"ვილა კოლხიდა"- საოჯახო სასტუმრო მამა-პაპისეულ ეზოში (ვიდეო/ფოტო)
17:03 / 11.06.2020
ზუგდიდელმა ლაშა ყორშიამ ქალაქიდან 6 კილომეტრში, სოფელ კოლხიდაში მამა-პაპისეულ სახლ-კარში საოჯახო სასტუმრო მოაწყო.
სახელზე ბევრი არ უფიქრია და მას „ვილა კოლხიდა“ დაარქვა. ძველი სახლისთვის ახალი სიცოცხლის მინიჭებას თითქმის ერთი წელი დასჭირდა. ამბობს, რომ პირველი სტუმრები მარტის თვეში ჩეხეთიდან, რუსეთიდან და ლიეტუვადან მიიღო. წელს, პანდემიის პირობებში უცხოელ სტუმრებს ნაკლებად ელის და აქცენტს შიდა ტურიზმზე აკეთებს.
რაც დამსვენებლებს „ვილა კოლხიდაში“ უხვად დახვდებათ სიმწვანე და ეკოლოგიურად სუფთა გარემოა. აქ შესაძლებელია გამოსაშვები საღამოებისა და დაბადების დღეების გადახდა, მეგობრებთან ერთად დროის გატარება ან უბრალოდ განმარტოება.
„წელიწადნახევრის წინ დავიწყეთ მშენებლობა. ცოტა დაგვრჩა, ერთ კვირაში ჩვენ უკვე მზად ვიქნებით სტუმრების მისაღებად. ჯანდაცვის სამინისტროს რეკომენდაციების გათვალისწინებით ვიწყებთ სტუმრების მიღებას. გვექნება სადეზინფექციო ხსნარები და ყველა საჭირო აღჭურვილობა“, - ამბობს საოჯახო სასტუმროს მფლობელი.
ლაშას მშენებლობა ჯერ არ დაუსრულებია. უამრავი იდეა აქვს, თუმცა მათ განხორციელებას ამ ეტაპზე უსახსრობის გამო ვერ ახერხებს.
საჭირო თანხის მოძიების შემდეგ პირველი, რასაც გააკეთებს „კოლხიდის პირამიდების“ მშენებლობას დაასრულებს. ეს იქნება ტურისტული ბანაკი, რომელიც უცხოელ სტუმრებზე იქნება გათვლილი. აქვე საკემპინგე ზონის მოწყობასაც გეგმავს. "სტუმრებს შეუძლიათ შეგვიკვეთონ მზა საკვები ან მოიტანონ პროდუქტები და აქვე, თავად დაამზადონ ნებისმიერი კერძი“, - გვიყვება ის და დასძენს, რომ აქ ამისთვის ყველა პირობა არსებობს. ლაშა ამბობს, რომ ამჟამად ერთდროულად 20 კაცამდე მიღების საშუალება აქვს. მშენებლობის დასრულების შემდეგ ფიქრობს, რომ „ვილა კოლხიდა“ 60-ზე მეტი ტურისტის გამასპინძლების შეძლებს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
ოკუპირებული აფხაზეთის ე.წ. პრეზიდენტმა განაცხადა, რომ ბიჭვინთის „სახელმწიფო აგარაკის“ რუსეთის ხელისუფლებისთვის გადაცემის საკითხს „წერტილი დაესვა“. ამის შესახებ ასლან ბჟანიამ აფხაზურ ტელევიზიას უთხრა.
ზუგდიდში ე.წ აგენტების კანონთან დაკავშირებით "ერთიანი ნაციონალური მოძრაობის" ლიდერი ლევან ხაბეიშვილი, ასევე "სტრატეგია აღმაშენებლის" თავმჯდომარე გიორგი ვაშაძე, საზოგადოების სხვადასხვა წარმომადგენელთან ერთად,
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები