ახალი ამბები
„ღანდამ“და მზის ფორმის სარიტუალო ხაჭაპური სამეგრელოდან (ფოტო,ვიდეო)
საქართველოს გასტრონომიის ასოციაციამ, ტურიზმის ეროვნულ ადმინისტრაციასთან ერთად, სამეგრელოში გასტროტური მოაწყო და რამდენიმე ტურისტულ ლოკაციას ესტუმრა.

კულინარული ექსპედიციის ფარგლებში, ორგანიზატორები საოჯახო სასტუმრო „Casa de Khasia“-ში იმყოფებოდნენ. საგანგებოდ ამ დღისთვის მასპინძლებმა ძველი რეცეპტით ორი სხვადასხვა სახეობის - მეგრული, მზის ფორმის სარიტუალო და „ღანდამ“ (ღობიანი) ხაჭაპური დაამზადეს.

„დღეს აქ გავაცოცხლეთ „ღანდამ“ ხაჭაპური, ასევე საკურთხის ხაჭაპური, რომელსაც მზის ფორმა აქვს. სამეგრელოში ზოგადად მზის და რძის კულტია. თედო სახოკია წერს: „ჭყიშებთან“ (მწყემსებთან) ვიყავი, ვაკვირდებოდი მათ ცხოვრებას, როგორი დამოკიდებულება ჰქონდათ რძესთან. ვკითხე, რა სასწაულები ვართ ეს მეგრელებიო, რძეს და მზეს „ბჟას“ ვეძახითო. კარგა ხანს პასუხი არ გამცა მოხუცმა „ჭყიშმა“ და მერე მითხრა, ორივე ღმერთიაო, რძეც და მზეცო“. ამით ყველაფერი იყო ნათქვამი. რაც შეეხება „ღანდამ“ ხაჭაპურს, ღანდა მეგრულად ღობეა, ეს ორყველიანი მეგრული ხაჭაპურია. თხელი ვერ იქნება, რადგან შიგნით აქვს ჭყინტი ყველი, მწიფე, რომელიც მზადაა რომ სულუგუნი გაკეთდეს. ზემოდან უკეთდება ცომის ღობე და იქ იყრება უკვე სულუგუნი, არის ძალიან ნოყიერი, რასაკვირველია, საუკეთესო და საუცხოო“, - ჰყვება გასტრონომიის ასოციაციის დამფუძნებელი დალი ცატავა.

გასტროკულტურის მკვლევარი ამბობს, რომ ასეთი გზით დამზადებული ხაჭაპური უნიკალური და გამორჩეულია. მისი თქმით, ტურის ფარგლებში, სამეგრელოს ძირძველი ტრადიციებისა და რეცეპტების გაცოცხლებას გეგმავენ.
დალი ცატავა ყვება, რომ სამეგრელოს კულინარიულ წარსულში მნიშვნელოვანი ადგილი რძეს და მისგან წარმოებულ პროდუქტს უკავია. მან აღნიშნა, რომ მეგრელები საპატიო სტუმრისთვის გამორჩეულ კერძებს სწორედ რძის გამოყენებით ამზადებდნენ.

„განსაკუთრებულ სტუმარს ყველაფერს უხარშავდნენ რძეში. მაგალითად, „ხოზო კვარების“ დამზადება, ერთგვარი კლანური რიტუალი იყო. ამ კვარებს თვალის ფორმა აქვთ. ოჯახი, საგვარეულო იკრიბებოდა, ოჯახის უფროსი „საოხვამეროს“ (ლოცვას) ამბობდა, წარმოითქმებოდა საკრალური სიტყვები და ყველასთვის იხარშებოდა „ხოზო კვარები“. საპატიო სტუმრისთვის ხორციც რძეში იხარშებოდა, ხაჭაპურის ცომიც რძეში იზილებოდა. ასე რომ, მეგრელების გასტრონომიულ კულტურაში რძე და რძის კულტი ძალიან მნიშვნელოვანი ფიგურანტია“, - ამბობს ცატავა.

ის მიიჩნევს, რომ პატარა ერისთვის დამახასიათებელი რიტუალები და კერძები, სწორად მიწოდების შემთხვევაში ტურისტული თვალსაზრისით მიმზიდველი და მომგებიანია.

ასოციაციის ერთ-ერთი დამფუძნებელი ნანა დოლიძე თვლის, რომ ხაჭაპურის ტრადიცია მნიშვნელოვანია, როგორც ქვეყნის არამატერიალური კულტურული მემკვიდრეობის ძეგლის შენარჩუნება.

„ჩემი და ლევან ქოქიაშვილის ინიციატივით ვმუშაობთ ამაზე და ვფიქრობთ, რომ ხაჭაპურს იუნესკოზე წარვადგენთ. ამ ინიციატივის მთავარი საფუძველი იყო კვლევა, რომელიც შევქმენით 12 მეცნიერთან ერთად და უახლოეს პერიოდში ვგეგმავთ მის გამოქვეყნებას. დაახლოებით, 30 სახეობაზე მეტი ხაჭაპური არსებობს საქართველოში, მათ შორის, მნიშვნელოვან ნაწილს იკავებს მეგრული ხაჭაპური. არ არსებობს რეგიონი, რომელსაც თავისი ინდივიდუალური ხაჭაპური არ ექნება, რეგიონის სული არ იქნება ჩადებული თითოეულში. ძალიან დიდი ვარიაცია და მრავალფეროვნება გვაქვს და ეს ჩვენი სიამაყეა. ხაჭაპურს ბევრად ფართო მნიშვნელობა და შინაარსი აქვს ქართველი ერის ცხოვრებაში, ის მონაწილეობს რიტუალებში, მას აქვს სხვადასხვა საკრალური მნიშვნელობის დატვირთვა“, - ამბობს ნანა დოლიძე.

