიც უწყებას აფხაზეთში მოქმედი  ფიჭური კავშირგაბმულობის ერთ- ერთი კომპანია დაეხმარა. "ჩვენ უნდა ვიფიქროთ ჩვენს მოქალაქეებზე და გავამარტივოთ მათი კომუნიკაცია სახელმწიფოსთან, მათ შორის, თანამედროვე ტექნოლოგიების გამოყენებით, ისეთი პროცესების ავტომატიზაცია შევთავაზოთ, როგორიცაა სერტიფიკატების გაცემა", - აღნიშნა კომპანიის წარმომადგენელმა ბორის ბარციცმა.

ჯანდაცვის მინისტრის ედუარდ ბუთბას განცხადებით, აღნიშნული ფუნქციის გამოყენებას ისინი სამომავლოდაც გეგმავენ. მისი თქმით, შეიქმნება მოქალაქეების იმუნოლოგიური პროფილი, რომელიც აიტვირთება ჯანდაცვის სამინისტროს ვებ-პორტალზე. "მომავალში, როდესაც მონაცემთა ბაზას ავტვირთავთ ჯანდაცვის სამინისტრის პორტალზე, ის გაფართოვდება და დამატებითი ინფორმაციით შეივსება. ეს ეხება როგორც ბავშვების, ასევე მოზრდილების ვაქცინაციას, ანუ მომავალში ჩვენ გვინდა იმ დონეს მივაღწიოთ, რომ როდესაც მოქალაქე ამა თუ იმ სამედიცინო დაწესებულებას მიმართავს, საერთო ელექტრონული ბაზა არსებობდეს", - განმარტავს ის.

პანდემიის დაწყებიდან დღემდე, აფხაზეთში კორონავირუსის 33 013 შემთხვევა გამოვლინდა, გარდაიცვალა 482, გამოჯანმრთელდა 27 699 ადამიანი.


მასალა მომზადებულია გადაცემა "Точки соприкосновения"-ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.


Print Email
FaceBook Twitter
რ ე კ ლ ა მ ა
ჩეხეთის რესპუბლიკის კარიტასის ორგანიზებით, ზუგდიდში არსებული სკრინინგ ცენტრის 2 წლიანი საქმიანობის შედეგები შეაჯამეს.
ვაქცინაციისმხარდაჭერის მიზნით, სტუდენტური კამპანია - #ავიცრათერთმანეთისთვის იწყება.
ზუგდიდში, კოსტავას #7-ში სასწავლო ცენტრი "მესიაკონი" გაიხსნა, სადაც მე-6 კლასამდე მოსწავლეებს მიიღებენ. ცენტრის დირექტორის მაია რიგვავას თქმით,
კორონავირუსი
გასული დღე-ღამის განმავლობაში სამეგრელოს კოვიდკლინიკებში კიდევ 4 ადამიანი გარდაიცვალა. სამი მათგანი - 83 წლის სენაკელი მამაკაცი, ხობის მკვიდრი 80 წლის ქალი და 75 წლის მარტვილელი მამაკაცი
აფხაზეთში კორონავირუსით 111 ადამიანი დაინფიცირდა და 2 გარდაიცვალა. ინფორმაციას ოპერატიული შტაბი ავრცელებს. პაციენტები გუდაუთის კლინიკაში და სოხუმში
დაავადებათა კონტროლის ეროვნული ცენტრის სამეგრელო-ზემო სვანეთის განყოფილების ინფორმაციით, სახელმწიფოს მიერ შეძენილი გრიპის საწინააღმდეგო ვაქცინა ზუგდიდში რამდენიმე ლოკაციაზეა ხელმისაწვდომი.
საზოგადოება
გარემოს დაცვისა და სოფლის მეურნეობის სამინისტრომ ადრეულად გარდაცვლილი მეტყევის "სანდრო ურუშაძის პრემია 2021" ხობელ ბუნების დამცველს, სანდრო ნარსიას გადასცა.
საკოორდინაციო საბჭოს გადაწყვეტილებით, საბავშვო ბაღებსა და როგორც საჯარო, ისე კერძო სკოლებში, 4 ოქტომბერს სასწავლო პროცესი საკლასო ოთახებსა და აუდიტორიებში განახლდება,
ქართველმა მოჭადრაკემ, ნონა გაფრინდაშვილმა Netflix-ის უჩივლა, – ამის შესახებ ინფორმაციას „ნიუ იორკ თაიმსი“ ავრცელებს.
დღის სიახლეები
26 / ნოემბერი 2021
ჩეხეთის რესპუბლიკის კარიტასის ორგანიზებით, ზუგდიდში არსებული სკრინინგ ცენტრის 2 წლიანი საქმიანობის შედეგები შეაჯამეს.
26 / ნოემბერი 2021
ბოლო 24 საათში გამოვლინდა ვირუსით ინფიცირების 4 534 ახალი დადასტურებული შემთხვევა. ვირუსისგან გამოჯანმრთელდა
26 / ნოემბერი 2021
სამოქალაქო აქტივისტმა როსტომ ზარანდიამ, გუბერნიის გვერდით შენობაზე წარწერა - "უონჯღორე(ეფ)" (უსირცხვილო(ები). ქართ.) დატოვა. მას პოლიციამ წარწერის დასრულების უფლება არ მისცა
გემრიელი ისტორიები
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 7 °C
img
სოხუმი 9 °C
img
ფოთი 9 °C
img
მესტია -3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.