მულტიმედია
სპორტი სახლში - როგორ ვარჯიშობენ ზუგდიდელი სპორტსმენები პანდემიის პირობებში (ფოტო/ვიდეო)
მას შემდეგ, რაც ახალი კორონავირუსი მთელ მსოფლიოში გავრცელდა, ყველა სპორტული შეჯიბრი თუ მოსამზადებელი ვარჯიში გადაიდო.

„ათინათი“
მოგიყვებათ, როგორ ცხოვრობენ ზუგდიდელი სპორტსმენები პანდემიის დროს და როგორია სპორტი სახლის პირობებში.

თეკლე შენგელია რაგბის კლუბ „ზუგდიდის“ წევრია. საგანგებო მდგომარეობის გამოცხადების შემდეგ, სხვების მსგავსად, ისიც სახლში რჩება და დროის დიდ ნაწილს ვარჯიშს უთმობს.

,,დღეს ინტერნეტი, სოციალური მედია გვაძლევს იმის საშუალებას, რომ მოვიძიოთ ისეთი ვარჯიშები, რომლის შესრულება სახლის პირობებში ძალიან ადვილია და ცოტა ინვენტარს საჭიროებს. დილით როცა ვიღვიძებ, მთელ სხეულს ვწელავ, შემდეგ ვიღებ იმ საკვებს რომელიც მინერალებს შეიცავს და მთელი დღის განმავლობაში გვჭირდება, ორსაათნახევრის შემდეგ ისევ ვიწყებ ძალიან ადვილად შესასრულებელ ვარჯიშს, თუმცა ვცდილობ რომ ყოველ დღე უფრო დატვირთული იყოს და ვზრდი ვარჯიშების რაოდენობას’’, - გვიყვება თეკლე და აპლიკაცია „ზუმის“ საშუალებით თავისი გამოცდილებას რაგბის მოყვარულებსაც უზიარებს.

ფიდეს ოსტატი ჭადრაკში მადონა ბოკუჩავა თვითიზოლაციის დროს ჭადრაკის ონლაინ გაკვეთილებს ატარებს. 8 მაისს, საქართველოს ახალგაზრდული ნაკრები რუმინეთის ახალგაზრდულ ნაკრებს ამხანაგურ მატჩს ონლაინ ეთამაშება. ზუგდიდელებიდან საქართველოს ნაკრების ღირსებას, 12 წლამდე ჭაბუკთა დაფაზე, მისი მოსწავლე ნიკოლოზ შამათავა დაიცავს.

მადონა ახლა შვილს ელოდება, თავისუფალ დროს კითხულობს, თარგმნის და საკუთარ მოსწავლეებს გულშემატკივრობს.

კიკბოქსინგში მსოფლიოს სამგზის ჩემპიონი დავით ქირია მსურველებს უფასო ონლაინგაკვეთილებს 22 მარტიდან სთავაზობს. მისი ვარჯიშები საღამოს ათის ნახევარზე იწყება და 50 წუთს გრძელდება.

კიკბოქსიორის ონლაინვარჯიშებს დიდი ინტერესი და გამოხმაურება მოჰყვა. ,,მე სახლის პირობებში მომიწია ვარჯიშის გაგრძელება და გამიჩნდა სურვილი, რომ ეს ვარჯიშები გამეზიარებინა ჩემი გამომწერებისთვის და ჩვენ ერთად დავიწყეთ ვარჯიში, ეს იდეა ძალიან კარგი გამოდგა, რაც მე ძალიან მახარებს. ეს არის საკამრისი იმისთვის რომ ჩვენ დავიტვირთოთ და დავრჩეთ ტონუსში’’, - ამბობს დათო.

ქირია თავის გამომწერებს ვარჯიშებს კვირაში სამჯერ სთავაზობს. ის ფეისბუკის საკუთარ გვერდზე ავრცელებს იმ მონაწილეების ფოტოებსაც, ვინც მასთან ერთად ონლაინ ვარჯიშობს.

მსოფლიო ჩემპიონი მზად არის დისტანციურად გაუწიოს კონსლუტაციები კიკბოქსინგის მოყვარულებს.

