მულტიმედია
ქრისტინა, მეტსახელად "ლუღი", რომელიც ექიმობასა და დიდ წითელ სახლზე ოცნებობს (ვიდეო)
5 წლის ქრისტინა ფანჩვიძე, რომელსაც ფეისბუკის მომხმარებელმა მოფერებით „ლუღი“ შეარქვა, მარტვილის სოფელ დიდ ჭყონში ცხოვრობს.

ფანჩვიძეების ოთხოთახიანი ოდა სახლი, თითქმის დანგრეულია. არ აქვს კარ-ფანჯარა და ჭერი. იატაკის ნაწილი კი, რაც სახლს შემორჩა დამპალი და ჩაშლილია. ქრისტინას მამა, ბებია და ბიძა ზრდიან. ოჯახი ახლა ოროთახიან დამხმარე ნაგებობაში ცხოვრობს. იქ ერთადაა მისაღებიც, სამზარეულოც და საძინებელიც. ამ პირობებში უვლიან ოჯახის მეხუთე წევრსაც, ქრისტინას მამიდას, რომელიც შეზღუდული შესაძლებლობის მქონეა.


როგორც ქრისტინა ამბობს, მისი „სახლი ყველგან გახვრეტილია, აი, კარებთანაც გახვრეტილია, აი, აგერაც გახვრეტილია“.

„მინდა წითელი სახლი მქონდეს, კომპიუტერი მინდა, აი, თავისი მაგიდა, რომ მოყვება და კიდევ ველოსიპედი მინდა, მაგრამ ყველაზე მეტად დედა მენატრება. მამა კი ყველაზე მეტად მიყვარს, მერე ბებია, ბიძა. კიდევ მამიდა მიყვარს, ის ცუდადაა, სულ წევს“, - ამბობს ქრისტინა.
ქრისტინა ექიმობაზე ოცნებობს. დიდი რომ გახდება და ბებია მოხუცი იქნება, უნდა უმკურნალოს. მანამდე, სკოლაში უნდა წავიდეს, გვპირდება კარგად ისწავლის...

იცის, რომ მისი ვიდეო, სადაც „ლუღის“ (ლეღვი) ხინკალს ადარებს, პოპულარულია. ისიც იცის, თუ რას ამბობენ მასზე.


„მამამ მაჩვენა ვიდეო. იქ წერენ ჭკვიანი გოგონა არისო. რა, არ ჰგავს „ლუღი“ ხინკალს“?! - გვეკითხება ქრისტინა და ცალ თვალს ჭუტავს პასუხის მოლოდინში.

ხილიდან, რა თქმა უნდა, ყველაზე მეტად ლეღვი უყვარს, თუმცა არა, ყველაზე უფრო „ტკბილები“. „ხილიდან“ კიდევ ძალიან უყვარს შაურმა და ხაჭაპური.

ტარიელ ფაჩვიძემ, შვილთან და ცოლთან ერთად, ქობულეთში სამი წელი იცხოვრა. ამბობს, რომ აჭარაში ციტრუსის მკრეფავად მუშაობდა და ბავშვს საკვებს არ აკლებდა, თუმცა ოჯახური მიზეზების გამო შვილთან ერთად სოფელში დაბრუნება მოუწია.

ფაჩვიძეების ერთადერთი შემოსავალი ორი ადამიანის პენსია და სოციალური დახმარებაა.

„ის გვაქვს, რასაც ხედავთ. დაგვეხმარნენ მუნიციპალიტეტიდან, მაგრამ იმდენი არ იყო სახლის გარემონტებას, რომ ჰყოფნიდა. არც მიწა გვაქვს, სიმინდი რომ მოვიყვანოთ. 30 ძირი თხილი გვაქვს მხოლოდ. ახლა არანაირი სამუშაო არ არის, მეც არანაირი სპეციალობა არ მაქვს. მთელი ცხოვრება წვალებაში გავატარე. ახლა ჩემი ერთადერთი საზრუნავი ქრისტინაა. ერთოთახიანი ბინა, რომ გვქონოდა, საჭმლის ფულს, როგორმე ვიშოვიდი“, - გვეუბნება ტარიელი და ამატებს, რომ ჯერ წარმოდგენა არა აქვს, თუ როგორ გააგრძელებს ცხოვრებას, თუმცა ერთი რამე იცის - შვილს უნდა ასწავლოს.

სანამ ქრისტინა სკოლაში წავა და სწავლას დაიწყებს, წიწილები და ოთხი ლეკვი ჰყავს გასაზრდელი. წიწილების მოვლაში ბებიას ეხმარება, ლეკვები კი ქრისტინას ჰყავს ჩაბარებული. ამბობს, რომ როცა გაიზრდება და ექიმი გახდება, ამ „შავ-თეთრი სახლის“ ნაცვლად, ასე ეძახის სახლს, რომელშიც ცხოვრობს, აუცილებლად დიდ წითელ სახლს აიშენებს.




ავტორი:
სოფო ხუბულავა
ლევან ბებია     


Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერია, ზაზა გოგოხიას ოთხსულიან ოჯახს საცხოვრებელ სახლს აუშენებს.
დღეს, 4 ივლისს ამერიკელი ხალხი დამოუკიდებლობის დეკლარაციაზე ხელმოწერის 244 წლისთავს აღნიშნავს.
ჩხოროწყუს მუნიციპალიტეტის მერმა დათო გოგუამ და მუნიციპალიტეტში წითელი ჯვრის საზოგადოების ხელმძღვანელმა ხათუნა მიქავამ, მერის მოადგილესთან, სოციალური და ჯანდაცვის სამსახურის უფროსთან ერთად,
კორონავირუსი
ზუგდიდის საზოგადოებრივი ჯანდაცვის ცენტრის ცნობით, ინფექციური საავადმყოფოს ლაბორატორიაში კორონავირუსზე 337 პირი გამოიკვლიეს. ყველა ტესტის პასუხი უარყოფითია.
ზუგდიდის საზოგადოებრივი ჯანდაცვის ცენტრის ინფორმაციით, ინფექციურ საავადმყოფოში გამოკვლეული პაციენტებიდან ერთ-ერთს ახალი კორონავირუსი დაუდასტურდა.
სამეგრელო-ზემო სვანეთის სამხარეო ადმინისტრაციის ინფორმაციით, ანაკლია-განმუხურის საკარანტინო სივრცეში დღეის მონაცემებით 102 პირი იმყოფება.
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
ამავე კატეგორიაში
დღის სიახლეები
08 / ივლისი 2020
კახათში, სოციალურად დაუცველი დევნილი ოჯახის საცხოვრებელ სახლში გველმა კვერცხები დადო. როგორც რადიო "ათინათს" მრავალშვილიანმა დედამ ლუდმილა ასლანდიამ უთხრა,
08 / ივლისი 2020
თბილისში, აღმაშენებლის ქუჩაზე მდებარე საცხოვრებელი ბინის მიმდებარედ 6 ივლისს დაღუპული 27 წლის ზუგდიდელი ვახტანგ გულუას ოჯახს უბედური შემთხვევის შესახებ ვერსიის არ სჯერა.
08 / ივლისი 2020
ჯანდაცვის სამინისტრომ ღია და დახურული ტიპის აუზისთვის რეკომენდაციები დაამტკიცა. ზუგდიდში, ე.წ. ბაიას ბაზაზე არსებული საცურაო აუზის ადმინიტრაციაში ამბობენ,
მთავარი საინფორმაციო გამოშვება
არქივი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 22 °C
img
სოხუმი 21 °C
img
ფოთი 24 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.