მულტიმედია
11 წელი ქართულ არმიაში - ჯარისკაცი ქალი ზუგდიდიდან (ვიდეო/ფოტო)
სენაკის მეორე ქვეითი ბრიგადის კაპრალი ზუგდიდელი თეა თორია 11 წელია ქართულ არმიაში მსახურობს. პროფესიით მედდას ჯარში წასვლის სურვილი რუსეთ-საქართველოს 2008 წლის ომის შემდეგ გაუჩნდა. ის მეუღლესთან და სამ მცირეწლოვან შვილთან ერთად სამხედრო დასახლებაში წლებია ცხოვრობს.

,,მივედი ჯარში და გამიმართლა, გასაუბრების შედეგად დამტოვეს. თავიდან საგურამოს სამედიცინო ბატალიონში ვიყავი და იქ 2 წელი დავრჩი. სენაკში უკვე ათი წელია ვმსახურობ",- ამბობს მეორე ქვეითი ბრიგადის უზრუნველყოფის ბატალიონის ლაზარეთის მედდა.

თეას მეუღლეც სამხედრო პირია. იაგო გიორგობიანი მეორე ქვეითი ბრიგადის უზრუნველყოფის ბატალიონის ოფიცერ-მაიორი s3 განყოფილების უფროსია. ის სამშვიდობო მისიით ავღანეთში იმყოფებოდა და სამშობლოში რამდენიმე თვის წინ დაბრუნდა. ერთმანეთი ჯარში გაიცნეს და მალევე იქორწინეს. მათ სამი შვილი, ორი ბიჭი და ერთი ქალიშვილი ყავთ. უფროსი შვიდი წლისაა, შუათანა ხუთის, უმცროსს კი ორი წელი უკვე შეუსრულდა.

“ზოგჯერ გვიან მიძახებენ სამსახურში, თუ ვიღაცას ჯანმრთელობის პრობლემები აქვს ან სასწრაფოდ გასაკეთებელია რამე. ჩემთვის ეს სირთულეს არ წარმოადგენს, თუმცა რომ არა ჩემი ოჯახის წევრები გამიჭირდებოდა, ისინი ძალიან მეხმარებიან. სამი პატარა ბავშვის მოვლა არ არის მარტივი საქმე. ძალიან მომწონს ჩემი არჩევანი, ოჯახის წევრებიც ამაყობენ, რომ სამხედრო ვარ,’’
– ამბობს თეა.

გადატვირთული საქმეების მიუხედავად ოჯახის საქმეების მოწესრიგებაში და ბავშვების აღზრდაში აქტიურად არის ჩართული. თავისუფალ დროს ძირითადად ბავშვებთან ატარებს.

,,მე და ჩემი მეუღლე ვასეირნებთ ბავშვებს, ვკითხულობთ წიგნებს, ვთამაშობთ მათთან ერთად, ფილმებს ვუყურებთ, ვცდილობთ მეტი დრო გავატაროთ მათთან ერთად. როცა ჩვენ სამსახურში ვართ ბავშვებს ბებია უვლის,’’ - გვყვება თეა.

იაგო გიორგობიანის და თეა თორიას შვილები - გიორგი, ნიკოლოზი, ბარბარე

მისი დღის განრიგი, ისევე როგორც მთელი ბატალიონის, დილის 6 საათზე იწყება. ერთსაათიანი ფიზიკური მომზადების შემდეგ, ქართული ჯარის ფორმას ირგებს, რომელიც მისთვის ყველაზე სასიამოვნო ვალდებულება და ამავდროულად დიდი პასუხისმგებლობაა.

39 წლის კაპრალი კარიერულ წინსვლაზე ფიქრობს და ამბობს, რომ უახლოეს მომავალში სამშვიდობო მისიით ავღანეთში წასვლას გეგმავს.





Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
28 / მარტი 2024
საქართველოს ეროვნული ნაკრების გამარჯვებას და მათ მიერ ევროპის ჩემპიონატზე თამაშის უფლების მოპოვებას სოციალური ქსელების აფხაზურ სეგმენტში განიხილავენ.
28 / მარტი 2024
სოფლის მეურნეობისა და გარემოს დაცვის მინისტრის ოთარ შამუგიას განცხადებით, მცირე ზომის სასოფლო-სამეურნეო ტექნიკის შეძენას მაღალმთიან დასახლებებში მცხოვრები პირები სახელმწიფოს 70 %-ის თანადაფინანსებით შეძლებენ.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 17 °C
img
სოხუმი 13 °C
img
ფოთი 12 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.