ცოტა ხნით ადრე კორონავირუსის გავრცელების გამო გადაიდო მადრიდში დაგეგმილი ბრძოლა, რომელშიც ქირია ესპანელ მეტოქეს ნეინაშ ნენეას შეხვდებოდა.

სახლში რჩება ფეხბურთელი ნიკოლოზ აფაქიძეც. ის დროს ოჯახთან ერთად ატარებს და, ამ პერიოდში დროის სიმცირეს არ უჩივის, კითხულობს, თამაშობს თავის პატარა შვილთან და დღეში ორჯერ ვარჯიშობს.

,,დროს ოჯახთან ერთად ვატარებ, ჩემი შვილი ალექსი გვართობს ხოლმე, ერთად ვვარჯიშობთ, ვთამაშობთ, როცა მას სძინავს წიგნებს ვკითხულობ, სახლის პირობებში კარდიო ვარჯიშებს, პრესებს, ფიტნეს ვარჯიშებს ვაკეთებ,, - გვიყვება ნიკოლოზი.


კორონავირუსის გავრცელებისა და საგანგებო მდგომარეობის გამოცხადების შემდეგ ძალოსანი ნათია გადელიაც შინ ვარჯიშობს.

,,შუადღის 2 საათიდან იწყება ჩემი ვარჯიში. მწვრთნელების რეკომენდაციების და კონტროლის ქვეშ, გრძელდება 2 ან 3 საათი. ასევე ყურადღებას ვაქცევ კვებას და ვცდილობ ვიყო ობტიმალურ ფორმაში’’, - ამბობს ნათია.

ევროპის პრიზიორი 14 წლის მოკრივე თათია ბუკია ვიდრე ქვეყანაში საყოველთაო კარანტინია, ტრენერის მითითებებით სახლში ემზადება. იმედი აქვს რომ პანდემია მალე დასრულდება და ჩვეულ რეჟიმს დაუბრუნდება.









Print Email
FaceBook Twitter
რ ე კ ლ ა მ ა
რაზე ისაუბრეს პროექტის - "მოწყვლადი ჯგუფების ხმა საარჩევნო დისკურსში" ფარგლებში ზუგდიდის მაჟორიტარი დეპუტატობის კანდიდატებთან გამართულ დებატებზე?
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
კორონავირუსი
აბაშის "ევექსის" ჰოსპიტალის ბაზაზე კოვიდმიმღები კლინიკა გაიხსნება. ინფორმაციას აბაშის მერია ავრცელებს. ამავე ცნობით, საავადმყოფო, რომელიც 28 საწოლზეა გათვლილი,
რუხის საავადმყოფოში ჟანგბადის წარმომქმნელი ორი აგრეგატი დამონტაჟდა. ამის შესახებ ჟურნალისტებს საავადმყოფოს კლინიკურმა მენეჯერმა ნინო აკობიამ უთხრა.მისივე ინფორმაციით სამედიცინო დაწესებულებას აღნიშნული
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 3 216 ახალი დადასტურებული შემთხვევა, გამოჯანმრთელდა 3 937 პირი,
საზოგადოება
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
ამავე კატეგორიაში
დღის სიახლეები
30 / ნოემბერი 2020
თბილისის საქალაქო სასამართლომ ზუგდიდელი გუკა ბაძაღუა უდანაშაულოდ ცნო. გამოძიება მას მძიმე დანაშაულის შეუტყობინებლობას ედავებოდა.
30 / ნოემბერი 2020
აბაშის "ევექსის" ჰოსპიტალის ბაზაზე კოვიდმიმღები კლინიკა გაიხსნება. ინფორმაციას აბაშის მერია ავრცელებს. ამავე ცნობით, საავადმყოფო, რომელიც 28 საწოლზეა გათვლილი,
30 / ნოემბერი 2020
ხობის სოფელ პირველი მაისის საჯარო სკოლის მოსწავლეებმა და პედაგოგებმა ყოფილი დირექტორის თანამდებობიდან გათავისუფლება გააპროტესტეს.
მთავარი საინფორმაციო გამოშვება
ჩვენი თვითმმართველობა
არქივი
«« დეკემბერი 2020 »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
ზუგდიდი 16 °C
img
სოხუმი 11 °C
img
ფოთი 15 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.