Casa de Khasia-ში „ღანდამ“ ხაჭაპური ნარაზენელმა ციცანა ქვარაიამ მოამზადა და რეცეპტიც გაგვანდო.

„ცომის მომზადებას სჭირდება ფქვილი, რძე, კარაქი და საფუარი. რომ მოვზილავ და ამოვა, გავაბრტყელებ, დავაყრი ყველს, შემოვკეცავ, შიგნით ჭყინტი ყველია. გახურებულ „ანგურაზე“(აგურზე) დავდებ, ზემოდან „ღანდას“ - ანუ ღობეს ვუკეთებ და შემდეგ სულუგუნს ვაყრი. ქვემოთ ფოთოლს ვუფენ, რომ არ მიიწვას, დავაყრი ნაკვერჩხალს და გამოცხვება ხაჭაპური. „ღანდამ“ ხაჭაპურს დედაჩემი აცხობდა, მისგან ვისწავლე და ხანდახან ვაცხობ“ , - ამბობს ცისანა ქვარაია.
ორგანიზატორები მიიჩნევენ, რომ ქვეყნის რეგიონალური სამზარეულოების გასტრონომიული მარშრუტების შექმნა და მონაცემების შეგროვება, არამატერიალური მემკვიდრეობის და კულტურული ფასეულობების შესახებ ცნობიერების ამაღლებას შეუწყობს ხელს. მათივე თქმით, გასტრონომიული კულტურა სრულიად შესაძლებელია რეგიონის საიმიჯო რესურსი გახდეს.

საქართველოს გასტრონომიის ასოციაციის და ტურიზმის ეროვნული ადმინისტრაციის ერთობლივი პროექტი USAID Zrda-ს თანადაფინანსებით მიმდინარეობს.


Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტში საგზაო ინფრასტრუქტურის მოწყობის სამუშაოები ინტენსიურად მიმდინარეობს. ჭყონდიდელის ქუჩაზე მიმდინარე გზის სარეაბილიტაციო სამუშაოებს ზუგდიდის მუნიციპალიტეტის მერი გიორგი შენგელია,
პანდემიის მიუხედავად ჩხოროწყუს მუნიციპალიტეტში საგზაო ინფრასტრუქტურის მოწყობა არ შეჩერებულა.
ზუგდიდის მუნიციპალიტეტში საბავშვო ბაღის აღსაზრდელებისათვის საკვები პროდუქტების გაცემა დაიწყო. პირველადი სასურსათო პროდუქტი ზუგდიდის მუნიციპალიტეტის 62 საბავშვო ბაღის 4280 აღსაზრდელს გადაეცემა.
კორონავირუსი
გასული დღე-ღამის განმავლობაში სამეგრელო-ზემო სვანეთის მასშტაბით კორონავირუსით ინფიცირებული ერთი პირი გარდაიცვალა. ინფორმაციას სამხარეო ადმინისტრაცია ავრცელებს.
სამეგრელოში არსებულ კოვიდმიმღებ ცენტრებში ამ ეტაპზე 228 პაციენტი მკურნალობს. სამხარეო ადმინისტრაციის ინფორმაციით, რუხის კლინიკაში მკურნალობის კურსს გადის 148 პაციენტი,
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 3 759 ახალი დადასტურებული შემთხვევა, გამოჯანმრთელდა 3 574 პირი, - ამის შესახებ უწყებათაშორის საკოორდინაციო საბჭოსთან არსებული
საზოგადოება
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
ამავე კატეგორიაში
დღის სიახლეები
01 / დეკემბერი 2020
ზურაბ ჟვანიას სახელობის "წინანდლის პრემიის" 2020 წლის ლაურეატი კატეგორიაში "მხატვრული ლიტერატურა - პოეზია" ზუგდიდელი გიორგი შონია გახდა.
01 / დეკემბერი 2020
2020 წლის "წინანდლის პრემია" თეატრალური ხელოვნების კატეგორიაში რეჟისორმა დავით თურქიაშვილმა მიიღო. ამის შესახებ ინფორმაცია "წინანდლის პრემიის" ფეისბუქ გვერდზე გამოქვეყნდა.
01 / დეკემბერი 2020
2021 წლის ბიუჯეტის პროექტში, რომელიც საქართველოს პარლამენტში უკვე წარდგენილია გათვალისწინებულია პენსიების მატება მომავალი წლის 1-ელი იანვრიდან. ინფორმაციას ფინანსთა სამინისტრო ავრცელებს.
მთავარი საინფორმაციო გამოშვება
ჩვენი თვითმმართველობა
არქივი
«« დეკემბერი 2020 »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
ზუგდიდი 11 °C
img
სოხუმი 9 °C
img
ფოთი 12 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.