მულტიმედია
ქრიზანტემების „ზღვა“ - გვალიების საოჯახო ბიზნესი მარტვილში
70 წლის ტარიელ გვალიამ ქრიზანთემების გამრავლება 30 წლის წინ დაიწყო.
პროფესიით აგრონომმა მშობლიურ მხარეში, მარტვილის სოფელ ნახარებოში, საქართველოში იმ დროს გავრცელებული ქრიზანთემები მოაშენა.

მოგვიანებით, ევროპიდან ჰოლანდიური ჯიშის კალმები გამოიწერა და ამის შემდეგ მხოლოდ მათ გამრავლებას მიჰყო ხელი. ამჟამად მის მეურნეობაში 15 სათბურია, რომელიც 8 ათას კვ/მ-ს იკავებს. ამბობს, რომ 100 ათას ძირზე მეტი 20-მდე სახეობის და ფერის ქრიზანთემა აქვს.

ყვავილები ადგილობრივ ბაზარზე გააქვს და არც მყიდველების ნაკლებობას უჩივის. ისინი ქრიზანთემების შესაძენად მეტწილად ადგილზე მიდიან. ბიზნესში მთელი ოჯახია ჩართული. ამბობენ, რომ შრომატევადი საქმეა და სათბურში თითქმის მთელი დღის გატარება უწევთ. ძირითადი სამუშაოები მაისში იწყება და დეკემბრის ჩათვლით გრძელდება. აქტიურ პერიოდში სათბურებში დამატებით მუშახელია დასაქმებული.

„ახლა რაც გვაქვს, ესენი ყველა ჰოლანდიური ჯიშია. ახლა რასაც ვაკეთებ, ჩემი ასაკის კაცისთვის და მთელი ოჯახისთვის არის საკმაოდ კარგი და მომგებიანი. შრომატევადი საქმეა, თუმცა არ არის პრეტენზიული მცენარე და მისი გამრავლება ნებისმიერ მსურველს შეუძლია. მაისში ვრგავთ და ნოემბერ - დეკემბერში იკრიფება, საკმაოდ ყინვაგამძლე მცენარეა, მინუს 3 გრადუსს უძლებს “, - ამბობს მცირე მეწარმე.

გვალიებს სამ სათბურში, ქრიზანთემების გარდა, რამდენიმე ათასი ძირი ალოე და ალოე ვერა აქვთ მოშენებული. წელიწადში რამდენიმე ტონა მცენარე მოჰყავთ.

„მოსავალი ძირითადად ადგილობრივ ბაზარზე იყიდება. თუმცა, დიდ ნაწილს ვაგზავნით რუსეთში, სომხეთში და ასევე, პოლონეთში. ალოესსა და ალოე ვერასგან სამკურნალო და კოსმეტიკურ საშუალებებს ამზადებენ. ამ მცენარეებს თავისებური მოვლა და მოყვანა სჭირდება“, - ამბობს ტარიელ გვალია.

გვალიებს გარკვეული რაოდენობის ვარდიც მოჰყავთ. როგორც ფერმერი ყვება, ასკილის ძირზე ჰოლანდიური ჯიშის ვარდები დაამყნეს და უახლოეს მომავალში მის გამრავლებას გეგმავენ. ამბობენ, რომ ქრიზანთემებისა და ალოესგან განსხვავებით, ვარდები გაცილებით მეტ ყურადღებას და მოვლას მოითხოვენ.

გარდა ამისა, გვალიების ოჯახს ხეხილის სანერგე მეურნეობაც აქვს, სადაც ათასობით ძირი ხურმის, ალუჩისა და ტყემლის ნერგი გაახარეს. ისინი, როგორც ადგილობრივ, ასევე, რუსეთის ბაზარზე გააქვთ გასაყიდად.

ტარიელ გვილია მზადაა ნებისმიერ მსურველს, ვინც მეყვავილეობით არის დაინტერესებული, კონსულტაცია გაუწიოს და დაეხმაროს.

„ყველას ვურჩევ, მოვიდეს ჩემთან, ვასწავლი, თუ როგორ უნდა გაამრავლონ და მოიყვანონ. საკმაოდ მომგებიანი ბიზნესია და ოჯახს არჩენს“, - ამბობს მარტვილის მკვიდრი.
მცირე მეწარმეს ხელისუფლებასთან სათხოვარი აქვს. მისი თქმით, ბიზნესზე ერთგვარი ზეწოლის და ხელშეშლის ფაქტები იყო. ის იმედს გამოთქვამს, რომ მსგავსი რამ არ განმეორდება.

„ეს ყველაფერი ჩემი ფულით და პატიოსანი შრომით გავაკეთე. ჩემთვის მთავარია მთავრობამ ხელი არ შემიშალოს. ხშირია შემთხვევები, რომ მოდიან და მაწუხებენ. კითხვებს მისვამენ, თუ საიდან მაქვს წყალი, როგორ ვრწყავ, გათბობა როგორ ხდება და ა.შ. შეშის ფეჩით ვათბობთ სათბურს და გარემოს აბინძურებო და დამაჯარიმეს. ეს ჩემთვის მიუღებელია. მცირე ბიზნესი გადასახადებისგან გათავისუფლებული უნდა იყოს“, - ამბობს მცირე მეწარმე.

ამ ეტაპზე ტარიელ გვალიას დიდი ოჯახი ბიზნესის გაფართოებას გეგმავს. გვალიები თვლიან, რომ სოფლად მეწარმეობის განვითრებას ხელშეწყობა სჭირდება და სახელმწიფომ ამ დარგის განვითარებისთვის ყველაფერი უნდა გააკეთოს.

Print Email
FaceBook Twitter
რ ე კ ლ ა მ ა
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
ზუგდიდის მუნიციპალიტეტის ჯუმის ადმინისტრაციულ ერთეულში ახალი საბავშვო ბაღის მშენებლობა მიმდინარეობს.
კორონავირუსი
გასული დღე-ღამის განმავლობაში კორონავირუსით გამოწვეული გართულებებით სამეგრელოში 2 ადამიანი გარდაიცვალა.
27 ნოემბრის მონაცემებით აფხაზეთში კორონავირუსზე 206 ადამიანი გამოიკვლიეს და მათგან 66-ს ინფექცია დაუდასტურდა.
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 4 472 ახალი დადასტურებული შემთხვევა, გამოჯანმრთელდა 4 058 პირი,
საზოგადოება
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
ამავე კატეგორიაში
დღის სიახლეები
28 / ნოემბერი 2020
გასული დღე-ღამის განმავლობაში კორონავირუსით გამოწვეული გართულებებით სამეგრელოში 2 ადამიანი გარდაიცვალა.
28 / ნოემბერი 2020
27 ნოემბრის მონაცემებით აფხაზეთში კორონავირუსზე 206 ადამიანი გამოიკვლიეს და მათგან 66-ს ინფექცია დაუდასტურდა.
28 / ნოემბერი 2020
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 4 472 ახალი დადასტურებული შემთხვევა, გამოჯანმრთელდა 4 058 პირი,
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 9 °C
img
სოხუმი 11 °C
img
ფოთი 14 °C
img
მესტია 0 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.