მულტიმედია
,,კოვიდ-კულინარია’’ – სივრცე პანდემიის დროს სახლში დარჩენილი კულინარიის მოყვარულებისთვის (ფოტო/ვიდეო)
მაშინ როდესაც მთელი მსოფლიო კორონავირუსს ებრძვის და სახლში დარჩენა ისევ აქტუალურია, ზუგდიდელმა ნინო კემულარიამ შინ გამოკეტილი დღეების გახალისება სცადა და სამზარეულოში სხვადასხვა რეცეპტის მოსინჯვა დაიწყო. კერძების შინ მომზადების პროცესი მოეწონა და გადაწყვიტა სხვებისთვისაც გაეზიარებინა. ფეისბუკში ჯგუფი შექმნა და ზუგდიდელი დამწყები და გამოცდილი კულინარები მოიწვია.

,,თვითიზოლაციამ და დროის მოკვლის სურვილმა ბევრი ადამიანი შეიტყუა სამზარეულოში, მათ შორის ისეთი ადამიანები, რომლებიც საერთოდ ვერ მეგობრობენ ამ საქმიანობასთან, პოსტები და კომენტარები იმდენად სახალისო იყო, რომ სურვილი გამიჩნდა ამ ყველაფრისთვის ერთ სივრცეში თავი მომეყარა, თან ეს მცირე ემოცია, რომელიც მოაქვს ამ ყველაფერს, დღეს ისე საჭიროა, როგორც არასდროს’’ , - გვითხრა ნინომ.

მისი თქმით ბევრისთვის კულინარია ჰობი აღმოჩნდა და მეგობრული, სახალისო ჯგუფი შეიქმნა, რომელსაც დიდი პოზიტივი მოაქვს.

ჯგუფში გაწევრიანებული გურმანები ერთმანეთს უზიარებენ სხვდასხვა კულინარიულ რეცეპტს და კარანტინის პირობებში, საკუთარ სამზარეულოებში მომზადებულ კერძებს.

კლუბის წევრებმა მათ კერძებს სახელებიც კი შეურჩიეს: კოვიდ ფუნთუშები, კოვიდ პიცა კოვიდ ტორტი. ჯგუფში ერთმანეთს ასე ესალმებიან: კარანტინ დილამშვიდობისა, უკარანატინო დილა. აქ ნახავთ ქარდებსა და სახალისო პოსტებსაც.

დახურულ ჯგუფში ,,კოვიდ კულინარია’’ გაწევრიანებული არიან ზუგდიდელი ემიგრანტებიც.

ჯგუფში შვიდი კაცია გაწევრიანებული, მათ სამზარეულოში ფუსფუსი ძალიან მოსწონთ და სიამოვნებით უზიარებენ კლუბის წევრებს მომზადებული კერძის რეცეპტებს.

ერთ - ერთი მათგანია შაკო გორდულავა, რომელმაც მისი საყვარელი პიცა მოამზადა და რეცეპტი მეგობრებს გაუზიარა.

პიცის რეცეპტი

ინგრედიენტები:

საფუარი - 2 ჩ.კ
ზეითუნის ზეთი - 3 ს.კ
შაქარი - 1 ჩ.კ
მარილი - 1/2 ჩ.კ
ფქვილი - 350 გ

მომზადების წესი:

საფუარი თბილ წყალში გახსენით და 15 წუთი დატოვეთ. ჯამში ჩაყარეთ ფქვილი, შაქარი და მარილი. გაუკეთეთ შუაში ორმო და ჩაასხით ზეთი და საფუვრიანი წყალი. კარგად გადაურიეთ, გადაიტანეთ ფქვილმოყრილ მაგიდაზე და კარგად დაზილეთ. ცომი რბილი, ელასტიური და ერთგვაროვანი უნდა გახდეს.. ჩადეთ ცომი ზეთწასმულ ჯამში, თავზე გადააფარეთ და თბილ ადგილას დატოვეთ ასაფუებლად, დაახლ. 1 სთ.
აფუებული ცომი 2-ად გაყავით. გააბრტყელეთ, წაუსვათ პამიდვრის სოუსი ან ცოტაა წყალში გახსნილი ტომატ-პასტა, მოაყარეთ ყველი, დაადეთ რაც გინდათ და გამოაცხეთ240 გრადუსზე 10-15 წუთი.

მიირთვით გემრიელად!

ნინომ და ჯგუფის წევრებმა ენთუზიაზმით დაგეგმეს როდესაც ცხოვრება ჩვეულ რიტმს დაუბრუნდება, „კოვიდ-კულინარიის“ წევრები, მათ ვისაც გემრიელი კერძების აღმოჩენა და მათი მომზადება მოსწონთ ბუნებაში ერთად შეიკრიბებიან.

ჯგუფის წევრები ძველი ცხოვრების დაბრუნების და გემრიელი შეხვედრის მოლოდინში არიან, მანამდე კი საკუთარ კულინარიულ ექსპერიმენტებს ერთმანეთს დისტანციურად უზიარებენ.
Print Email
FaceBook Twitter
რ ე კ ლ ა მ ა
ქართული ოცნების" აბაშის, მარტვილის, ჩხოროწყუსა და წალენჯიხის მაჟოროტარობის კანდიდატი ალექსანდრე მოწერელია მოსახლეობასთან შეხვედრებს აქტიურად განაგრძობს.
დღეს, 25 ოქტომბერს ზუგდიდში „ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშიას“ წინასაარჩევნო დასკვნითი ღონისძიება გაიმართება.
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი მოსახლეობისთვის საარჩევნო პროგრამის გაცნობას აქტიურად განაგრძოს.
კორონავირუსი
რეგიონის მასშტაბით, ზუგდიდის ინფექციური საავადმყოფოს ლაბორატორიაში გამოკვლეული 276 ნიმუშიდან 93 -ზე დადებითი პასუხია.
საქართველოში კორონავირუსის 1 928 ახალი შემთხვევა გამოვლინდა. ამის შესახებ ინფორმაცია განახლდა მთავრობის სპეციალურ ვებგვერდზე
გასული დღე-ღამის განმავლობაში დე ფაქტო რესპუბლიკაში 371 პირის ბიოლოგიური ნიმუში გამოიკვლიეს, მათგან 117-ს კორონავირუსი დაუდასტურდა,
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
ამავე კატეგორიაში
დღის სიახლეები
25 / ოქტომბერი 2020
ქართული ოცნების" აბაშის, მარტვილის, ჩხოროწყუსა და წალენჯიხის მაჟოროტარობის კანდიდატი ალექსანდრე მოწერელია მოსახლეობასთან შეხვედრებს აქტიურად განაგრძობს.
25 / ოქტომბერი 2020
შინაგან საქმეთა სამინისტროს ცნობით,  ზუგდიდში 21 ოქტომბერს "საქართველოს ბანკის" ყაჩაღურ თავდასხმაში მონაწილე დამნაშავე პირის ვინაობა დადგენილია და ის იდენტიფიცირებულია.
25 / ოქტომბერი 2020
დღეს, 25 ოქტომბერს ზუგდიდში „ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშიას“ წინასაარჩევნო დასკვნითი ღონისძიება გაიმართება.
მთავარი საინფორმაციო გამოშვება
არქივი
ამინდი
ზუგდიდი 28 °C
img
სოხუმი 25 °C
img
ფოთი 25 °C
img
მესტია 22 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.