ანაკლიაში, Gem Fest-ის ტერიტორიაზე კლუბური ნარკოტიკების შენახვა-შეძენის ბრალდებით დაკავებულ ბაქარ ყორშიას ახალგაზრდა იურისტთა ასოციაციის ზუგდიდის ოფისის ხელმძღვანელი შეხვდა. ჯანო ჭკადუას თქმით, მას დაკავებულმა უთხრა, რომ სამართალდამცავებს არ უცემიათ. დაკავებული ამჟამად ზუგდიდში, სამხარეო პოლიციის შენობაში იმყოფება.

„ცემის ფაქტს არ ადასტურებს... მითხრა, რომ მას და სამართალდამცავებს შორის ადგილი ჰქონდა სიტყვიერ დაპირისპირებსა და დაკავებისას რამდენჯერმე მოხვდა მუშტი. ასევე თქვა, რომ დაკავების შემდეგ მასსა და სამართალდამცავებს შორის ნორმალური ურთიერთობა შედგება“, - თქვა "საიას" იურისტმა კანო ჭკადუამ.

ბაქარ ყორშია

მისივე ინფორმაციით, დაკავებული დანაშაულს, რაც დაკავების ოქმშია ასახული, არ აღიარებს.

„ბრალი ჯერ არ არის წაყენებული და როცა ეს მოხდება დეტალურად მოგაწვდით, თუ რა მოხდა რეალურად“, - აღნიშნა ჭკადუამ.

პოლიციელების მხრიდან ყორშიას ცემის ფაქტს კატეგორიულად უარყოფენ შინაგან საქმეთა სამინისტროში. უწყების ცნობით, „თეთრი ხმაურის მოძრაქობის“ წევრი სისხლის სამართლის კოდექსის 260-ე მუხლით არის დაკავებული, რაც ნარკოტიკული საშუალების უკანონოდ შეძენა- შენახვას გულისხმობს. დანიშნულია შესაბამისი ექსპერტიზაც.

ანაკლიაში, ”ჯემ ფესტის” მიმდებარე ტერიტორიაზე ”თეთრი ხმაურის მოძრაობის” ერთ-ერთი მხარდამჭერი ბაქარ ყორშია დააკავეს. ”თეთრი ხმაურის მოძრაობის” განცხადებით, "ბაქარ ყორშია შესაძლოა პოლიციელების მხრიდან ნაცემი იყოს".