„ერთიანი ნაციონალური მოძრაობა“ ემიჯნება ძალადობას და საკუთარი პარტიის წევრებს მოუწოდებს, არ აყვნენ პროვოკაციას. ამის შესახებ რადიო „ათინათს“ პარტიის ერთ-ერთმა ლიდერმა გიორგი ბოტკოველმა განუცხადა.

„მიუხედავად იმისა, რომ ჩვენ ვემიჯნებით ძალადობას, როცა საქმე ეხება მანდატის ქურდს თოლორაიას, მოვუწოდებთ საკრებულოს წევრებს, მაქსიმალურად თავი შეიკავონ და არ აყვნენ პროვოკაციას სუს-ის მხრიდან. ნებისმიერი ზუგდიდელი, ვინც პოლიტიკაში ოდნავ ერკვევა, დაგიდასტურებთ, რომ თოლორაიას მიერ პარტიის დატოვება და შემდეგ „ევროპულ საქართველოსთან“ ასოცირება სუს-ის მიერაა დაგეგმილი და ასეთი პროვოკაციები თოლორაის მეშვეობით კიდევ ბევრი იქნება“, - აღნიშნა ბოტკოველმა.



თავის მხრივ, პარტია „ევროპულ საქართველოში“ თვლიან, რომ დაპირისპირება "ნაციონალური მოძრაობის" დეპუტატების მიერ იყო პროვოცირებული. რადიო „ათინათს“ პარტიის ლიდერმა გიგა ბოკერიამ განუცხადა, რომ ისინი აღნიშნულთან დაკავშირებით სრულად იზიარებენ ბათლომე შელიას პოზიციას.